جواد القابجي
الحوار المتمدن-العدد: 1874 - 2007 / 4 / 3 - 11:31
المحور:
الادب والفن
فديتك گلبي والأنفاس وضلوعي
بس عايش تظل يا حزبي يشيوعي
********************
يا سلوة حچينه ابلمّة الديوان
يوجاغ اليشع بين الرفاق ألوان
من كل الشعب لم الحزب شجعان
****** اولو مسّه العطش اسگيه امنعيوني
للسبعين وثلاثه ألف ورده
إلميلادك اشموع الفرح متّقده
ودْين ارفاگتك متعاضده او وحده
******* او حبّك صار وسط اگلوبنه اوطوعي
يالعمرك طويل ابرغم كل اعداك
وين اصدام يو حزبه الذي عاداك
خسر كلمن يحارب فكرك اورؤياك
******* صفت بلمزبله لا تفهم او توعي
إلك حزب الرفاق الطيبه الحلوين
انواع التحايه او للبطل لينين
يارايه الترفرف شاخصه امنسنين
****** إلك أعلگ وبد ما تنطفي اشموعي
بس عايش تظل يا حزبي يشيوعي
***********************
نعاضد كلمن ايحبنه ولينين
فهد مامات يوعادل ولينين
بٍدٍينه من رَحم أُمنه ولينين
طلع شوعي گبل ميشوف ابيّه
**********************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟