إلى المعارضين السوريين ، بعض الصمت

مازن كم الماز

الحوار المتمدن-العدد: 8068 - 2024 / 8 / 13 - 12:07
المحور: مواضيع وابحاث سياسية
    

إخوتي الثوار و الأحرار و المعارضين السوريين ، حلوا عن رب الشعب السوري قليلًا لو سمحتوا ، عندكم إيران و مائتي مليون شيعي و نصر الله و مئة مليون روسي و مو غلط شوي على نتنياهو ، بس خففوا حكي عن إسقاط الأسد رأفة بالمساكين ، إنتو بترجعوا بكره حكام على سوريا الحرة بس الناس اللي أخذت بيوت ببرلين و استوكهولم و أمستردام و عايشة عالسوسيال رح ترجع على سوريا الحرة تبعكم يد من وراء و يد من قدام ، لا رح تطعموها و لا تعطوها مصاري ، إنتو أو حدا بيحكي متلكم رح يسرقهم و يطعميهم خرى ، إنتو بترجعوا متل الرفيق المناضل وزير الدفاع العراقي السابق اللي راح شوي على بلده ، سرق شو الله فتح عليه و رجع عالسويد لنكتشف و يكتشفوا السويديين إنه الرجل المناضل عايش عالسوسيال بنفس الفترة اللي كان عايش فيها على أكتاف و جيوب إخوانه العراقيين ، اذا ما رح تعملوا سوسيال بسوريا الحرة تبعكم و توزعوا عالناس بيوت ببلاش اسكتوا شوي عن بشار و لا تنسوا لسه فيه 15 مليون رح يموتوا و يجوا على بلاد الكفر و الكفار و المتعصبين و الاسلاموفوبيك … ما حدى طلب منكم تتوقفوا عن تجويع السوريين لتعلموهم الديمقراطية ، ايدكم و ما تعطي ، حلال على ربكم و التاريخ رح يسجل ، إذا كان عم يسجل شيءٍ أصلًا ، إنكم علمتونا الديمقراطية بتجويع السوريين و لا تخافوا ، إذا وصلتوا على الكرسي ، سواءً على دبابة أميركية أو غيرها ، فالناس رح تنسى كل وجعها و احتمال كبير تشكركم على هالدرس القيم متل ما عملت مع حافظ و قبله معاوية و الحجاج … و أخيرا و ليس آخرا يعني على هاللعي و الجعجعة عن إسقاط بشار إذا بيضل واحد منكم بأوروبا بعد سقوط بشار يحق لأي سوري أن ينكحه شرعًا

#مازن_كم_الماز (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات