سيمون عيلوطي
الحوار المتمدن-العدد: 7520 - 2023 / 2 / 12 - 14:30
المحور:
الادب والفن
قصائد...
فَرْفَرَه ....
يا حِلْم لا تْسافر
عَ النّدى بكّير
قلبَك مَصيرو بالهوى
واقِع
واللَّهو مهما يْزيد
طيشو كْثير
يِسبَح عَ كيفو
في المَدى الواسِع
يرجَع يِشدُّو لَديرتو الواقِع ...
***
هزِّة .....
يا كون مها تْحصَّنو بْعِزِّه
وِتْفَنَّنو فْ أصناف
المَزِّه
كِبرو وْعَمَّرو أبراج...
وْحَوَّطو لِحْدو د
بِأقوى سْياج
كَلُّو بِروح بْلحظِةْ هَزِّه..!!
***
غرور الإنسان
سيمون عيلوطي
فكَّرِت مَشِّي الكون
عا كيفي
وَدَوِّر النُّجوم
في سيفي
وْأنزِّل الأمطار
في صيفي
والشَّمِس أخفيها
في طيفي...
هزِّه خلَّتني أشعر بْحيفي!!
(الناصرة)
#سيمون_عيلوطي (هاشتاغ)
كيف تدعم-ين الحوار المتمدن واليسار والعلمانية
على الانترنت؟