-(حايط انصَـيـّـص) مهداة الى ثوار تشين

ميسون نعيم الرومي

الحوار المتمدن-العدد: 7388 - 2022 / 10 / 1 - 20:32
المحور: الادب والفن
    

-(حايط انصَـيـّـص)
مهداة الى ثوار تشين
ميسون الرومي

هـذا (العراق) الچان هيـبه اوتـرافـَه
-(حايط انصَـيـّـص) صار مَحَّد يِخافـَه
***
مَحَّـد يِخافـَه حيـف .. والكـل تـنـِهـشـَه
-(قُمـْبـر) اوكومه اسلاح .. امن الجَو تضربه
***
امن الجَو تضربه اتراك ويـّاهـّه إيران
كـِتلوْ شعبنه اشرار.. رَوْعـَـوْ السكان
***
رَوْعـَـوْ شعبنه اشرار محـَّـد يـِكعـْـهم
سـافـل حرامي اليوم .. للوطن يحكم
***
للوطن يحكم حيـف لملوم اجانـَه
موت اوخراب اديار اشبعنه مهانه
***
اشبعنه مهانه اوذل .. صار النه عقدين
واللي گبلهه اعقود .. شو جـَـنـَّـه ميتين
***
شو جـَـنـَّـه مـِـتـْـنـَـه ليش نتحـَـمـّـل الذل
من الظلم والجور شـو .. صرنه منـخل
***
عيشة ظلم ياناس .. والنفط مبيـوگ
عند الغرب الفلوس .. والبلد محروگ
***
هدَّوْ علينه اذناب ! خربوْ وطنه
صار العراق ارماد ! بالفگرعشنه
***
بالفگر عشنه اسنين .. ضاگت علينه
هبّ الشـباب اليوم .. لازم نعـيـنـَه
***
هب الشباب اليوم .. يـنقـذ وطـَـنـَّه
الولدك تصير أسـْـوارْ .. ها يا شعبنه
***
-(تشرين) هذا الثار .. يـِعـْـدل الميزان
الثـوره نـار اونـور.. وابـكـل الأزمان
***
وانحاسـب (الأوغـاد) والبـاع الاوطان
يضويي العراق ايشع بـ (اطيافه) للوان
---------------------------------------------
1 / تشرين الأول / 2022
ســــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات