خلود الحسناوي
اعلامية وشاعرة
(Khulood Sabri)
الحوار المتمدن-العدد: 7265 - 2022 / 5 / 31 - 20:16
المحور:
الادب والفن
وحگ وجهك ،
ولون الوجنه والشفتين
الك مشتاگ لوتدري بعذابي سنين
وحگ الصورك وبوسط الگلب خلاك
الك مني رسالة تگول : انه اهواك .
يمن تلعب عليه وادري بالمستور ..
اتركني دخيلك انه اريد انساك
وهمان انه ..
غلطان انه
جنت اظن انته ..
الاشد بيك العزم
تاليها تتحجج عليَّه وتنهزم !؟
روح ماريدك بعد ..
روووووح ابتعد ..
طعناتك هواية ،
بجسد مجروح..
روووح
اگلك روووح ..
يل زيدت جرحي الم فوگ الالم
مافيدك بعد ..
ميت انه وحيلي انهدم
وشيفيد للميت طعن ،
بسجينك المثلوم ..
ماينفع ندم .
#خلود_الحسناوي (هاشتاغ)
Khulood_Sabri#
كيف تدعم-ين الحوار المتمدن واليسار والعلمانية
على الانترنت؟