تطاير الدروب

سيمون عيلوطي

الحوار المتمدن-العدد: 1667 - 2006 / 9 / 8 - 06:15
المحور: الادب والفن
    

(( الى الشاعر الكبير مظفر النواب مع تمنياتي له بالشفاء ))

بَوَّابِةْ الأحلام فِ وِجُّو سَكَّرَت
وِتْطايَرَت
من دون دَعْساتو الدُّروب
عم يُرْكُضو عَ الشَّمس
يمكن أشرقت ؟ !!
يا شَقْشَقَت في وعَدْ أنَّات القُلوب !
ظَلُّو لَوَحْدو ..
ومِش لَوحدو رايْتو مَ تْلوَّنت
في أي لون ..
وْلا حدا عنها بِنوب
عَمِّ الظَّلام وصوبو نار تراشقت
امالو عا صخر العَنا ظَلَّت تِجوب
وِتْطايَرَت من دون دَعْساتو الدُّروب

***

عِطْرو يُعبُق بِالمَطارِح كُلْها
مثل الهوا
منشور دايِم في الحُضور
عَم يسألوا ..
مْنين العَزِيمه لَمْها ؟؟!
أشرِعْتو دوم مْواجِهه مْواج البُحور !!
صار البُحور بْموجْها وِبْيَمْها
صار الشجر .. شو يْبَوِس فْرَاخ الطيور
ْظلُّو لوحدو ..
ومش لوحدو
هَالقصيدِه وْهَمْها
شْمُسو بِتْشَعْشِع وَعِد
بعد الغُروب
وِتْطايَرَت من دون دَعساتو الدُّروب !!

***

فِ فْنونو هاَلأشعار ياما يِصْدَحو
وْيِنْسو أسى وَيلات
ما إلها حُدود
عا طريق الألم ياما تْجَرَّحو
حَفْرَت قَنا دَمْعَاتْهِن فوق الخُدود
رَغْم السَّحق ..
قِدْرو معانا يفرحو
بْوِجْه العواصف صارو وَرْدات الوُرود
حِصَارو تَزْيِف العواصم
يِفْضَحو
تْحِلِّ العدالِه عَ الأرِض
كِذْب وْوعود
وِتَطايَرت من دون دعساتو الدرُّوب



تطاير

#سيمون_عيلوطي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات