أُضربها شلّوط ..بس أوعى رِجْلَكْ

كامل النصيرات

الحوار المتمدن-العدد: 1659 - 2006 / 8 / 31 - 01:58
المحور: كتابات ساخرة

الحكومة ضاربتها مش طناش وبَس ..ضاربتها حدّ القهر ..طناش وعمى وبَكَمْ ..!! الحكومة معذورة يا خوك ..الحكومة عندها كمشة ساعات بدها تبيعنا إيّاهن ..والساعات مشكلتهن مشكلة ..فشْ فيهن بطاريّات ..ولا عقارب ..ولا أرقام ..ولا كاسكيت ولا حتى فيه ساعات من الأصل ..!! مِشْ عارفين نضبط وقتنا على جيتة الحكومة ولا على روحتها ..!! والساعات صارن أيّام وشهور ..حتى أننا فقدنا الشعور بالزمن ..اليوم زي إمبارح ..وإمبارح زي بُكرة ..وبُكرة زي السنة الجاي ..بس على إيد حكومة جديدة ...!! الانجاز الوحيد للحكومة أنها أخذت كل العقارب من الساعات ..ونشرتهن في قانون جديد ..اسمه منع الارهاب ..!! منع إيش ..؟؟ بالله منع إيش ..؟؟ الارهاب ..؟؟ كمان سمعوني ..عيدوا وزيدوا ..منع إيش يا جماعة ...؟؟ منع الارهااااااااااااااااااااااااااااااب ...طَرشْ يطرشك ...مش سامع ...!!
سؤال ..ومِشْ بريء ..وكلّه خبث ..لماذا مجلس النوّاب ..إللي شاطر يلفّ ويشفّ قوانين مش عارفها ..بدل ما يبصم على هيك قانون ..ليش ما يعمل قانون ( منع حل مجلس النواب ) ...؟؟ وكمان سؤال ..وكمان أخبث من إللي قبله ..ليش الشعب ما يقوم يعمل قانون شعبي اسمه قانون ( منع الحكومة من إصدار القوانين ) ..!! هَلَكونا ..لعنوا أبو خبزاتنا وميّاتنا بقوانينهم ..!! بدنا نتنفس بدون قانون ..بدنا نسب إسرائيل بدون قانون ..بدنا نلعن أمريكا بأحلامنا بدون قانون ...بدنا نوحِّد الله بدون قانون ...!!
سؤال أخير ..بريء ..وغير خبيث ...هل تستطيع الحكومة أن تعمل قانون تمنع فيه خوف ( ارهاب ) الموظف من المسؤول ..وخوف ( ارهاب ) المسؤول الصغير من الوزير ...وخوف ( إرهاب ) الوزير من مولانا الرئيس ...؟؟ هل تستطيع الحكومة أن تعمل قانوناً يمنع خوف ( إرهاب ) الناس إللي ماشية في الشارع من خيالهم ..؟؟
سيدتي الحكومة ...ما زال الخوف في تفاصيل تفاصيلنا ..فكيف يخرج الإرهاب ..؟؟؟!!! ابعدي عنّا يقوانينك وأنا أضمن لك أن لا إرهاب ( خوف ) بعد اليوم ...؟؟
شايفين اليوم ؛ بحكي ومش خايف ..والله يا عمي الحكومة بتتحمل كثير ..بدكو أحلى من هيك ديمقراطيّة ..هيني لا خليتلها ولا بقيتلها ..ومع ذلك عمرها ما عاتبتني ..بالعكس ..تشجعني وتقولي .: اكتب زي ما بدك ..!! شايفين كيف ...؟؟ مين معه سيجارة ميركوري أحمر ..خلّيني أعرف لأفكِّر ..لأتأكّد أنني ما زلتُ بالأردن ...!! نفسي أضرب حالي شلّوط ..بس والله خايف على رِجْلي..!!

#كامل_النصيرات (هاشتاغ)

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات