عراق الخير

عجيل جاسم عذافة

الحوار المتمدن-العدد: 7083 - 2021 / 11 / 21 - 22:03
المحور: الادب والفن
    

عراق الخير يا هالناس لو تدري
فيه القصب والاهوار والجرِّي
وفيهْ امجادْ امتنا
سولف للي نام الليل ما يدري
فيه من السيوف اشكال
والاَعلام مثل عباس والبكري
وفيه نهرين كل شاعر
وگف يمها مثل الماء ظل يجري
بيهْ سيّاب للبصره
ومؤيد علق وصاحوا حچى البدري
من كل شي العراق يشيل
اهل للضيف والمشّاي ما يعري
وبيه كلاب شتى الوان
واحد يعوي نص الليل لليسري
وواحد لو لگه الملهوف
عضه وخله دمه شطوط من يجري
وعدنا اشكال بيها لْصوص
ما يسرق شخص معري
يسرق دنيا باكملها ولو سولف
عبالك حافظ القرآن والسفر
شتريد واسولف بعد شاحكيلك
كلها اضداد لكن يا ارض ستري
عدنه تطير المسيرات للمسؤول
وكلها تصيح شنهو الصار ما ندري
وعدنه مصخَّم المسؤول
خايف والرجيف شلون ما ادري
وما عدنه حكومه مثل باقي الناس
بكل قريه حكومه وع العلم تمري
بلد عطشان للحكام للسلطه
وكل خمسه عليهم حاكم ويفري
وحتى راعي النعجات من يمشي باليس يم
حسباله امير وطالع يهذري

#عجيل_جاسم_عذافة (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات