نهر حبك نشف

حيدر صادق صاحب
كاتب وشاعر
(Haider Sadeq Sahib)

الحوار المتمدن-العدد: 7067 - 2021 / 11 / 4 - 10:56
المحور: الادب والفن
    

قصيدة (( نهر حبك نشف ))


نهر حبك نشف والشوك سد الباب
وعلى زلفك تركت اثار صفناتي
وبجيت احلام جانن بالفكر دستور
شفت بيهن مواد يقررن ذاتي
ليش بلا صدى خليت صوتي يصير
شمااصرخ ترد ايتام كلماتي
تعال ولا تعال الشمس تعله لفوك
وتنزل بالنتيجة بحضن راحاتي
انه همي جسر يعبر عليه العوز
ويكمم شفاهي لبيهه صرخاتي
مصادر كل صراخ بدفتر الاهات
عناوين لقلوب اساقطت اوراق
الوكت يمشي على عكاز ويدوس ايتام
وعلى كومت جماجم يرسم الافاق
جرة بيه الضمأ واتخيلك ينبوع
يجري بلا جسد فوك الجسد ترياق
صرت ثورة جزر قاوم ملح بالكاع
وجمع كل الجداول مختلف اعراق
انه سلاحي قلم والحبر طلقه غيض
سهام على الجهل وعلى العلم اشراق
صرت ساتر قضيتي وتخشه خط النار
وانه بحرية صدري لكل رصاصة اشتاق
ادور انه بيك وشفت ما موجود
القصيدة تموت لو ما تحبل بمطلع
اريد تصير عامل جوه كل انسان
ولو شافك كمت يتظاهر المصنع
لان بكل صراحة الذيب اصبح جار
وجار انته بجملتك لو نصب يرفع!
امشي بغير دربك واحسب الخطوات
واسكي الاثر بالكي يورد وينفع
وشد تاريخ خصرك عالخصر فلاح
واعلك مستحاتي بمنجلك منبع
تخضر ارض روحك عالفقر ماعون
وساحات الكفاح بحضرتك تركع

بقلمي المتواضع الشاعر حيدر صادق

#حيدر_صادق_صاحب (هاشتاغ)       Haider_Sadeq_Sahib#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات