عزام والحياه مفاوضات والتهديد لاميركا

احمد عصفور ابواياد

الحوار المتمدن-العدد: 7057 - 2021 / 10 / 25 - 14:04
المحور: مواضيع وابحاث سياسية
    

عزام والحياه مفاوضات والتهديد لاميركا .
لقد حضرت لقاء عزام الاحمد وهو يقول انه بطلنا مدة سنه للامهال اذا اميركا بتتقدم خطوه بنتقدم خطوه واذا ما فيه تقدم حنرجع خطوه لورا طلبت توضيح المذيعه فقال يجب ان تفتح اميركا القنصلية بالقدس الشرقيه ورفع الحصار المالي وتعطي تعهدات مكتوبه وبتواريخ زمنيه محدده لكل موضوع فانتابتني موجة ضحك ولم استطيع السيطرة علي نفسي من الضحك تخيلت ان اللي بيحكي بوتين او رئيس جمهورية الصين وبيشد علي نفسه عزام فتذكرت ما قاله لي ضابط التحقيق الاسرائيلي قبل ٣٠ عام فقال لي اسمع عصفور الكل بيشهد لك انك ذكي بس بدي اقولك شيء ضلك احكي ليل ونهار الموت لاسرائيل وقول كل شيء ما بيهم اسرائيل حكيكوا لكن واحد يلقي حجر علي جندي عنا اياه اكبر من كل عبارات التهديد والوعيد اللي بتقولوها علينا وياعزام السياسة بدها قوة بدها باروده ومدفع تحميها وتسندها هيك بتفهم اسرائيل واميركا بتردش علي جعجعة حكي وميكروفونات ماذا نملك من عناصر القوه والضغط ياعزام والوطن منقسم وحكومتين وما بيطلع مسؤل فلسطيني الا بتنسيق اسرائيلي و م ت ف ممثلنا الشرعي والوحيد نايمه بغرفة الانعاش وعدمتوا قدرتها وشلتوها وحصار مزدوج علي غزه واصبح شعبها متسول مبسوطه اسرائيل وهي بتسمع التهديدات الرنانه وما في فعل طلقه او حجر يجرح اسرائيلي من شان هيك لنا بنفاوض ٣٠ سنة ومكانك قف وقالها شامير بمؤتمر مدريد حافاوض الفلسطينين عشرين عام ولن ياخذوا شيء والان ملينا من الحكي والحياه مفاوضات حسب رأي عريقات وانت ما مليت وانت بتفاوض وبتناشد وبتاخذ وعودات الظاهر الواحد اكل اكله دسمه وبيحلم بالتهديد والوعيد برافوا عزام انت الوحيد اللي بيرتعب منك اليهود والامريكان وصباحكم تهديد .

#احمد_عصفور_ابواياد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات