-أظل مشتاق- شعرشعبي

حيدر حسين سويري

الحوار المتمدن-العدد: 7016 - 2021 / 9 / 11 - 03:03
المحور: الادب والفن
    

أظل مشتاكَـ للتارك أثر بيه
ذاك الي حلف ما جيب طاريه
كَلت انساه كما كل البشر تنسى
صرت اكتب شعر وابيات محكيه
ملامح وجهه بأبياتي اتلالا نجوم
تظهر لو ردتها تكون مخفيه
فضحتني وبعد ما ينفع الي يلوم
وما ينفع حجي لو كَلت شعليه
يكَول انت بكلامك تكشف المضموم
لا تكتب شعر لتكَول معليه
احلف لك واحلفك قسم بالعباس
وخليها اباذانك كون ترجيه
لا تكتب شعورك لان بيه إحساس
واحساسك جميل وكله حنيه
بس تعرف أهلنا وفرق بالمقياس
مكَيوله الولد مو مثل البنيه
كَلتلها خلص راح ابتعد وانساج
ما اكتب غزل اكتب سياسيه
وأول ما لزمت القلم والقرطاس
اختفت كل الصور لن بقت بس هيه

#حيدر_حسين_سويري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات