عجيل جاسم عذافة
الحوار المتمدن-العدد: 6764 - 2020 / 12 / 18 - 23:05
المحور:
الادب والفن
بلد ومسيّس عله الموج
مثل تابوت والشمات حاملته
نطيتك من وريدي الدم
وما ظنيت تتغاوى لاهل عمت
مثل ماي النهر ينساب
ويروح الوطن فرهود وبسكته
جفّت ما لگينا نياح
وافدينا العمر مرات مو نكته
ندور عَ الهوا نشتم
مثل غرگان والعدوان خانگته
غرگان الدمع بس بيك
وكم حسبه لگه الدكتور لاچمته
اصيح لدجله سعفيني
وخلي مداور الناعور يم نبته
عساها تخضر من جديد
وتعيد الزهو لبستانه الشفته
#عجيل_جاسم_عذافة (هاشتاغ)
كيف تدعم-ين الحوار المتمدن واليسار والعلمانية
على الانترنت؟