كبر ف ودن الواد

فتحي جمال محمد

الحوار المتمدن-العدد: 6622 - 2020 / 7 / 18 - 15:33
المحور: الادب والفن
    

كبر في ودن الواد
وقراله كام آية
خرم ودان الواد
من حبه ف الآية

ياللي عشقت النبي
زيد النبي بصلاة
انا ابويا كان حداد
فرد الزمن وتناه
ميل عليه الزمن
ركبله حملتين
ولما داق الأة
جاله الزمن ووساه

انا عشق بين اتنين
مين يكرهك ياحياة

ركب لقلبك طوق
ومتشتهيش الشط
غمض عنيك واغرق
يمكن تفوت ف الأرض

حلم طاير
حلم حاير
ركب جناح للأرض

ولكن ابويا نبي
ولا كان كبير القوم
انا كان ابويا غبي
وكتير يبات مهوم
وكان يقولي ياواد
خد كل شئ مني
الحكمة قتلت
ميت نبي زي
واللي عرف موته
مابيهموش

الضحك مش معني انتصارك
المريلة حلم الكبير لبداية المشوار
الطرحة مش حشمة بنات
حوا

شكلك ولونك وابتسامتك
مش أنت

انت اللي معرفتوش

واللي عرف موته مابيهموش

خد من حبيبك ميت معاد وانساه
الصدفة احلي ماللي تتمناه

فك الجنيه اربع
فكه كمان شيلنات
وادي اللي هتقابله حبة سكر نبات

لو شفت حاوي عبيط
بيحط ف الزعبوط
اضحك عليه وحييه
واعمل كمان مبسوط

اعمل كمان مبسوط

#فتحي_جمال_محمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات