عمر عبد العزيز زهيري
كاتب و باحث و شاعر
(Omar Abdelaziz Zoheiry)
الحوار المتمدن-العدد: 6615 - 2020 / 7 / 10 - 14:01
المحور:
الادب والفن
وتحس انك راجع للنور
وفقلبك شوق
ضلعك مكسور
ترجع تاني تبص لفوق
فجأه تفوق وسايب خلفك
كوم افكار و ركام وحكاوي
كلام محروق
وتزلزل النغمه كيانك ك المسحور
و كانه بينادي عليك
همسه ملت قلبك وعنيك
تمسح ف صدا منتور حواليك
وتدك السور
تلقاك واقف وحدك وياه
مش محتاج غيره يبص عليك
تايه ووصل من غير عنوان
حيران قرر
فعرفله مكان
وتحس انك هترد عليه
ولا تعرف أذا اللي ندهلك صدي قلبك
ولا حقيقي صعبت عليه
وما تعرفش هتقول ايه
هتردد اغنيه قديمه
ولا تتبرع ب جنيه
ولا تصوم او تجري تهرول
ولا تولع تلاتين شمعه
ولا تطفي نيران للشمع
مدت مسكت فينا وفيه؟؟؟
واسترجعت كلام الشعرا
والحكما ما ارتحت اليه.
غمضت عنيه ولقيت
دربي يبان
اوله يافطه من كذا كلمه
اتكلم وبأي لسان
اتبع قلبك
كن انسان
#عمر_عبد_العزيز_زهيري (هاشتاغ)
Omar_Abdelaziz_Zoheiry#
كيف تدعم-ين الحوار المتمدن واليسار والعلمانية
على الانترنت؟