حطها بقلبك يا ولد !!

فرج بصلو

الحوار المتمدن-العدد: 6472 - 2020 / 1 / 25 - 01:16
المحور: الادب والفن
    

من عيونِكْ ولعيونِكْ –
كنت رح أقبل غبائك الريفي
واستعلائك المعلب والمصنع أحيناً..
وما برغب أغير فيكِ شيء..
وبحبب كتير الألقاب اللي تنثريها
وأنتِ سكرانة أو غلبانة
وببالك بيمر بؤس الأيام
وبيستمر أيام على أيام...
من عيونك ولعيونك –
كنت بوطيلك كل القامات
تا مري عليها وتمرحي..
كنت رح أهضمك وأهضمكِ
وأنت بتمزحي .. وليش لا تمزحي
يا أعلى المقامات...
أعلى, حتى من الغابات
اللي في ذهنك وأنت مفكرة
بالماضي اللي فات
ومن ولع الروح تا أجيب شرارة
تدَفي الجدران والسقوف من صقيع
الطقس وبرد الخلاء, ووحشة البشر
و... كتير كتير كمان
من عيونك لعيونك –
بلّكت حالي تا ما يحتد الشجار
وبعدها ب نهار
نسيت اللي صار
وبديت من جديد أصمم لقامتك
سما وشمس, نجوم وأقمار
لا لأني سخي.. بل لأنها حلالك
وهيك تا يصير الحق أطول الأشجار
وعمري ما طمعت بشي غير تخومك
ومو للطمع, إنما لما يفرضه عطش الأرواح
من عيونك لعيونك –
صار شي وإن ماصار.. صار
قلت لحالي: حطها بقلبك ياولد
وخليها تغرد.. تغريد الكناري
وتغريد الأعمار..!!

#فرج_بصلو (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات