جحا العراقي قائدا للتيار الصدري

جحا العراقي

الحوار المتمدن-العدد: 1529 - 2006 / 4 / 23 - 12:06
المحور: كتابات ساخرة
    

هذه الحلقة هي هدية من الكاتب لشهداء الفكر الشيوعي الذين قتلوا على ايدي الميليشيات الدينية وميليشيه جحا العراقي وخاصة انهم بدوا يتصفون بشكل سري من قبل ميليشية جحا العراقي واريد ان اعتب على الامين العام للحزب الشيوعي العراقي ( والعتب بين الاحباب والاصدقاء ) الي انا اختلف وياه ببعض الامور والي انا مامنتمي لحزبه وارجو ان يوصل له عتبي ترى عوائل زملاءك الي انقتلوا شويه ديروا بالكم عليهم حتى لو تبرع شخصي من قبل افراد الحزب شوفوهم شمحتجين مو اكو بيهم وضعيتهم كلش داجة ترى الفكر ينجح من تسند انت ابناء هذا الفكر...

ترى والله لو مو اني وخمسة من رفاقي متكفلين طفلين ( من مرضى السرطان وهاي مو دعاية هذا واجب وغصبا ماعلينا نسويه ) لعلاجهم جان بيها مجال ساعدناهم بس والله هذا الي اقدر عليه الان ارجو اشويه رفيقي ان تشوف منو من عوائل الي انقتلوا محتاج ترى انا واصلني حجي واتاكدت منا هذا رجاء اخوي واحتمال انت مامنتبه لهذا الامر وموعيب شخص بسيط ينبهك بيه بس العيب انه تنتبه وماتهتم بالامر .....( وتحية مني لكل شخص يوصل عتبي اليك او يحاول ان يساعد بعض من هذه العوائل ) .



شحجي عليك ياجحا مو صركعة الدنيا ومحد مفتهم فلمك لحد هذه اللحظة والكل تريد تعرف شنو انت ومنو انت وشنو قصتك ومحد ديعرف شنو فلمك لحد هذه اللحظة ..... مو مشكلة انا راح اليوم انطي ملف كامل عليك هي السالفة خربانه من ساسها لراسها ومدام ( مدام مو انسة اخوان ) دخلت العملية السياسية لازم تتحمل النقد مثلك مثل غيرك من رفاقك بالحكومة الي انا هم واحد من اقطابها بس مو الرئيسين هههههه لاتصدك رفيق جحا داشاقة وياك هاي شبيك جحا متخلينا نشاقة وياك .

جحا العراقي يعتبر اليوم في العراق وخارجه من اهم الشخصيات المثار حولها الجدل ومحد لحد هذه اللحظة يعرف شنو ميه جحا مما اضطرني بنفسي ان اتحرك لمعرفة جميع خباياءه ونواياه واموره والوصول الى اشخاص رئيسين يعملون بصورة مباشرة معه لمعرفة كل افكاره وطبعا انا مثل الربع اعرف منين ادخل ومنين اطلع واجيب معلومات و باول قعدتين شرب كتولي ( حجولي – او تكلموا معي ) عن جميع سوالفه وكل بلاويه وجايكم الملف بس اهم شي لايزعل جحا ويسوينا محكمة شرعية وراء السدة ويفقز عيوني او يذبحني مو هو هم تعلم الذبح من رفاق القدماء ( هيئة علماء ) . خلي مااطول السالفة واحجي .

جحا العراقي لم يكن معروف قبل السقوط لانه كان اعظم لاعب بلي ستيشن واضبط واحد يلبس الكابوي ( الجينز ) وجان ابوه يقول عليه وياشر عليه لاتقتدوا به وهذه حادثة حدثت امام احد الاشخاص الي كانوا يحبون ابوه ويحضرون اكثر محضراته . ( طبعا اليوم يلقب جحا من الشعب العراقي ( بحجة ) البلي ستيشن والدريم كاست حجة مو عمرة اخوان ) .

جحا العراقي كان ابوه رجل مناضل حاول ان يجمع الناس ويوحد كلمتهم من احزاب علمانية ودينية وطوائف ليسقط القندرة صدام ولكن ليس من اجل الحرية لا اخوان فهمكم غلط ودماغكم راح بعيد كلش بل حتى يفعل مثلما حاول قبله جده الاول فيلسوف العصر وكما فعل الفقيه الاول في ايران اتفق مع الشيوعيين والطوائف الاخرى ومن استلمها بدا يذبحهم بالكطنة وكانت نية ابوه ان يعيد نفس فلم ايران الا ان ذكاء القائد ابو كذلة ( بس بهاي الشغلات ذكي ) كشف العملية وقام باغتياله طبعا ابوه كان يقول الشيطان الاكبر على امريكا وصدام وكان ابوه مخلي ايده بايد صدام وهسه ابنه مخلي ايده بيد هولاء الشياطين ( الامريكان ) ليش .......؟ محد يدري صدك يعجب ...؟

جحا العراقي استلموه البعثيين والصداميين والفدائيين واجهزة المخابرات والاستخبارات الساقطة بعد السقوط ليجعلوا منه اسطورة وليحتموا بضلاله عن طريق عمامته وعمامة ابوه صدك توب كلش توب انت جحا .

وبداوا يمجدون لجحا وينشدون له ويغنون له ويجعلوه بطلا تاريخيا واسطوريا وخاصة ان الدعم بدا ياتيه من ايران وبعد احداث النجف بدا الدعم ياتيه من دول خليجية وعربية ولحد يقلي اشلون .

استفاد جحا من المناسبات الدينية وجعلها تصب في صالحه وجعل شعار حزبه الممهد لدولة المهدي وانا واثق اذا طلع المهدي اول واحد راح يبيده هو وميليشيته جحا بس شسوي غير هو وقت المزعطة ولازم نتحمل كلشي .

جحا دعنا نبدا بانجازاتك التاريخية والقومية والدينية ....

1 . استوليت انت وجماعتك على خمس الحواسم ( بفتوى منك ) وبديت تطور نفسك بالبداية .( ترى اغنية حسام الرسام حواسم جانت عليك انت ورفاقك جحا اخاف ماتدري) .

2. حصلت دعم من مرجع ديني عراقي بايران حتى تقوي تحالفك وحتى يبقالك مستقبل زاهر بالعراق .( اتوقع اسم المرجع مثل اسم اغنية عراقية قديمة حايرة والشوق بين عيوني هيج شي حسب مااذكر ) .

3 . بدوا جماعتك البعثيين السابقيين بغسل عقول الناس البسطاء والاطفال لدعمك وانضمام ابنائهم الى ميليشية مالتك .

4 .قمت بقتل سادن مرقد الامام علي ( ع) لغرض السيطرة على المرقد والاستفادة انت من وارداته .

5 . قمت بنشر صورك وصور ابوك وتعليقها في كل مكان وبدات بابداع مقولات يصنعوها لك البعثيين السابقون وينسبوها باسمك واسم والدك .( مثل وصايا القائد ابو الخروفين) .

6 .استلموا جماعتك جميع المقاولين باكثر المناطق الي تسيطر عليها وبدات عمليات الابتزاز حتى تخمط براحتك انت وجماعتك .

7 . تحجي شكل قدام العالم وقدام جماعتك غير شكل ليش جحا . ( اتوقع مو متقصد جحا بس احتمال بيه شيزوفرينيا ) .

8 . كان عندك تحالف مع هيئة علماء الخطف على فد شي كنتوا ناويين تسووءه بس الاحداث الاخيرة وتفجير المرقد في سامراء فض الاتفاق وتسرعت ميليشيتك بالتصرف الخاطى وظهر الي في باطنك مما ادى الى صدمة في اوساط الشعب العراقي والعربي بعد ان انكشف فلمك الي جنت ناوي تسويه . ( صارلك سنتين تقرا براس العرب وبيوم واحد فضحوا جماعتك مخططاتك بدون ماتدري ) .

9 . كلامك حلو عن المحبة والاخلاق بس داخلك تذبح بالكطنة انت ليش تخاف من الشيوعيين لان الوحيدين الي مااانخدعوا بيك وباقوالك .

10 .هددت اكبر مرجع ديني بعد السقوط بطرده عن ارض العراق واتهمته بوطنيته حتى يصفالك الجو وتسوي ولاية فقيه ثانية صدك انت حلمان كلش .

11 . جماعتك دخلتهم بكل دوائر الدولة وخاصة الامنية حتى تسيطر براحتك ويجيبولك معلومات .

12 . طبعا نصف عمليات الاغتيال الي ينسبها العراقيين لميليشية فيلق قذر كانت تتم عن طريق جماعتك ( وهذا مو دفاع عن ميليشية قذرة بس انا اذكر كل الحقائق بدون رتوش ) .

13 .شسووه جماعتك بالخوئي شرحوه تشرح هو وسادن الامام ( الكليدار ) وبنص حضرة الامام مااستحيت على نفسك تنزل دماء بنص هاي الحضرة والله انا مااقدر اسوي 1% من الي سويته حتى وان لم يكن الي ايمان بس لاني احترم شخصية الامام علي ( ع ) لانه شخصية اقامت دولة وعلمت الناس اسلوب الصفح وكان يلقب بامير العفو والصفح بالنسبة للعلمانيين ) .

14 . طبعا ميليشية مالتك بالاحداث الاخيرة قتلوه وذبحوا ابناء طائفة اخرى طلعتوا بعدها بيومين اشاعة انه مو انتوا الي قمتوا بهذا الشي وانه القائم بهذا الشي هو حزب ديني اخر مسوول عن عمليات الاغتيال ( وانا الي واصلني من المعلومات انه هذا الحزب قعد يتفرج لكنه لم يتدخل ولم يقبل بهذا التصرف وانا عندما اذكر حقائق ليس لاني ادافع عن شخص قد كتبت عنه سابقا ولكني اذكر كل حادثة بمكانها الصحيح حتى لاتختلط الامور ونلقي التهم جزاف واذا قريتة مقالاتي السابقة عن اهم رئيس حزب ديني تعرفون اني انا الي قلته اقل من الي اعرفه ولكن في هذه الحادثة كان المسوول عنها ميليشية جحا ) .

15 . جماعتك مسوولة عن الكثير من عمليات الخطف والابتزاز للاطفال والتجار لغرض دعم ميليشيتك ماديا .( وجماعتك من يخطفون واحد ويتفاوضون وي اهله يقولوله والحسين الشهيد مانسويله شي اذا دفعتوا خمس دفاتر لك صدك وقت تحلف بالحسين وتحاول تنزل من قدره بهذا الشي وهو بري منك ومن افعال ميليشياتك الخايسة )

16 . كانت لك عدة محاولات حاولت فيها اغتيال رجل الرحلة او المرحلة ولم تستطع .

17 . في الانتخابات الاخيرة هددت مناطق انت تسيطر عليها هددت اناسها ان لم ينتخبوا قائمة الائتلاف سوف يقتلون وهذه اشاعة مغرضة حدثت في منطقة الثورة والبلديات والشعب واور .

18 . جنت لازم جحا رئيس الوزراء تصنيف وضحك عليه ومتهمه حتى بشرفه انت وميليشياتك هسه قمت تدافع عنا من باس قندرتك وانطاءك وعد بمناصب لغفية حتى تسنده لبقاء في منصب رئيس وزراء وردت تخليه انت مثل ( حصان طروادة ) مثل ماخلاه صدام القندرة احمد حسن البكر واجهة صدك طلعت كلش فهيم .

19 . بمعارك النجف حاولت الانسحاب ولكن هددت من قبل حمايتك ومستشاريك بالقتل على ايديهم اذا انسحبت تذكر من قالوا لك نصمت ابهاتك اذا فتحت حلقك بكلمة انسحاب ( وهذه مو اشاعة ) .

20 . كلامك واول مقابلة وياك بعد السقوط وي قناة العربية بعد السقوط جان مخربط بس من استلموك البعثيين قاموا يعلموك شلون تحجي عمي على راس قندرتي ذولا البعثيين يفتهمون .( وهذه اشاعة من قناة مغرضة موجود بيها التسجيل لحد هذه اللحظة الي انا بعيني شفته ) .

21 . السفير الروسي سلمك اسلحة قوية ومو تقليدية بلقاءك وياه ووصلتك عن طريق ايران .

22. صرت تشجع على الحواسم حتى يجيك صافي الخمس .

23 . تحجي على المراجع ومسوي نفسك فهيم وانت جزء واحد من القران ماحافظ ( وانا اتحداك تحفظ صورة البقرة بسنتين ) .

24 . جماعتك قاموا يهددون ابناء طائفة اخرى بالرحيل عن منازلهم في بغداد حتى تسيطرون على منطقة الرصافة وجزء من الكرخ مثلما بدات عمليات ترحيل طائفتك من مناطق اللطيفية واليوسفية وسامراء شراح يخلصها وي العمايم البيضة والسوداء . ( شفتوا اخوان من تستلم المزعطة العمامية البيضة والسوداء ميليشيات شيصير بالبلد )

25 . الان ميليشيتك يومية لابسين زي الحرس والشرطة وقايمين بهذه المداهمات الي تطال ابناء الطائفة الاخرى او الي تطال الاكراد او ابناء طائفتك الي يحجون عليك وماراضيين على تصرفاتك مال مزعطة .

26 . اسلوبك باستخدام دور العبادة للتعذيب والقتل حلو وخاصة انت كادر تعذيب الي كان يشتغل عد صدام كله الان بدا يشتغل يمك عمي على راسي انت والقائد ابو كذلة .

27 . الي ماينظم لميليشيتك من اهل الثورة تقطعون عليه حصة الغاز والنفط وتعتبروه مخنث وامراءة وهذه اشاعة حدثت امام اكثر من الفي شخص بمدينة الثورة .

29 . سويت نفسك ضد الاحتلال حتى تبين انه انت وطني ويساندك ويتعاطف البقية وياك وحجيت وسبيت اهم رئيس حزب ديني وحتى على اكبر مرجعية وبعدين خليت ايدك وي الكل لك انت شلون بدالة مظبوطة .

30 . صلاتك التعجيلية المصركع بيها الناس بالوزارات والدوائر الحكومية وبكل مكان هي تشبه شعار حزب البعث الساقط الي جانوا يرددوه الرفاق ( العفطية ) قبل بدا الاجتماع الحزبي ماكو اختلاف بس هي مجرد كلمات جانوا الرفاق يرددوها بالاجتماعات ويضحكون عليها .

31 . ميليشياتك اكثر من 90% تكبسل ومخدرات وشرب حتى تضل انت مخدر عقولهم ومايعرفون الصح من الغلط وتوجههم براحتك صدك فهيم مثل اسلوب طلبان بافغانستان .





جحا شحجي مو ملف كامل عندي عنك بس مااريد احجي اكثر لان صدك فضحتنا وخليتها بلي ملح ( ملح بدون يود ) .



حكمه الحلقة ( ليس كل كبير او مزعطة بيضاء او سوداء لبست العمامة تمثل راي دين او طائفة بكاملها )

#جحا_العراقي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات