|
جحا العراقي رئيس النظام الساقط
جحا العراقي
الحوار المتمدن-العدد: 1528 - 2006 / 4 / 22 - 09:05
المحور:
كتابات ساخرة
شحجي عليك جحا قليل كل الحجي عليك وماردت افتح هسه موضوعك ولكني مضطر لذكر حقائق لم يعرفه الناس لان الذين سيكتبون تاريخك الدموي والعفطي سوف يجعلوك بطلا من دون ان يدركوا ذلك مثلما فعلوها سابقا
وجعلوا الحجاج بطلا وانا ان كنت احترم الحجاج في لسانه اللوكي والحلو الا اني اختلف معه في دمويته .
طبعا انت ياجحا مرحلة من تاريخ العراق لايمكن ان تنسى ابدا مثلها مثل مرحلة تاريخ ايران وجحا ولاية الفقيه الاول في ايران الاختلاف هو الاول كان عفطي قومي والثاني كان عفطي ديني ماكو اختلاف ابد نفس الشي .
اعتذر لكلمة العفطي لان شبهتها بالاثنين ممكن تقبلين باعتذاري ارجوج اقبلي لان احس انا اهنتج .
جحا ملفك كله يمي لكن المشكلة ماراح احجي احداث الناس تعرفها لان شبعنا من الحجي بيها انا راح احجي شغلات ابد الناس ماسامعه بيها ابدا ولحد يقلي منين جبت هاي المعلومات لان الي يعرف كيف يلعب وي الربع لايمكن ان تخفى عنا معلومات مثل هاي وابشركم اخوان ان احتمال جحا رئيس الوزراء يموت او يشد قرون وبعد محاكمة جحا مامخلصه لان انا اعرف انه خوالنا الامريكان مكيفين ( مكيف مو سبلت ) على بقاء جحا يتحاكم من دون اصدار اي حكم عليه .
جحا العراقي لن اتكلم عن عيد ميلادك وانت تتطلع على التلفزيون تضحك بيه على العراقيين وتعرف انت مدمرنا بهذا الشي وانت مكيف لا بوي جحا ولاراح احجي على خطاباتك القومية والتاريخية الي تجيب وتخربط وتلوص بيها وكلشي ماكو لاقبض منها بس حجي ومطركع راسنا اربع ساعات باليوم وتنعاد ستة مرات باليوم والي من وراء خطاباتك اتعلم الرئيس بوش يطول حجيه بخطاباته والشعب الامريكي كله كرهك ( مو بسبب تهديداتك لا مو هذا السبب ) ولكن لان علمت قائدهم يطول بخطاباته .
طبعا ومدير الارشيف الرئاسي ( السابق ) بتلفزيون العراق يقول عنك انه كان من جحا يخطب خطاب ويسجله يقلهم اعرضوا بفلان ساعة حتى اسمع انا شحجيت بالخطاب حتى اشوف نفسي شبدعت بالخطاب صدك انت مخبل جحا شلون حكمتنا 35 سنة والله مااعرف ( وهذه مو اشاعة ) .
جحا ولا راح احجي شلون نائب عريف صار عقيد وعميد ولاراح احجي جيش بكامله جنت صامت ابهات وتنطيهم رواتب للجنود( شهرية ) مبلغ ( 3000 دينار ) لاتكفيهم ثمن رجوعوهم لمنازلهم لا جحا لن اتكلم عن الاحتياط الي صركعة راسنا بيه والي امرت وزير الدفاع ( عام 2002 ) بالتشديد على وجبة الاحتياط الخاصة بالمواليد التي دخلت في حرب الكويت وخسرت المعركة وقد توسل بك وزيرين ان تقلل من شدك على هذه الوجبة وانت لم تقبل لانك تشعر بان هذه الوجبة قد جلبت لك الطالع السوء بخسارتك للكويت صدك حاقد كلش عليهم( وحسب مصدر موثوق في استخبارات وزارة الدفاع الساقطة ) ليش جحا ومن قابلك وزير الدفاع وطلب منك ان تنهي شغلة الاحتياط لكل المواليد كتله بالنص انا متقصد يلبسون احتياط وغصبا ماعلى رووسهم لك جحا انت شكد سادي .
جحا ماراح احجي على مساندتك لمرشح فرنسي لرئاسة الجمهورية الفرنسية ساعدته باموال العراقيين بوقت الحصار وماربح كان من المفروض ان تصرفها على العراقيين احسن .
ولاراح احجي على اخر اجتماع لعزت مع الجامعة العربية قبل الحرب بايام من انتظرت بالمطار وجان الصحاف واقف على صفحة ونزل عزت من الطائرة وهمس باذنك انه الوضع مستوي وخوالنا الامريكان قافلين عليك قفلة مظبوطة ورزلت الصحاف وكتله ليش جايب صحفيين وياك وركبت سيارتك والحماية وفلتت من المطار قبل بدا الحرب بايام.
لن احجي على لقاءك اكثر من مرة مع وزير خارجية قطر وافهمك ان الطابع جايك وقافلين عليك الامريكان .
ولن احجي عن شخصية لبنانية كانت تزورك لحد عام 2000 وكانت مسوولة عن صفقات اسلحة وكذلك عن تقريب وجهات نظرك مع الامريكان من اجل ان تجعل العفطي قصي خلفا لك لحكم العراق وافهمك ان الامريكان قافلين عليك لان انت ابنهم وتمردت عليهم لعد ابنك شراح يسوي بيهم لو مخليه هما يستلم.
جحا ماراح احجي عن جيش القدس الي سويته حتى تتفاوض وي الامريكان بيه على بقاءك بمنصب رئيس العراق ولاراح احجي على الدفاتر الي جنت تنطيها للذين يقومون بالعمليات الفدائية بفلسطين لااهلهم مو لخاطر القضية ولكن حتى تستخدمها ورقة ضغط بتفاوضك وي الامريكان وكل هاي والشعب ميت من الجوع وحسبالهم انت شريف .
جحا ولاراح احجي على الممثلة رغدة الي دمعت عيونها من سقطت بغداد مو لخاطر العراق ولكن لخاطر بئر النفط الي انطيت الها هدية . والي طارق عزيز صرح باحد لقائته الصحفية وقال عنها بالنص انها اشرف امراة عربية ( طبعا طارق عزيز صرح عليها هذا التصريح بعد ان شاف فلمها مع الممثل احمد زكي استاكوزا ) .
وماراح احجي عن تقنية تطوير محركات دفع صاروخية قبل السقوط بستة اشهر ومخططات لانتاج صواريخ تصل مداءها لاالف كيلو متر عن طريق ربط محركين دفع وقد تم استلام المخططات والمحركات وسلمت لااحد منشاءات التصنيع العسكري في التاجي وكانت الصفقة من( جمهورية الجيك) .
ولن احجي عن الوزير ( عبد التواب ) الي جان مقشمرك بهاي الاخترعات الفاشلة العسكرية فقط وهو يلغف باموال العراقيين .
وماراح احجي عن شي تم نقله لجمهورية بلاروسيا قبل سقوط بغداد في اخر زيارة لوفد بلاروسيا وماذا حمل معه .....؟ لان راح اخلق ازمة دولية بين دولتين وانا هسه مااريد اتدخل وي دول جبيرة لان انا اصغير واعرف شكد حجمي .
وماراح احجي عن قصر تم تهديمه بالكامل لان واجهة القصر لم تعجبك فغيرت شكله وانت صرفت مليارات على قصورك الي حضرتها لحثالة اخرى تسكنها وخليت العراقي الشريف والبسيط نايم بالشارع .
ولاراح احجي جحا عن دولة عربية تم نقل شي بيولوجي الها في 1999 ولم يتم ارجاعه للعراق لماذا لااحد يدري وقد تم بعلم احد الاشخاص من جهاز المخابرات العراقية ( وهذه اشاعة مغرضة من شخص كان مسوول عن عملية نقل هذا الشي وهو الان يعيش في دولة الامارات والامارات ليس لها علاقة بهذه الشغلة ).
جحا ليش ابن طارق عزيز من جهز دوائر عسكرية عراقية بحاسبات ذات اجهزة تصنت من شركة اجنبية وكشفتوا الشغلة بعد فترة ليش سجنتوا وماعدمتوا مو هو خائن لو ابوي مايقدر الا على امي والشغله على ناس وناس .
جحا انت جنت تامر وزير الكهرباء السابق باطفاء الكهرباء عن مناطق في العراق بمزاجك وهو الاخ جان مامقصر بالخمط لان كان شريك غير رسمي لشركة( الهدف الاردنية ) الي كانت مستلمة عقود تجهيز الكهرباء بالعراق ولن احجي عن شركة ( شنايدرالي هي هسه اهم شركة بالاعمار)الي كان لصماخ جبير وياك اله بيها اسهم الي كانت هم مسوولةعن عقود الكهرباء قبل السقوط .
جحا ماراح احجي عن تبرعاتك لتركيا بسبب زلزلاها ولا محطة كهرباء لبنان الي قدمتها هدية الهم واحنا الكهرباء بالعراق بعده ماوصلت .
ولا احجي عن محطة الكهرباء الصينية بكركوك الي سنة كاملة تشتغلون بيها واجى الوزير يفتتحها ومااشتغلت وانلطع اربع ساعات ومااشتغلت قولها من البداية ماتريد اتجيب كهرباء للبلد ليش سويلك دعاية .
ولاراح احجي على عقود السيارات الصينية للدوائر الي اكثر من 70% منها مااشتغلت بس اشتريتها لغرض دعم القضية الصينية على حساب اموال الشعب العراقي الجائع والمنهك .
ولن احجي عن شركاتك في الامارات وبعض الدول الاوربية التي كانت تدار من قبل شخصية عراقية ( الكعود ) والي مااعرف رجعت هسه للاموال العراقية لو طارت مثلها مثل غيرها .
ولن احجي عن السيارات السودانية الي تعاقدت عليها قبل السقوط باشهر( ولم تصل ) وهو البايسكل احسن منها لغرض دعم السودان .
من امداك وامده الي لفاءك علينا .
جحا ماراح اتكلم عن عقود النفط مقابل الغذاء والدواء والاكل الفاسد من الدول العربية الي جان نجهز بيه ولا الدواء الفاسد من دولة مثل باكستان حتى تدعم باكستان قضيتنا من امده تفكيرك .
جحا ولاراح احجي على وصلة القاع الي انطيتها للسعودية وللاردن والسوق الحرة والقاع مالتها لسوريا والجزر وجزء من الميناء للكويت والطغمة الكبرى ( المحمرة ) و شط العرب نصه لدولة الفقيه العفطي واللفطي ايران ماراح احجي على هذا الشي .
جحا مااريد احجي على عركاتك وي ابنك عدي الي جان مخبل واهبل وعفطي ومخليه سيف على العراقيين وهو اكبر جبان وخواف وزعطوط اكثر منك .
جحا وماراح احجي على ناس موتتهم جوع ودافعوا عن العراق وانت قاعد تضحك عليهم بشعارات انت اول واحد ماتومن بيها .
جحا شحجي بعد مو الباقي هوايه ومايكفي كتاب كامل اتكلم بيه . نكتفي بهذا القدر من الانجازات التاريخية والقومية في سبيل تحرير الشعوب العالمية من طغمة الاستعمار شكد حلوة كلماتك مال واحد سقاقي ومخبل .
حكمه الحلقة ( كل رئيس يحاول ان يحكم العراق يجعل خيرات هذا البلد لغير العراقيين )
#جحا_العراقي (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
جحا العراقي رئيس حزب الموتمر
-
جحا العراقي وسقوط بغداد
-
جحا العراقي محافظ لمدينة البصرة
-
جحا العراقي محافظ لمحافظة الموصل
-
جحا العراقي مدير فرع الاستخبارات الامريكية في العراق
-
جحا العراقي يريد طلب تزكية من حزب ديني
-
جحا العراقي وزير للدفاع
-
جحا العراقي مدير للمخابرات العراقية
-
جحا العراقي يبكي على الوطن
-
جحا معارض سابق بالمعارضة العراقية قبل سقوط بغداد
-
دكتور جحا العراقي رئيس الوزراء السابق
-
جحا العراقي متضرر سياسي من النظام السابق
-
جحا العراقي عضو في الجمعية الوطنية واخوه محافظ العمارة
-
جحا العراقي رئيس اهم حزب ديني في العراق
-
جحا العراقي مفكك للعبواءات والمفخخات
-
جحا العراقي مدير لشركة اورا سكوم للنقال
-
جحا العراقي مديرا في دائرة المفتش العام
-
جحا العراقي والجماعات المسلحة
-
خلاف جحا العراقي رئيس الوزراء وجحا رئيس الجمهورية
-
جحا رئيس للجمهورية العراقية
المزيد.....
-
بعد حكم الإعدام.. حكم جديد ببراءة مغني الراب الإيراني توماج
...
-
Admhec “القبول بالجامعات” معدلات القبول الموحد في الجامعات ا
...
-
انطلاق الدورة الـ77 لمهرجان -لوكارنو- السينمائي الدولي في سو
...
-
البحر الأحمر السينمائي يعلن عن فتح الانتساب لدورته الرابعة 2
...
-
-أوروبا-: رؤية سينمائية تنتقد وحدة أوروبية مفترضة
-
نجم شهير يتعرض لموجة غضب كبيرة بسبب انسحابه فجأة من فيلم عن
...
-
تونس: الحكم بالسجن أربع سنوات على مغني الراب -كادوريم- وحرما
...
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
المزيد.....
-
فوقوا بقى .. الخرافات بالهبل والعبيط
/ سامى لبيب
-
وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4)
...
/ غياث المرزوق
-
التقنية والحداثة من منظور مدرسة فرانكفو رت
/ محمد فشفاشي
-
سَلَامُ ليَـــــالِيك
/ مزوار محمد سعيد
-
سور الأزبكية : مقامة أدبية
/ ماجد هاشم كيلاني
-
مقامات الكيلاني
/ ماجد هاشم كيلاني
-
االمجد للأرانب : إشارات الإغراء بالثقافة العربية والإرهاب
/ سامي عبدالعال
-
تخاريف
/ أيمن زهري
-
البنطلون لأ
/ خالد ابوعليو
-
مشاركة المرأة العراقية في سوق العمل
/ نبيل جعفر عبد الرضا و مروة عبد الرحيم
المزيد.....
|