|
جحا العراقي رئيس حزب الموتمر
جحا العراقي
الحوار المتمدن-العدد: 1518 - 2006 / 4 / 12 - 11:15
المحور:
كتابات ساخرة
اخوان جحا العراقي كان من عائلة اقطاعية عراقية عريقة وللامانه اقولها انه هذه الشخصية انا نبشت بالتاريخ عنها حتى اعرف شنو هاي العائلة ولقيت انه الجد الاكبر مامقصر جان مجطل وي الدولة العثمانية وراءها وي الانكليز تجطيل مضبوط ويوميه قالب موجه وهو صحيح الانكليز فادوه هوايه بس هو جان مامقصر وي الانكليز كلها قعدات شرب وغجر من ذاك الوقت يلا التاريخ يعيد نفسه ومن شابه اباه فما ظلم .
طبعا المنلوجوست عزيز علي غنى اغنية على ابو جحا يقول (مختار ذاك الصوب ممنونين منا والنبي ) وكلها تصنيف لان الاخ جان صدك جايف .
طبعا جحا اصلا كانت مصادرة اموال اجداده بسبب .............؟ منريد نحجي خلي الي فات مات احنا ولد النهارده على قولت اخوانا المصريين . جحا العراقي افتتح قبل سنين مصرف في عمان قبل ان يصبح معارض وللامانه انه كان شخصية ذكية دكتور بعد يفتهم شلون يجطل عدل ( مويجطل كهرباء لا اخوان يجطل تلفونات ).
وللامانه اكثر استطاع ان يدخل شريك غير رسمي في هذا المصرف وغير ظاهر على الساحة حتى يسيطر والله العراقيين لو يعرفون منو هذا الشريك لاصدك مايصدقون والشريك للامانه والتاريخ راح اقوله هو الملك الحسن اخو الملك حسين ولحد يقلي منين جبت هاي المعلومات بوي غير احنا نشتغل مضبوط مو بس حجي مثل القوي الامين طبعا بدا الشغل بهذا المصرف الفاشل وانتهى بسرقة المصرف وماقيمته ( .............) ملايين من الدولارات وهذه المبالغ تقسمت على ثلاثة اشخاص للامانه اقولها شخص المتمثل بالدكتور جحا والشخص الثاني شخصية اعلامية عراقية معروفة استلمت جزء بسيط وقليل جدا والشخصية الثالثة شريك جحا الغير رسمي وعندما هرب جحا من الاردن واحتمى بضلال امريكا كانت علاقة الملك حسين قوية مع الامريكان وكان من الممكن تسليم جحا اليه الاان جحا افهم الملك حسين الفلم واظهر له وثائق عن ملف يتعرض لشخصية لااحد اولاده مما اضطر الملك الحسين ان يتكفل هو الموضوع ويكف عن المطالبة ولحد قبل سقوط بغداد كانت علاقة جحا بالملك حسن علاقة قوية اثنينهم توب والله على راسي يفتهمون اللعب وي الاكبار.
وهنا استلمت امريكا الدكتور جحا الذي اصبح من اضبط المعارضيين والمقنعيين لاامريكا بضرورة غزو او تحرير او تهديم اوسرقة العراق والمعنى في قلب الشاعر .
ولكي يضمن جحا رضاء الامريكان فقد فتح جبهة حوار ( مو جبهة الحوار الوطني لااخوان مو هاي لان هاي جبهة بعثية زراعية مظبوطة ) مع جميع الاطراف واشتغل خوش شغل وذهب نسق (يعني الولد من يريد يصادق بنية شيسوي يروح ينسق ) الامور ابتدا من ايران فسوريا فالسعودية فالكويت فشمال العراق الحبيب وقام بمحاولة تجنيد افراد حتى يجيبلوه معلومات عن الوضع العراقي الداخلي قبل السقوط وللامانه اقولها ماقدر يجيب معلومات مضبوطة لانه غبي بمسالة الاستخبارات بس بالبوك والخمط عبقري كلش توب رغم انه زور اكثر المعلومات الي اعطاءها للامريكان ولانه انسان ماكر ويدور مصلحته اتفق وي اخوتنا الايرانيين في حالة اذا الامريكان دكوله طابع فهما راح يسندوه وطبعا للامانه بعد سقوط بغداد بدقائق وجه جماعاته وميليشياته للمقرات الحزبية والمخابراتيه والامنية لسرقةالمعلومات المهمة قبل اتلافها بس هو للاسف طلع مو فهيم لان قبل خمسة ايام من سقوط بغداد وصل امر من قائد ابو كذلة انه يتم اتلاف جميع الوثائق المهمة بدون استثناء حتى لايدان لان ابو كذلة يعرف انه الطابع اجى وخوالنا الامريكان قافلين عليه هذي المرة قفلة مظبوطة .
المهم حصل الي حصل من الوثائق وبدا بتوجيه ميليشيات لسرقة سيارات الدولة وسيارات المسوولين والمدراء العاميين في النظام الساقط وسرقة ماتبقى من مصارف وبنايات حكومية وللامانه اقولها ان جحا العراقي مرفوعة عليه قضيتين لحد هذه اللحظة في محاكم بغداد احد هاتين القضيتين هي عن سرقة جماعته لمنزل سيارة وسلاح وفلوس لموظف كان يعمل في وزارة التجارة اما بيع السيارات المسروقة كان يتم لصالح ميليشيه كرديه في الشمال .
ها جحا حجي صحيح لو جذب خلي اكملك لان انا واعد الجماعة انطي ملف كامل عنك مو مجزء جحا العراقي اشتغل اول شي وي العشائر العراقية واحد الوفود العشائر الي حضرت تشوف بمقر جامعة البكر سابقا بعد السقوط مباشرة كاللهم بالنص احنا عليش مدوخين نفسنا جان صدام بايكنا وممنطينا شي من النفط اذا الامريكان يبوكون نص نفطنا وينطون نصه احنا شخسرانيين اقله يعيش الشعب متعافي ( وانا اخمط براحتي ) وانا انشاءلله من استلم الامور ماراح انساكم ( صدك كلش فهيم يحلم وحلمه يذكرني بقصة رومانسية لروميو وليلى اهوووه جاي اشطح قيس وجوليت اي ) ولمن شاف شغلت الامريكان ماتصرف لان المد الطائفي صعد وراد يركب الموجه وي هذا المد وخاصة بعد فضائيحه هو وميليشيات بعد سرقة نادي العلوية والصيد من قبل ميليشاته وارجاع نادي العلوية بالقندرة من قبل الامريكان الى اصحابه الشرعيين . ......... تذكر جحا من الامريكان قلولك تطلع من النادي لو انطلع جماعتك بالدفرات وبقى بيدك نادي الصيد الي مستلمي جماعتك ومسويه مكوده ( دعارة ) مثله مثل حماية عدي وكل حفلة عرس بالنادي تصير مشكلة من وراء جماعتك السكارى ولو بس هاي هم جان رضينا .....
وفوكها متكفلين بيت قريب عن النادي بالمنصور يمارس الدعارة بيت كله راقي حتى كاميرات بيه وبحمايه جماعتك تريد انطيك عنوان البيت ( احتمال انت ناسيه من كثرة البيوت الي تملكها وناسي عنوانه ترى جحا اعذرني ترى انت مو قرن لاجحا لان حاشا وحيد القرن اذا يوصلك ) ماعندي مشكلة دكتور جحا ترى انا بايع ومخلص هي بقت عليك بس للامانه النسوان بيه يخبلون ويشكن شك وبس شغلهم للتوب اعتذر هاي مو دعايه اخوان حتى لانسوق لمنتجات جحا ونطلع احنا مثله لك جحا اقسملك بشرفي اروح ادفن نفسي بالتراب وماسوي هذا الشي لو على كص رقبتي لان الفلوس تروح وتجي بس سمعة الواحد اذا راحت منو يجيبها ومن امداك .
طبعا جحا استفاد من المعلومات الي قدر يلمها والوثائق الي ماتم اتلافها وباعها لمصدرين لخوالنا الامريكان واخوتنا الايرانيين فهيم بشكل راقي ومن عرفوا الامريكان انه جحا اصبح عبيط اهوووه عميل لدولتين اجى طابع ابو الكصة.
جحا ماجذب خبر من صارت احداث النجف استفاد منها وراح توسط حتى يوقفون نزيف الدم مو لخاطر النجف بس حتى يصيرله مستقبل سياسي من دون الامريكان لان الايرانيين واعديه بمنصب بالعراق وطلع مصطلح جديد بالسياسة العراقية اسمه مصطلح ( البيت الشيعي ) للاسف جحا احنا اساس وحده العراق وهسه انت تريد بتصرفاتك تخليهم يظنون انه احنا راح نمزق وحده العراق لان اصلا لو مسمي المصطلح البيت العراقي اشرف بس انت مو شريف شحجي عليك بعد .
تذكر جحا من جيئت على دائرة من دوائر الكهرباء وجبت كتاب موقع من القوي الامين الي لايهش ولاينش ( والي خليه بس حجي احسن لله هو هم الحمار بس ينهق قابل الحمار احسن من القوي ) واخذت محولة الكهرباء مال دائرة(مولدة ) امام انظار مديرها وموظفيها وخليتها بمزرعتك اشكد شريف وتخاف على المال العام .
جحا ترى جماعتك مسوولين عن بعض عمليات الخطف والابتزاز الي تحدث بعض مناطق بغداد وبعلمك ترى انا منايم لان جماعتك يشربون مثلي ومن يطووخون بالشرب كلشي يحجون قدامي من المعلومات افتهمت .
جحا انت خسرت بهذه الانتخابات بس انا الاخبار وصلتني انت محصل دعم من شخصية دينية لاعطاءك منصب بالحكومة الجديدة رغم انه قائمتك ماجابت شي بس للامانه اقولها اتمنى حجي الاخير مو صحيح يلا هي بقت عليك اشو هي اضرطت .
حكمت الحلقة ( كل بايع ومخلص بالعراق مستفاد من كل الاطراف لانه راكب عدة امواج )
#جحا_العراقي (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
جحا العراقي وسقوط بغداد
-
جحا العراقي محافظ لمدينة البصرة
-
جحا العراقي محافظ لمحافظة الموصل
-
جحا العراقي مدير فرع الاستخبارات الامريكية في العراق
-
جحا العراقي يريد طلب تزكية من حزب ديني
-
جحا العراقي وزير للدفاع
-
جحا العراقي مدير للمخابرات العراقية
-
جحا العراقي يبكي على الوطن
-
جحا معارض سابق بالمعارضة العراقية قبل سقوط بغداد
-
دكتور جحا العراقي رئيس الوزراء السابق
-
جحا العراقي متضرر سياسي من النظام السابق
-
جحا العراقي عضو في الجمعية الوطنية واخوه محافظ العمارة
-
جحا العراقي رئيس اهم حزب ديني في العراق
-
جحا العراقي مفكك للعبواءات والمفخخات
-
جحا العراقي مدير لشركة اورا سكوم للنقال
-
جحا العراقي مديرا في دائرة المفتش العام
-
جحا العراقي والجماعات المسلحة
-
خلاف جحا العراقي رئيس الوزراء وجحا رئيس الجمهورية
-
جحا رئيس للجمهورية العراقية
-
جحا العراقي وزيرا للصحة
المزيد.....
-
بعد حكم الإعدام.. حكم جديد ببراءة مغني الراب الإيراني توماج
...
-
Admhec “القبول بالجامعات” معدلات القبول الموحد في الجامعات ا
...
-
انطلاق الدورة الـ77 لمهرجان -لوكارنو- السينمائي الدولي في سو
...
-
البحر الأحمر السينمائي يعلن عن فتح الانتساب لدورته الرابعة 2
...
-
-أوروبا-: رؤية سينمائية تنتقد وحدة أوروبية مفترضة
-
نجم شهير يتعرض لموجة غضب كبيرة بسبب انسحابه فجأة من فيلم عن
...
-
تونس: الحكم بالسجن أربع سنوات على مغني الراب -كادوريم- وحرما
...
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
المزيد.....
-
فوقوا بقى .. الخرافات بالهبل والعبيط
/ سامى لبيب
-
وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4)
...
/ غياث المرزوق
-
التقنية والحداثة من منظور مدرسة فرانكفو رت
/ محمد فشفاشي
-
سَلَامُ ليَـــــالِيك
/ مزوار محمد سعيد
-
سور الأزبكية : مقامة أدبية
/ ماجد هاشم كيلاني
-
مقامات الكيلاني
/ ماجد هاشم كيلاني
-
االمجد للأرانب : إشارات الإغراء بالثقافة العربية والإرهاب
/ سامي عبدالعال
-
تخاريف
/ أيمن زهري
-
البنطلون لأ
/ خالد ابوعليو
-
مشاركة المرأة العراقية في سوق العمل
/ نبيل جعفر عبد الرضا و مروة عبد الرحيم
المزيد.....
|