علي جنب يا أسطي

أيمن غالي

الحوار المتمدن-العدد: 6027 - 2018 / 10 / 18 - 11:33
المحور: كتابات ساخرة
    

زمان كنت راكب تاكسى، و كنت بأعاني من صداع رهيب, وسواق التاكسى كان مِشَّغَّل كاسيت لواحد بيجعّر مش بيغنى, فقلت له: لو سمحت وطى الصوت شوية لأنى عندى صداع، وتعبان, والصوت العالى ده بيتعبنى أكتر ..
فراح طافى الكاسيت، ونازع شريط الكاسيت من كاسيت التاكسي, وحدفه بعصبية على الزجاج الأمامى للعربية من الداخل .. و آدى أم الشريط
ثوانى، ودماغه إشتغلت؛ فراح مِطلَّع شريط تانى " قرآن ", وقام بتشغيله بصوت أعلى من إللى كان بيجعر فى الشريط إللى قبله ..
مسكت راسى إللى حا تنفجر من الصداع، وسديت ودانى بإيدى الإتنين, فقال له رفيقى: يا أسطى الراجل تعبان و الصوت العالى بيتعبه زيادة ..
فرد عليه الرد إللى أفحمنا:
- ما أنا مِشَغَّل له قرآن أهو علشان ربنا يشفيه .. غلطت أنا ؟!!!!
- لا يا باشا العفو, إحنا إللى غلطانين .. نزّلنا هنا لو سمحت .. على جنب يا أسطي

#أيمن_غالي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات