طالب الجليلي
(Talib Al Jalely)
الحوار المتمدن-العدد: 5988 - 2018 / 9 / 8 - 13:20
المحور:
الادب والفن
فززتي بيه العشك
والشمس نعسانه
ما بيه أعبر بحر
عوفيني يفلانه..
يادوب جرحي اندمل
والكلب شاب اوذبل
روحي اللي تكتب شعر
صدكيني موش آنا
.......
بعيوني صك الدمع
أسهر وعد انجوم
تاخذني حسبه اوترد
تخنكني بس باللوم
إبعد عليك الرضا
عمري تعدى اوكضى
وجلاجي غركانه
.......
بسك تراني اعترف
ماتنحمل روحي
كلما أشوفك تمر
تتسودن اجررحي
شيبت .. بس الكلب
يجفل إذا نسمه تهب
ونته الهوا اوريحانه !!
.......
وياك اعودن طفل
جنجل يرن ودراغه
موش انته عالم فرح
وانته الحسن من صاغه
وياك باجي العمر
كون ابتعد عن البشر
يابو اخدود ريانه !!
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟