Synthesis

زياد الرحباني

الحوار المتمدن-العدد: 5925 - 2018 / 7 / 6 - 23:05
المحور: الادب والفن
    

... مذيع: إنت معروف بإلحادَك، كلمة وحدة أخيرة.. معروووف
- أنا مش مُلْحِ (قاطَعَهُ)
- مذيع: بدّي منّك بكلمة وحدة!!!
- أكيد، طبعاً... في الله، بس هلّق راح... إنو من يومين تلاتة كان هون، وإلا ما يرجع.. قعود نطرو إذا بدّك.. إنت هاي شغلتك وعملتك صايرة.. (انْتَفَضَ وراحَ يَتَمَشّى) هو مش قايلكن هيك أكيد... (صمت على الجهتين)
■ ■ ■
حَدَا بَعْدو فايق على دُوَل عَدَم الإنحياز؟! الإنحياااااز!!!
■ ■ ■
يا أمّا فِلّ يا
(1982)
يا أمّا فِلّ يا / يا أمّا ضَلّ وافْقاع
يا أمّا حِلّ يا / يا أمّا لِفّ وارْجاع
إنتَ المِشْ زابِطْ كيف / كيف بَدّها تِظبَط أوضاع
ماشي التِدْفيش روح شَهِّل سَبَقوك اسْراع
إذا أضْعَفْ مِنّك سِبّو إذا أقْوى زِمّ وارْكاع
إذا عَلّوا سِعْرُن وَطّي إذا رِجْعوا نِزْلوا اطْلاع
أنتَ المِشْ زابِطْ كيف / كيف بَدّها تظبط أوضاع
مش زابطة مش زابطة مش زابطة الأوضاع
دايماً لبنان هيك / هِايْ وَيْنَك حاكيني لَيْك
حاجْ بَقى حَقّ عالريِّس / وْعيفَك مِن حَقّ عالبَيْك
مين جابْ الريِّس يا ريِّس / إنتَ والحَقّ عليك
تْلاتْ مْلايين بَيْك / إنتو كلكن هيك
وُصْولوا الجَرايِد شُوفْ / نَقِّيْلي أي جَريدِة
هَجّيلي كِلّ الحروف / رَكّبْلي جِملِة مُفيدِة
ضَرَبَ قَيْسٌ عَمْرَ في شارِع الحَمرا
مبارح كان عيد الجَلاء وبُكرا عيد الشجرة
مش زابطة مش زابطة مش زابطة الأوضاع
يا سايِح مَيِّل فُوت / شَرِّفْنا في بيروت
مِش باقي هِرّ لا والله / وطالِع إيجار البْيوت
هَاي ماتوا العالَم كِلُّن / وقال بَلَدي ما بيموت
رَح قِلَّك مين ما مات / هالليرة ما بتموت
بَدَّك شاورما في / بَدَّك fish finger في
وعِندَك إشعاع ونور / لَوْ زَعَجَك فيك تطْفيه
والعمر بيمْرُق ضايِع / أبداً ما بتشْعُر فيه
وْلَشو أوروبا دَخْلَك / حتّى أميركا، تْفِيه!
بأوَّل طيّارة اقْطاعْ بتِتْسَلّى بِشَرَفَك تاعْ

#زياد_الرحباني (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات