يا غاوى تمشى و على راسك فرامل ركوبة

أيمن غالى

الحوار المتمدن-العدد: 5918 - 2018 / 6 / 29 - 23:27
المحور: كتابات ساخرة
    

عندنا شوية مصريين مُغرمين بالغُترة و العقال بوصف كون العقال و الغُترة زي الإيمان المعتمد و الرسمي في المنطقة ..
طيب لَمَّا تعرف وظيفة العقال؛ حا ترضي كمصري إنك تحطُه علي دماغك ؟
راكب الجمل؛ لما كان بيركن الجمل علي جنب أو فى أى جراج صحراوى ( علشان ما كانش عندهم جراجات زراعى )؛ كان بيربط له رجليه بالحونكيشة دي؛ إللي هي عبارة عن حبل مجدول؛ علشان الجمل - أو الركوبة أياً كانت - ما يجيبش مارشدير و هو راكن، و بعد ما ياخد الجمل من الجراج؛ يفك الفرامل من رجليه, و يحطها علي دماغة؛ علشان لا مؤاخذة الجلابية كانت من غير جيوب ( نمشيها جلابية؛ لأنها كانت عبارة عن توب قماش متني علي إتنين و مخرومة من مكان الراس و متخيَّطَة من الجنبين و مِتساب فتحتين للإيدين علشان تطرطر منها ) ..
يعني كانت الفرامل تتاخد من رجلين الركوبة لراس الزبون و العكس .. ترضاها لنفسك و أنت من أهل الحسب و النسب تاخد حاجة من رِجلين ركوبة و تحُطها علي دماغك ؟!
عزيزي المصري ..
ما تعيششي دور الركوبة, و تقلد أصحاب الركوبة و تكنولوجيا الفرامل عندهم، و لو الحونكيشة دى عاجباك؛ فى إنك تمشى و على راسك فرامل ركوبة؛ روح إشتري لك فرامل عربية مرسيدس أو فيراري أو جاكوار و حطها علي دماغك و أهي تبقي قيمة فشر قيمة فرامل الركوبة إياها ..

#أيمن_غالى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات