مهداة الى وزيرة الصحة والبيئة العراقية(عديلة حمود)- (عدّوله)

ميسون نعيم الرومي

الحوار المتمدن-العدد: 5854 - 2018 / 4 / 23 - 02:07
المحور: كتابات ساخرة
    

مهداة الى وزيرة الصحة والبيئة العراقية(عديلة حمود)-
(عدّوله)
ميسون نعيم الرومي

*(عـَـدّوله) اويا عـَـدّوله
*(ابزازينچ) .. هاللعبن جوله

و(اچلابچ) .. خوش امأدبه
اتخاوت ويـّاهن صحبه

*و(الهوش) التسرح بالمشفه
*فرحانـَه ! اتغطين الكـَـفـَـشـَه

سـَـلموچ الصحة .. انـطـَـرْنـَـه
خنتي ابسرعه قـَـسـَـم المهـْـنـَه ..

وَزّروچ اعله البيئه اوصحه
*اصفينه ابجالچ .. بآخر صفحه

اطويل السانچ (يـُهـفـُـت)
واعيونچ وكحه اوصلفه

أمراض المنقرضه استشرت
وافلوس الصحه كلهه انسرقت

وحدتچن متلكچه اتصلي
والدين المـِنـچـَـن متبرّي

والساسه ابجمعتكم سراق
متبري منكم لعراق

اهجمتوا الوطن الغالي ابخـِسـَّـه
كل واحد يهمش حصـَّـه

ياشـَـعب النايـم .. اصحه!
تحت الفقر اوراضي الشِـحـَّة

دين اونفصل عنه الدوله
يصحه الحكم اوعز انـّولـَه

عدّوله اويا عدّوله..عدوله
بالبوگ الكم صوله اوجوله
بعدي اچلابچ عن الدوله
يا .. عـَـدّوله...!!
-------------------------------
*(عـَـدّوله) وزيرة الصحة والبيئة الدكتورة عديلة حمود حسين
*(ابزازينچ)ظاهرة انتشار القطط والكلاب السائبة في ردهات المستشفيات العراقية
الهوش:-الأبقار (التي تسرح في مستشفى الزعفرانية)
*الكـَـفـَشه:- الشعر
*بآخر صفحه :-العراق أسوء البلدان للعيش في العالم (حسب مؤشر التنمية البشرية) -
----------------------------------------------------------------
https://www.youtube.com/watch?v=5w4d7SOcUE4

https://www.youtube.com/watch?v=2XPLGsgdCuc

https://www.youtube.com/watch?v=OsllCRuyPJw

https://www.youtube.com/watch?v=4FLZmuK5zYs
-----------------------------------------------------------------------
22/ نيسان/2018
ســـــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات