كل القصة ومابيهه ............. حاميهه حراميهه

صباح حسن عبد الأمير

الحوار المتمدن-العدد: 1485 - 2006 / 3 / 10 - 11:42
المحور: الادب والفن
    

موكب – تظاهرة
جمهور العباسية
كل القصة وما بيهه حاميهه حراميهه

- في محرم من كل عام تلبس مدينة ( كربلاء ) وشاحا مقدسا ، اسودا قاتم ، ويغمرها الحزن ، حتى نسينا إن بداية الشهر هو بداية السنة الهجرية ، التي تضيع ذكراها بين طقوس الحزن والبكاء والوجوم في المأتم السنوي لاستشهاد الأمام الثائر الحسين بن علي ( ع ) . وبدلا من استحضار الشهادة ومعانيها في مقارعة الظالمين وتحديهم والاصطفاف مع آمال وتطلعات المظلومين إلى العدالة والعيش الكريم ، تختزل كل المعاني والعبر في طقوس البكاء والنحيب واستدرار الدموع والحزن ، فتضيع أهداف ومفاهيم ثورة الحسين (ع) بين الآهات والبكاء . وقد حاول الكثير من المجددين من رجال الدين المتنورين تصحيح هذه المعادلة منذ أوائل القرن المنصرم على أيادي المجتهد ( السيد أبو الحسن ) – زعيم الحوزة الدينية آنذاك - والعلامة (هبة الدين الشهرستاني) والشيخ ( محمد علي أليعقوبي ) والمصلح الشيخ ( محمد رضا المظفر ) والمصلح الشيخ ( محمد علي الحسيني ) والشيخ ( محمد رضا الشبيبي ) والعلامة محسن أمين ألعاملي .
- وعلى امتداد السنين جرت محاولات عديدة لإبراز الوجه الناصح لهذه الثورة الحسينية وإبراز نواحي التضحية والبطولة والثبات وارتباط القادة بالجماهير المظلومه والمسحوقة ، والتي ترى في الدين التسامح واحترام الناس باختلاف أجناسهم وأفكارهم والذود عن حقوقهم ، إلاّ أن السلطات الحاكمة وتجار الدين وقفت بالضد من محاولات التنوير هذه وقمعتها بقوة واستخدمت الكثير من الأساليب والصفات المهينة لإسكاتها .
- موكب جمهور العباسية كان أحد هذه الأصوات التي اقتربت من ثورة الأمام الحسين ، فتعلمت منها وكانت قريبة من أهدافها في مقارعة الظلم والظالمين وفضح أساليبهم والدعوة إلى جوهر الثورة الحسينية فكانت قريبة من قلوب الناس في (ردّاتها) المقدمة في العزاء :

شعبي كالجمل اكله صبح عاكول
لكن عل الظهر كله ذهب محمول
شنهو الذهب مفعوله
لو حاير بعاكوله ؟
يحسين .. يحسين .. يحسين الشعب باسمك نضالاته

- وكان شعراء هذا( الموكب- التظاهرة ) قد ذاقوا من السلطات السابقة السجن والتعذيب ، وفي مقدمتهم الشاعر الشهيد ( عبد الزهرة ) ، الذي كان يعتقل ، عادة ، قبل هذه المناسبة ، فكان يتفنن في إيصال أشعاره من السجن ليرددها الناس في الموكب :
وينك ينوري وين العرش وين الطغيان ؟
وينك يمصلح ؟ ياكل جزاءه كلمن خان
كلمن يعادي شعبه
تالي النضال يأدبه
منرضه بالعدوان .. لا لا .. منرضه بالعدوان
.......................
هذاك سني وذاك شيعي بس التهينه بشعل النيران
بالطائفيه والتفرقة فلان وفلتان
فرق تسد مقصودة
للأجنبي مجهوده
منرضه بالعدوان .. لالا .. منرضه بالعدوان

- وكانت الأبيات الشعرية ( وتسمى الردّات ) قريبه من كل الأحداث ألسياسيه الجديدة ، ويتذكر الكربلائيون تلك الردة قبل إعلان اتفاقية الحكم الذاتي عام 1970 بيوم :

يا شهر آذار والشعب تانيك
تاني الجهود الخيرة .. الخيرة
وسنين الشعب يناضل
للحكم الذاتي العادل
يحسين بإسمك.. راية شعبنا .. راية احرار .. ما ترضه العار

- وبعد سقوط النظام البائد واستلام أقطاب المعارضة العراقية للسلطة بمساعدة ( الاصدقاء ! ) الامريكان وبعد انتظار طويل ، خاب أمل الجماهير بعد تغليب الصراعات الثانوية والصراع المحموم على الكراسي وتمزيق اللحمة العراقيه وتدخل دول الجوار في تمزيق هذه اللحمة ، فكان لموكب العباسية لسان حال الشعب وصدى ثورة الحسين ، دور في فضح هذه المؤامرة :

جم حطّاب لحد فاسه بهاي البستان
و أعلن عن نيته السوده وخان الوجدان
صير لبستانك ناطور
يا شعبي وصير اله السور
يحسين اسمع هذا الصوت .. يحسين اسمع هذا الصوت

- وليس عجيبا أن ترى الناس يفترشون الشارع وينتظرون خروج الموكب – المظاهرة يريدون أن يسمعوا خلاله صوت الحسين صوت الحقيقة :

عابس من هام بحبك واصبح مجنون
أنصار الحق تاج عله الراس يصيرون
للذلة ما طخوا راس
موقفهم بالطف نبراس
يحسين اسمع هذا الصوت .. يحسين اسمع هذا الصوت
...............................
خلي الروح العدوانية تموت اليوم
وارفع عنوان الوحدة يكفينا هموم
وحدتنا العراقية
هيه المرجية هيه
يحسين اسمع هذا الصوت .. يحسين اسمع هذا الصوت
....................................
ثروه ومنهوبه وتلعب بيهه الاحزاب
وابن بلادي ضايع ما بين الاغراب
والجمعية الوطنية
رواتب مليونية
يحسين اسمع هذا الصوت.. يحسين اسمع هذا الصوت

- يزداد تعلق الناس بالحدث ويزدادون اقترابا من الموكب فيدخلوا فيه ويهتفوا بحرارة وليكبر ( الموكب –المظاهرة) بالناس الذين تحولوا من مستمعين إلى مشاركين ويرددوا بقوة مع موكب جمهور العباسية ، بعد أن توحدت أفكارهم وهمومهم مع أفكار وثورة أبو الأحرار الأمام الحسين (ع) :


وين الاعمار الوطني وين اليحجون
واحدهم جاي يفرهد خلي يسمعون
كل القصة ومابيهه
حاميها حراميهه
يحسين اسمع هذا الصوت .. يحسين اسمع هذا الصوت





(الردّات) الحسينية لموكب العباسية في مدينة كربلاء المقدسة

اليوم الاول ( الخامس من محرم ) - 1427


موكب عزانه بالمواقف سمه
والناس باسمه اليوم متحزمه
تاريخ أله يزهي مننساه هم الشعب بالنفس وياه
محروس يا هل الوطن محروس يا هل الوطن
...........................
حب الحسين بواقع نترجمه
أنضمد أجروحه وكل جرح آلمه
فوك الضريح الرايه تذكار أشما كصه بينه الدهر وندار
محروس يا هل الوطن محروس يا هل الوطن
...............................
أنتبه شعبي وخذ كل الحذر
منا الجوار أصبحت كلهه خطر
أتحيطك أفاعي تكطر سموم غايته توكع بعد مدكوم
محروس يا هل الوطن محروس يا هل الوطن
..............................
محكمة طاغوت العصر مهزله
هالشعب لو صبرة نفذ قنبله
ننسه حلبجه لو الانفال أشكد بالدجيل انذبحوا أحرار
محروس يا هل الوطن محروس يا هل الوطن
..............................
هاي الوزارة نوجه ألهه عتب
واقعنه نفسه باقي شنهو السبب
معقوله هذا الصار ويصير ألهاي الامور نريد تفسير
محروس يا هل الوطن محروس يا هل الوطن
................................
نطالب يمجلس والطلب سجله
أنريد الحلول المقنعه العاجله
حكم ضميرك خلي أحساس تخدير كافي ملت الناس
محروس يا هل الوطن محروس يا هل الوطن
..............................
أنريد الرئاسه أتصير شدة ورد
كل الاطياف بهل البلد تتحد
الطائفيه تزيد الجروح منها القصد واضح ومفضوح
محروس يا هل الوطن محروس يا هل الوطن
.................................
نريد الحكومه القادمه بالعدل
تخدم شعبنا وعنه لا ما تزل
الشعب ضحه وضاك آهات أنريد اليعوض عنه ما فات
محروس يا هل الوطن محروس يا هل الوطن
...............................
كافي جرعنه هواي هم وسكم
مابينه بعد ردود تحمل هظم
أحنه صبرنه صبر أيوب يردون منه نصبر أنوب
محروس يا هل الوطن محروس يا هل الوطن
..............................
عولمه أمريكا صفت مشكله
تقيد شعوب العالم بسلسله
ناقوس دك بالخطر أنذار نهج الجديد وللاستعمار
محروس يا هل الوطن محروس يا هل الوطن
................................
أحجي الحقيقه وأعترف بالغلط
مسؤول أنت عن وزارة نفط
شيفيد تقديم أستقالات أنريد أليعالج هاي ألازمات
محروس يا هل الوطن محروس يا هل الوطن
...........................








اليوم الثاني ( السادس من محرم - 1427 )

دمك الطاهر كشف نور الظلام هلّه هلّه
للامم منهج صبح رايه سلام هلّه هلّه
ياشهيد الغاضريه للعراق انته الهويه
والله ملينه الوعود كافي ملينه الوعود
................................
هجمت جيوش البغي لصحن الحسين هلّه هلّه
رادوا يطفون نور الله المبين هلّه هلّه
انته قبله عالميه ماتهدمه الجاهليه
والله ملينه الوعود كافي ملينه الوعود
..............................
للنجاة انتم سفن من المخاطر هلّه هلّه
خصكم المعبود والمصطفى هلّه هلّه
ياسياسينه تعلم شوف ابو اليمه شقدم
والله ملينه الوعود كافي ملينه الوعود
..............................
والله شعبي ابد ما ينسه الجهاد هلّه هلّه
لا ولا ينسه الخراب أبهل البلد هلّه هلّه
ثورة العشرين تشهد الشعب لمن توحد
والله ملينه الوعود كافي ملينه الوعود
..............................
صارت ارضي من الشمال للجنوب هلّه هلّه
أمحاصره بأطماع تجار الحروب هلّه هلّه
ساحه للارهاب صرنه ياهو الي يبدل وضعنه
والله ملينه الوعود كافي ملينه الوعود
.................................
قنوات الدجل كافي من النفاق هلّه هلّه
وكافي سمكم تصبونه عله العراق هلّه هلّه
أتشجعون الطائفيه والافكار العفلقيه
والله ملينه الوعود كافي ملينه الوعود
.............................
وين أهل المعرفه التحجي صحيح هلّه هلّه
تعالج الاوضاع موطنه الجريح هلّه هلّه
تعمل بجد وتفاني تلبي كل هاي الاماني
والله ملينه الوعود كافي ملينه الوعود
...............................
يبو اليمه شعبك أيعيش أبمأسي هلّه هلّه
والقوائم همهه توزيع الكراسي هلّه هلّه
رشوه وارهاب وبطاله والشعب ساءت أحواله
والله ملينه الوعود كافي ملينه الوعود
..........................
أيكلك أصبر والفرج بالانتظار هلّه هلّه
والفقير ليمته يبقه بلايه دار هلّه هلّه
الوطن خيراته جثيره لاجن فراشه حصيره
والله ملينه الوعود كافي ملينه الوعود
.........................
عالعراقي الكهرباء صارت حرام هلّه هلّه
العمر كضيناه بس جور وظلام هلّه هلّه
ياوزير الوفه بوعده والصبر ليوين حده
والله ملينه الوعود كافي ملينه الوعود
........................
أثلث سنين المرت وباقي العذاب هلّه هلّه
والوعود ألي أنحجت صارت سراب هلّه هلّه
خلي نحجيهه بصراحه الشعب ما شاف راحه
والله ملينه الوعود كافي ملينه الوعود
....................
أشكد قواعد صارت بهذا الوطن هلّه هلّه
والتحالف بالخفي يحوك الفتن هلّه هلّه
ساحه للارهاب صرنه بالقلب هذا جرحنه
والله ملينه الوعود كافي ملينه الوعود
.............................
الاجانب سقّطت كل الديون هلّه هلّه
أنريد حكام العرب يتنازلون هلّه هلّه
والاخوة العربيه مو شعار وهاي هيه
والله ملينه الوعود كافي ملينه الوعود


اليوم الثالث ( السابع من محرم - 1427 )

نحتج ونسجل هذا الاستنكار
ضد ألي يشوه صورة المختار
رمز السلم هادينه عيسى بشّر بدينه
اسمع ياوطن هاي الحناجر
....................
شع بكربلا ضيك يبو الاحرار
علمنهج مشينه وما نهاب أخطار
موكبنه بشهر عاشور ينهض عالظلم ويثور
اسمع ياوطن هاي الحناجر
....................
ماضي عالعهد شعبك يبو الثوار
كل جيل أليجي يستكمل المشوار
لا ما نقبل الذله والما يعرف أنكله
اسمع ياوطن هاي الحناجر
..................
بأسمك يا ولي نهتف بعالي الصوت
بوجودك أبد ميهزنه كل طاغوت
بيك أحنه تباهينه وبأسمك تسمينه
اسمع ياوطن هاي الحناجر
...................
سجل ياشعب تاريخ ألك مشهود
كل هذا الجرة وصبرك بلايه حدود
لازم تعبر الشده صيح بصوت وأتحده
اسمع ياوطن هاي الحناجر
.....................
شمعنه عالجره سكتت حكومتنه
جار ألنه يمد أيده أعله ثروتنه
ليش يموت جندينه ياناس بشواطينه
اسمع ياوطن هاي الحناجر
......................
لجنه للنزاهه شكلوا عدنه
بس ماشاف منهه فعل واقعنه
لا تحجي بعلانيه ولا كشفت حراميه
اسمع ياوطن هاي الحناجر
....................
خل يسمع الكل ويسمع المجلس
وألما حاس بينه اليوم خل يحس
أهالي كربلا تندمت جيفن ألكم أنتخبت
اسمع ياوطن هاي الحناجر
....................
ليمته الكهرباء تبقه عله هل الحال
ملينه ضوه الشمعات واللاله
سمعنه هوايه تصريحات كضينه العمر أهات
اسمع ياوطن هاي الحناجر
....................
استفحل هالفساد بكل دوائرنه
ألما يدفع رشاوي محد يعينه
هاي شلون تاليهه الفقره من يحس بيهه
اسمع ياوطن هاي الحناجر
...................
أزمه من الثقه بين السياسيين
أنظروا للشعب كلكم عراقيين
لازم تبقه وحدتنه ونكمل مسيرتنه
اسمع ياوطن هاي الحناجر
....................
أراضي من الوطن سلبوهه بالكوه
نسوا رابط الجوره ورابط الخوه
رميله وأم قصر ألنه شلون تروح من عدنه
اسمع ياوطن هاي الحناجر
....................





اليوم الرابع ( الثامن من محرم - 1427 )

طاح الاكبر بالحومه تعناله حسين
شافه أمخضب بدمومه هل دمع العين
يابويه مرخص عمري أفديه للدين بنحري
يحسين أسمع هذا الصوت
......................
ذخرتك للطف أنه يبني الاكبر
الله يجازيك وليدي بيوم المحشر
يا يمه لتوصيني ناذر روحي تدريني
يحسين أسمع هذا الصوت
.....................
عابس من هام بحبك وأصبح مجنون
أنصار الحق تاج عله الراس يصيرون
للذله ما طخوا راس موقفهم بالطف نبراس
يحسين أسمع هذا الصوت
....................
شباط أسود مر علينه وضكنه الآلام
فكر البعث الارهابي ألخلف صدام
سلبوا منه الحريه أعداء الانسانيه
يحسين أسمع هذا الصوت
....................
وين الاعمار بوطني وين أليحجون
واحدهم جاي يفرهد خل يسمعون
كل القصه وما بيهه حاميهه حراميهه
يحسين أسمع هذا الصوت
......................
وين المسؤول الي يحجي وين الحكام
طيارات ألنه الراحت صار أشجم عام
فهمنه شنهوا الاجراء مو بس كاعد بالخضراء
يحسين أسمع هذا الصوت
......................
ثروة ومنهوبه وتلعب بيه الاحزاب
وأبن بلادي ضايع ما بين الاغراب
والجمعيه الوطنيه رواتب مليونيه
يحسين أسمع هذا الصوت
......................
أعقول العراق أنذبحت وبسيف الجور
جم عالم هاجر منهه كلي ودكتور
هذي الخطة تدميريه وبأيادي خفيه
يحسين أسمع هذا الصوت
....................
يلي أتفكر تلغي التموينيه أنكول
وألمثلك ما ينفعنه أيصير المسؤول
لا تتماده بهل التفكير وتحذر لو هذا يصير
يحسين أسمع هذا الصوت
......................
نحجي عا التقاعد والحجي مطلوب
سوّتهه الحكومه كلشي بالمكلوب
عضو المجلس يميزونه والمسكين ينسونه
يحسين أسمع هذا الصوت
.....................
خلي الروح العدوانيه أتموت اليوم
وأرفع عنوان الوحده يكفينه أهموم
وحدتنه العراقيه هيه المرجيه هيه
يحسين أسمع هذا الصوت
......................
جم حطاب لحد فاسه لهاي البستان
وأعلن عن نيته السوده وخان الوجدان
صير لبستانك ناطور يا شعبي وصير أله السور
يحسين أسمع هذا الصوت









اليوم الخامس ( التاسع من محرم - 1427 )

عبره أخذ دروس وأعرف صفاته
ألما يقتدي بحسين شله بحياته
طول العمر خسران تايه بلا عنوان
بالطف دمك سطع بالطف دمك سطع
...............................
من دم نحره سكاه سهم المنيه
ما بين أدين حسين بالغاضريه
تنادي الرباب اليوم يل بالسهم مفطوم
بالطف دمك سطع بالطف دمك سطع
................................
خابت أظنون الناس بالساسه كلهه
او بالحزن وألآلام زودت حملهه
ردناه أنه عون ياوسفه طلعت فرعون
بالطف دمك سطع بالطف دمك سطع
...............................
ألتضحك أله دنياه لا يامن الايام
خل ينظر اللي صار للطاغي صدام
هذا الوكت دولاب خل تسمع الاحزاب
بالطف دمك سطع بالطف دمك سطع
...............................
باسم العراقي اليوم نحجي بصراحه
أشما تعله هل الهامات تتناغط البوم
ليش الارهاب أيخاف من وحدة الاطياف
بالطف دمك سطع بالطف دمك سطع
...........................
ليغرك التضليل وأترك طريقه
صوتك ياشعبي أسلاح يروي الحقيقه
لو متبثه الفرات صوتك نبع الحياة
بالطف دمك سطع بالطف دمك سطع
..........................
كالو أجه التغيير كلنه أنسعدنه
تالي صفت مكلوب والله أنمردنه
نبقه أعله هل المنوال أنريد اليغير الحال
بالطف دمك سطع بالطف دمك سطع
..............................
شعبي العمر كضاه حسرة أعله حسره
يرفض حجي المعسول اللي يخدره
جم جره ياهل الناس وأنكسرت عاه هل الراس
بالطف دمك سطع بالطف دمك سطع
...............................
الوطن من ينباك صوج النواطير
الشعب ضحه هواي ما عنده تقصير
نحجي وأنظل نعيد حارس أمين أنريد
بالطف دمك سطع بالطف دمك سطع
..............................
يالبرلمان الجاي أني أرد أنصحك
لو تمشي بالمكلوب صدكني أفضحك
لا تحجي بالوجهين وتلعب على الحبلين
بالطف دمك سطع بالطف دمك سطع
.................................
أسمع يا رمزي كلارك وأنته النعيمي
أدافعون اليوم عن حكم دامي
عار أنتو عل القانون وبيا قيم تحجون
بالطف دمك سطع بالطف دمك سطع
اسماء اللجنه المشرفة

1- السيد فيصل الشامي
2- الاستاذ محمد خلف عمران
3- الشاعر السيد حسن الحسني
4- الشاعر رضا حسن النجار
5- راشد جودة الكعبي

الشعراء الحسينيين

1- الشاعر إسماعيل المولى
2- = زهير الشافعي
3- = فاضل محمود الخزعلي
4- = صباح عبد علي الفتلاوي
5- = السيد هاشم الأعرجي
6- = طالب عبد الحسين خنياب الكعبي
7- = السيد احمد هاشم الأعرجي
8- = رزاق الطائي


بقلم : صباح حسن عبد الأمير
التجمع من أجل الثقافة والديمقراطية / كربلاء

#صباح_حسن_عبد_الأمير (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات