حصة كيمياء حرارية

أيمن غالى

الحوار المتمدن-العدد: 5778 - 2018 / 2 / 5 - 16:40
المحور: كتابات ساخرة
    

الكيميا الحراية Thermochemistry دى من الفروع الهامة جدا فى علم الكيميا و هى مختصة بدراسة أمور كتير منها طاقات المركبات و التفاعلات الكيميائية و غيرها ..
و من ضمن نظريات الكيميا الحرارية هو دراسة طاقة الأنظمة المغلقة Closed System و أخدت الكون كله كنظام مغلق يمكن دراسة طاقاته, و بدون ما ندخل فى تفاصيل؛ فإن الكون حسب نظريات الكيميا الحرارية إلى زوال .. و حا نسمع كلام كتير عن نظريات الـ Thermodynamics فى الموضوع ده ..
نقطة تانية مهمة إن أى جزء فى المنظومة المغلقة دى هو جزء من طاقتها و يؤثر على طاقات باقى أجزاء المنظومة ..

طيب نفهم إيه من حصة الكيميا دى ؟
نفهم إننا على الكرة الأرضية عبارة عن منظومة مغلقة Closed System و إن كل تغير بيحصل حا يأثر على باقى أفراد المنظومة, من تغير مناخى أو سياسى, أو إقتصادى, أو قلاقل و منازعات, أو إختلال فى التوازن الطبيعى للكائنات, و غيرها من المتغيرات ..
و ده معناه إن أى تغير بيحصل على الأرض بيأثر فى حياتنا يا بالسلب يا بالإيجاب, و بالتالى من حقك كإنسان إنك تناقش إى متغير حصل و لو من آلاف السنين لغاية النهارده و بكره و إلى ما لا نهاية .. ما فيش حاجة إسمها مالناش دعوة بكذا أو كذا, و ما تخليش حد يقول لك و أنت مالك أو مالكش دعوة .. إحنا فى منظومة واحدة و إللى مش عاجباه قوانين المنظومه يشوف له منظومة تانية و يهاجر ليها و يسيبنا فى منظومتنا و قوانين الكيميا الحرارية ..

#أيمن_غالى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات