|
أنا والأفكار ..... والليل معها نهار
تمارا سعد فهيم
الحوار المتمدن-العدد: 1441 - 2006 / 1 / 25 - 06:15
المحور:
كتابات ساخرة
أفكار تروح وتيجى، والضمير يجرى وراكى، يقول للست أفكار تعبتينى منك، ومن ظنونك، ومن شكوكك أنقذينى!!! يا عقل عالج أفكارك المريضة مرضها هيدمرنا هايتعبنا هايشجينا قولها تشفق علينا، يا أستاذ ضمير أقول لك أيه طول النهار والليل بنادى عليها أقولها أفكار زورتى جارنا العزيز الأستاذ ضمير المحتار، تقول:- زيارة ما كانت على البال ولا على الخاطر لكن قدر المكتوب و ادينى عماله أحايل فيه يا ضمير أفندى سهرت وسهرتنا معاك نام وأرتاح شوية عشان الأستاذ كبرنا عقل باشا أتشتت وياك، يقول الأستاذ الأفندى عندى أسئلة مش عارف لها أجوبة, أرجوكى جوبينى انت بالذات جننتينى أقوله أهدأ يا ضمير أفندى و نام وأستريح، يا أما تسبنى وتسيب العقل وترحل، ياعقل باشا الضمير ده أصله مشكله، كل يوم والتانى عامل بلبله!! أيه رأيك انيمه بمخدر مبررات لا ليه ولا عليه!! وأهو نرتاج شوية من زن البيه.
عقل بيه بين الضمير والفكر احترت ليه يوم متصالحين وعشرة متخاصمين قول لنا نـاوى تعمل معاهم أيه !!!
أه ه ه ه مالك يا عقل بيه أفكار هانم المريضة سكنة فيك هى كمان ولا ايه، بتقول لك عالجنى وشخص حالتى!!! غالبا هى اللى تعديك، وتنتعش فيك، وتفضل وراك لحد ما تخلص عليك. وخلفتها أفكار معاقة مليانة بالشكوك، تزور الجيران أصلها أجتماعية، تحب تجامل وتتجامل كمان، وتاخد وتدى فى الكلام ، وتأثر فى القلب والعقل والعيون واللسان وحتى الودان . وتروح للضمير وتقول له قرراتى فرمان قدامك، وافق عليها، وانفد بجلدك من نار الشكوك اللى فيها. يا عقل شوف لك حل غربل أفكارك ونقيها ويارت تخليها سوية ليها مناعة قوية حصينة طريدة فيروس الشك قدام مناعتها طريد سجين ويذوب ومايبالوش وجود. عقل باشا زارك الجهل كمان ْ والجهل هنا مش جهل تعليم الجهل غموض فى العقل قصور فى الفكر عجز فى الفهم يعنى أمية الفكر!! وويصرخ بصوته العالى وينادى على عقل باشا المسكين ويقول له خد عندى "أفكارى جهنمية" كلها يا سادة أذية مالهاش أى هوية!!! أفكار ترفض أى جديد و وماتعرفش التجديد وهاتجيبوا منين أصلها ياعينى أمية عايزة تتثقف شوية. وطبيعى جهل فى الفكر هيخرج منه؟؟؟ فكر فيه جهل!!! يعنى أحنا منتظرين منه أيه. وتزور طبعا ضمير البيه وتنادى عليه "خد عندك أنت بتعمل أيه أفكارى أوامر جهل بيه السلطان بيقول لك نفذها ذى ما هى تمام، لا فيها زيادة ولا نقصان ولا تقول له ثلث الثلاثة كام". الجهل أخطر فكر، قدامه يقصر العمر ، قولى يا عقل ناوى تعمل معاه أيه التركيز لازم شوية يتسلطن على سلطان جهل بيه، بالتركيز هاتشوف وتعرف، وتتثقف، وكمان هاتفهم وتميز، وتحافظ على فكرك وتوعيه وينضج وتتجمع القلوب حوليه ساعتها ها تعمل ايه ها تفرح ويمكن ترقص .. حقك يا يعادة البيه!! .
وتزور العقل طنط شائعات، اللى لا تهدأ ولا تبات، وتزن زى النحلة، وتلف حولين العقل والقلب واللسان وتقوله قول "على اللى حصل واللى كان" وناخد وندى معها فى الكلام أه ه ه ه حقااااا هيهات من الشائعات!!. شلل فى العقل تمام بدون تحليل وتفسير للفكر ويمكن حقد جوه عليه زنزانة فى الصدور ، وطنط شائعات تحكي وتظلم وتتظلم كمان و ليها قرار محتاج حفظ وتكرار، ما يعرفش انذار. وفين ضميرك يا عقل يقول لى إشارة حمرا أدانى وطنطك شائعات بتجرى طايرة ذى الصاروخ قدامى. مين يفرملها، للأسف الكل مرحب بيها وبسرعتها . ياعقل قولها ماطار طيرا وأرتفع الا كما طار وقع ، أه لو تعرفى تختصرى المسافات والزمن وترحلى. عمرك يا طنط شائعات قصير ومهما زاد حجمك صغير !! افكار بنت عقل باشا ودلعها بوغاشة ليها جاره اسمها خزعبلات عندها ضره اسمها تفسير، القصد: الكلام عنهم كتير فيه منه عارض والآخر أسير. وادونى فرصة للتحليل. وباى ى ى ى دلوقتى يا جميل.
#تمارا_سعد_فهيم (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
الخفافيش فى الكواليس المصرية
المزيد.....
-
بعد حكم الإعدام.. حكم جديد ببراءة مغني الراب الإيراني توماج
...
-
Admhec “القبول بالجامعات” معدلات القبول الموحد في الجامعات ا
...
-
انطلاق الدورة الـ77 لمهرجان -لوكارنو- السينمائي الدولي في سو
...
-
البحر الأحمر السينمائي يعلن عن فتح الانتساب لدورته الرابعة 2
...
-
-أوروبا-: رؤية سينمائية تنتقد وحدة أوروبية مفترضة
-
نجم شهير يتعرض لموجة غضب كبيرة بسبب انسحابه فجأة من فيلم عن
...
-
تونس: الحكم بالسجن أربع سنوات على مغني الراب -كادوريم- وحرما
...
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
المزيد.....
-
فوقوا بقى .. الخرافات بالهبل والعبيط
/ سامى لبيب
-
وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4)
...
/ غياث المرزوق
-
التقنية والحداثة من منظور مدرسة فرانكفو رت
/ محمد فشفاشي
-
سَلَامُ ليَـــــالِيك
/ مزوار محمد سعيد
-
سور الأزبكية : مقامة أدبية
/ ماجد هاشم كيلاني
-
مقامات الكيلاني
/ ماجد هاشم كيلاني
-
االمجد للأرانب : إشارات الإغراء بالثقافة العربية والإرهاب
/ سامي عبدالعال
-
تخاريف
/ أيمن زهري
-
البنطلون لأ
/ خالد ابوعليو
-
مشاركة المرأة العراقية في سوق العمل
/ نبيل جعفر عبد الرضا و مروة عبد الرحيم
المزيد.....
|