يا جمل تاه فى جبال الصبر

إيرينى سمير حكيم
كاتبة وفنانة ومخرجة
(Ereiny Samir Hakim)

الحوار المتمدن-العدد: 5494 - 2017 / 4 / 17 - 23:04
المحور: الادب والفن
    

يا جمل صابر
وفى صحرا ارادتك مكابر
يابو زاد على أدك
وانت محدش أدك

يا معافر ومثابر
يا قاهر العواصف وف ثباتك فاجر

ياللى على جوعك قادر
ولعطشك غافر

هو يعنى الألم مابيخلصش؟
واللا نسيت امكانيات قدرتك
وكإن وصولك قبل كده محصلش؟!


يا سفينة صحرا
محمِّله امل ورايحة للمينا
ده اللى بيصاحبك عاشق صبرك
وواثق فى عزيمتك المتينة

افتكر ماضى امجاد قوتك
وركز على مستقبل اهدافك الرزينة
خلليك فى صبرك
وماتعملش للتعب قيمة

يا جمل تاه فى جبال الصبر
شمس مرساتك بتناديك
بكرة الفجر يطلع
والغروب مسيره للقبر

#إيرينى_سمير_حكيم (هاشتاغ)       Ereiny_Samir_Hakim#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات