جحا رئيس للجمهورية العراقية

جحا العراقي

الحوار المتمدن-العدد: 1440 - 2006 / 1 / 24 - 08:20
المحور: كتابات ساخرة
    

طبعا اخونا جحا استلم رئاسة الجمهورية العراقية بعد ان كان لايحلم حتى بمنصب محافظ وبالعافيه عليه جحا اصبح رئيس لجمهورية العراق الجديد لقد ناضل جحا وكافح من اجل ان يحقق الديمقراطية والرفاء والحرية ( وهي منطقة بغداد ) ولذلك سنقوم باستعراض تاريخ الحافل بالنضال ( ولحد يتصور غير شي ترى تخلون بوش يزعل مني ويخلي اسمي من ضمن قائمة الخمس وخمسين واحد الي كلهم بدأ يفرج عنهم واحد وراء واحد وطلعوا كلهم شرفاء والشعب هو الطاغية صدك حكمه الهيه ) ونبدأ باستعراض حياة جحا السياسية .

1. في اجتماع للوزراء يتراس القائد الملهم ( الملهم من الهام شاهين ) ظهر في تلفزيون العراق 1983 قام جحا بمخاطبة النظام البائد الي كان حاضر الاجتماع معه وقال له سيدي انت عادل وي الجميع بس وياي ماعادل (عادل هو اسم يطلق للواكه ) وهذا الاجتماع عادوا بالتلفزيون العراقي ثلاثة ايام وصركعوا راسنا بذيج الفترة يعني بعد احداث الدجيل الي جان يعرف بيه جحا.
2. في اجتماع اخر لجحا مع رئيس النظام البائد في عام 1993 قام جحا وذب كوم لحم وذب اللوه (واللوه نوع من انواع التملق ) واستلم من ابو هدله عشرة ملايين دينار ومحطة اذاعية لان وعده بشغلات مانفذها .
3. كان جحا يبيع النفط الي يستخرج من منطقة بشمال العراق الى دول صديقه بنصف السعر لان هو جان بالختله يبيعه حتى لحد يعرف وجان يحول هذه المبالغ لحساب في مصرف بسويسرا وخلي منذكر اسم المصرف لابعد يومين يطركعون البيت على راسي .
4. جحا كان عنده سجن طاك بمنطقه على الجبال وكان مخلي بي ناس خبره اضبط من الناس الي ضبطوهم بسجن الجادريه وطبعا كانوا جماعته مسوولين عن اختطاف اشخاص معينين و تصفيتهم او مقايضتهم بامور ومكاسب سياسية او ماديه وطبعا من هولاء الناس اشخاص عاديين كانوا يذهبون للشمال للسياحه وكان جحا مايقصر وياهم يسوي مثل مجاي يسوي اخوانا الخوش ولد جماعة تنظيم القاعدة (القاعدة من قعادة الطفل ولحد يسالني اكثر ترى يذبحوني ) من اختطاف وارهاب يلاه وجهين لعمله وحده (وحده تعني مو حرية واشتراكيه) اما الاخوانا الي ممصدكيني فيقدرون يتاكدون لانهم موجودين ليهسه هولاء الي تعرضوا للخطف وافرج عنهم لقاء مبالغ نقدية وتقدرون تسالوهم .
5. طبعا كان رفاقه بالنضال جانوا اذا رادوا ان يصعدهم منصب اعلى بالحزب مالته ومال ( ابوه مرته) الله يرحمه . عليهم ان يسوله كعده (شرب ونسوان )اهووووه والله ورطه لساني يريد يورطني وي الشخص الاول بالعراق يابه جانوا يقدموله هديه طاكه اهوووه شنو لساني اليوم يريد يدمرني يابه جانوا يقدمون له دراسة في الادب العراقي المعاصر وهو جان يرقيهم .
6. في خطاب على البي بي سي في عام 1991 قال جحا للمذيع انه عنده استعداد ان يتعامل مع الشيطان من اجل استقلال اقليمه طبعا الخطاب موثق بقناة البي بي سي الاذاعية وهاي اشاعة مغرضة من قناة تريد تاثر على نتائج الانتخابات الشريفة بالعراق .
7. جحا الي اخوه كان وزير ويفتهم اكثر منه ووطني اكثر منه وماجان يخاف وكان يقول رايه بصراحه امام النظام البائد وبعث بعده رسائل للنظام البائد قبل حرب الخليج الثانيه ينصحه بالانسحاب لان كان يخاف على العراقيين وليس على اسطوره الصنم اخوه كان لايقبل على تصرفات جحا المتقلبة على موجات الراديوا لان يوميه براي ويوميه بتصريح متفتهم اوله من اخره .
8. جحا يصر على عدم توقيع الحكم الاعدام على الرئيس السابق لانه يعلم ان الرئيس السابق لديه وثائق تدخل جحا وياه في نفس القفص . وخاصه هذه الوثائق عن مذبحة حلبجه واخوانا الكرد الي ابيدوا في حلبجة ولم تذرف عليهم دمعه واحده من جحا وحزبه او النظام البائد بسبب عناد جحا وهمجية النظام السابق .
9. جحا استخدم سياسة العصا من النصف فقد كانت رجله بارض دولة صديقه ورجله الاخرى بارض النظام البائد وايد من يديه وي المعارضه (الطكك عطيه ) ويده الاخرى مع دول غربيه ويوميه جان مجطل على موجه (والمجطل يعني مجطل كهرباء من الرئيسي ) والله سبع كل هاي وحقق حلمه وانصحكم بقراءة وصايا جحا الي ماتقل اهميتها عن وصايا ابو الخروفين اعتذرابو الليثين شلون يريد يورطنا لساني وي الامه العربيه (عربيه يعني سيارة )
خلاصة الامر نستنتج ان جحا له تاريخ سياسي طويل وعريض (لان هو داخل بالعرض اكثر من الطول) ولحد يصور الي حجيت صدك شباب ترى كله كذب يمعودين مابي حيل اني ( على كولت اخوانا المصلاويين يفجعوني ويكفوني ) .
حكمه هذه الحلقة نستنتج ( انه كل رئيس جمهوريه عراقي كان لوكي مضبوط قبل ان يستلم الحكم )

#جحا_العراقي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات