عمر قاسم أسعد
الحوار المتمدن-العدد: 5441 - 2017 / 2 / 23 - 21:30
المحور:
كتابات ساخرة
مولانا الوالي
(( الصنم ))
هذا الوالي صار زعيم
وصدق انه رب عظيم
طلع الوالي أي كلام
وهو الشيطان الرجيم
***
مولانا تحول صنم
والصنم جوا الهرم
والهرم عم يكبر فينا
واحنا تحولنا غنم
***
طلبوا منو أية صغيرة
لبس الجبة ولحية عِيرة
حَمل السبحة والمسواك
حوقل بسمل وغَيَّر سيرة
***
هاي الحية وهذا العقرب
وهذا الموت منا يقرب
عَضّو الإيد ونفثو السم
وعم بحكولك يلا إشرب
***
البلد صارت مشاع
والفساد فيها شاع
والحرمية شيوخ البلد
ومولانا للبلد باع
***
حتى حشيش الأرض مات
وملحك يا بحر زاد
والهوا بِسَمانا انحرق
والعمر جوا العمر مات
***
إصحى يا شعب قاوم ناضل
إنتا عارف مين القاتل
مين المجرم مين الظالم
ضَيَّع حق وساد الباطل
***
إصحي يا قرية . هتف الشعب
إشعل نارك جوا القلب
إكسر قيدك قاوم صنمك
إهدم هرمك إصنع درب
عمر قاسم أسعد
#عمر_قاسم_أسعد (هاشتاغ)
كيف تدعم-ين الحوار المتمدن واليسار والعلمانية
على الانترنت؟