لدبيب الحزن والقطار!..

يعقوب زامل الربيعي

الحوار المتمدن-العدد: 5363 - 2016 / 12 / 6 - 23:39
المحور: الادب والفن
    

يا القطار..
اشكثر هجرك مرّ عليه
وعذباني؟!
وأني مرتحل وياك كَوة
وبطرك سجة،
مغترب بيه زماني.
صوت الفراكَين
مرمرني، على كيفه..
ولواني.
جنت ما تلزمني شهكَه
ولا دبيب الحزن يمنعني لفرحتك
ولا يعوضني كَمر من كثر ليلك..
لاجني مثل مشحوف ناكَل غيظه سكتة
يتلاكَه غصب
وي ماي المجّرِش أملاكَه،
ومن كثر عاكَول البروحي صحت
يا شتال الخشب
شل حالي البرد..
وأنت موكَد نار باطراف الصبر
ومن لهيبك غافلاني.
يا لقطار
أشوية أثكَل ..
على كيفك،
من تمر بالروح
بهداي على جرحي.
بعد جرح الأمس
شوغاته جمر بكتار ضلعي
نوبة أنهض
ونوبة أعثر
وبطرف هدمي
يعثرني زماني.
يالقطار
وسودناني..
وأنت ناكَوط ايتلولح
وأني شوغاتي بطرف شعرة حنيني...
وتدري يالمايع بحسنك
أشما أذكرك
أبتلي بلوة بزماني؟!.

#يعقوب_زامل_الربيعي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات