والله يا زمن ..!

طالب الجليلي
(Talib Al Jalely)

الحوار المتمدن-العدد: 5303 - 2016 / 10 / 3 - 12:11
المحور: الادب والفن
    

والله يازمن
تيهت من شوكي الدرب
اريد انسى
بس..
ايامي وياك المضن
وشم بالروح ما ينِّسٓنْ..!
والله يا زمن
لو بيدي أصير اشراع
وانت السفينه اوننحدر
نتعنى الشواطي
اللي ما بيهن بشر
وهناك..
أرهن لك اسنين البكن
من عمري نذر
وانته تدري
الظلن ابلياك
بس ضيم
اوقهر ..!
والله يا زمن
صارت لي سوله
مثل طشاشة وٓدٓعْ
أطش اسنين عمري
الكضن كلساع !
امغنتبات الكيهن
اوبس هنّه الصفن
وياك .. هنديسه اوكمر!!
والله يا زمن
ثاريه ..
كشّايه العمر،
راحت اويا الريح تتهادى
مثل دخّان الجكاير
بس بالشفايف تظل
منها بس حِركَه
او أثر ..!

2 تشرين 1 2016

#طالب_الجليلي (هاشتاغ)       Talib_Al_Jalely#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات