الى صديقي العماري

طالب الجليلي
(Talib Al Jalely)

الحوار المتمدن-العدد: 5263 - 2016 / 8 / 23 - 23:37
المحور: الادب والفن
    

الى صديقي كامل خزعل العماري ...

تدري من تهب
نسمه نعسانه
امن الجنوب ..
احضنها وشمنها
وكول افيش ياكلبي
يمعابى
من شوكَك للعماره
أبد متّوب...!!
يا خويا تعبني الوكت
والروح ولهانه
ابهواها اتلوب
تندهني صورة هلي
ريشه دولبها الهوا
مرمرني هلمكتوب
اتذكر اسنيني المضن
مثل الجمر
لحظه اوطفن
اتذكر ا
الطرادهً من تسبح
ابهور الدبن
والشلفه وأم اشعير
ديرتنا معجونه ابفرح
والطيب ...
موش ابحزن ...
.........
حنيت ..ارد اشوفن
نعُية الماي والبرهان
والغرنوك وم سجه
تهيج اجروحي من اشتم
هوا المرطوب والسياح
وشوف ( العيبي ) علجباشه
ايدوّر ابشبجه !!
اخ ياروحي مو كلكامش
أنا العاشك ثنايا الهور
اوسماه الزركه
مثل الشذر..
منثوره عليها اغيوم
جنهن طشة النفاش
بالدبجه...
...........

يلتنشد...
إخذ من عمري
كل الراح
والوشله الصفت منه
بلا منه..
ردلي ولو،
ليله
من غنانا اوسوالفنا
وصيه للشمس لا تطلع
وسويها الك حنه
أكل ل(احميد) الملجوم
مامش ( طلايب ) بعد
فضينا طلايبنا..!!
وكلله مامش طائفيه
او ( كتل )...
ولا ( إسلامويه) اودجل
ولا يتبختر ابديرتنا
داعش ..
ولا يحكم سلفنا
من تالي،
أبو الجعل...!!0
وكلَلَه الخلف بالله
واصرخ عالربابه الفجر
وانشد...
احميد ...يا ( هداية الله) !!!

23 اب 2016

#طالب_الجليلي (هاشتاغ)       Talib_Al_Jalely#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات