البنى آدم أصله فرخة

أيمن غالى

الحوار المتمدن-العدد: 5257 - 2016 / 8 / 17 - 10:10
المحور: كتابات ساخرة
    

تعيش الفرخة طول حياتها و هى بتُنكُش .. تُنكُش فى كل حاجة علشان تدَعْبِس على حاجة تاكلها أو تشوف حاجة تنفع تِتاكل .. و لو فرخة عندها كتاكيت أول حاجة بتعلِمها لهم إنهم إزاى يُنكُشوا .. تُنكُش قدامهم على الأرض, و هما ياكلوا من الأكل إللى ممكن يظهر من نَكْش أمهم, و الكتكوت أول ما بيكبر أول حاجة بيعملها إنه يُنكُش .. و إللى مالهوش فى النَكش من الفراخ ما يستحقش لقب فرخة, و لو مالقاش حد يُنكُش له بيموت ..
و المثل الفَرخَاوى بيقول: أنكش يا كتكوت قبل الفرصة ما تفوت و تموت
و البنى آدم الطبيعى فرخاوى النزعة و المزاج؛ يعنى بيتولد و يعيش لغاية ما يموت و هو بينكُش علشان يعرف و يتعلم؛ يُنكُش فى كُتب أو فى صفحات كتاب أو فى فكر إللى حواليه لو ما بيعرفش يقرا, و إللى مالهوش فى النكش لا يستحق الحياة فى عالم الفراخ ..
خليك فرخاوى و عيش حياتك و أنكُش

#أيمن_غالى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات