محاكم دولة الإخوان الدينية البخارية

عثمان محمد على

الحوار المتمدن-العدد: 1405 - 2005 / 12 / 20 - 08:15
المحور: كتابات ساخرة
    

قضية رقم(1)
رجب ...هات صاحبك عندى
رجب...هات صاحبى جنبى
وقعت احداث هذة القضية فى محكمة مدينة(.......) فى يوم ..... شهر .......هجرى سنة..... هجريةالموافق يوم....شهر......سنة ....نصرانية
وبدات احداث القضية كالتالى:
فى قرية صغيرة من قرى مصر المحروسة.ولد الطفل وجدى لاسرة فقيرة .و كبيرةفى العدد فهو الإبن الثامن فى اسرتة التى تسمى على اسم والدة عبدالعال العترة.ثم اخذ لقب وجدى العترة كبقية إخوتة واخواتة. وكبر فى كنف اسرتة ودخل المدرسة الإبتدائية وعندما كبر سنة وبدأ يتعلم الصلاة من والدة الغير متعلم وشيخ الجامع مقرء المئاتم والقبور.وفى يوم من الأيام .حضر إلى قريتهم نجار طبالى وكراسى وكنب.يصلح المكسور فى الشوارع ويلم ما فية النصيب ويروح بلدتة المجاورة لهم.وبعد فترة جاء هذا النجار إلى قريتهم وطلب ان يسكن ويقيم فيها .وكعادة المصريين القرويين البسطاء.ساعدوة فى بناء اوضتين من الطوب اللبن وبيت راحة(حمام) واصبح لة بيت فى بلدة وجدى العترة.ومن ثم اصبح مواطنا منهم يحضر افراحهم ويشيع جنائزهم ويشاركهم فى كل صغيرة وكبيرة .وكعادة البسطاء وثقوا فية اكثر من اللازم.واصبحوا يستشيرونة فى كل شىء .وهو يفتى بعلم او بدون علم.كلة ماشى.وبدأ يتحدث معهم فى الدين وقصص الأولياء وكراماتهم.وبدأ يخطب لهم الجمعة.وإشترى لهم كم كتاب من عينة رياض الصالحين وقصص.السلف ..وهكذا وبعد كدة بدأ يبشر بتنظيم يسمى الإخوان وما لة من تطلعات حول تحويل الدنيا إلى جنة ولكن لة شروط. المهم كبر اخونا وجدى العترة.فى كنف تعليم اخونا النجار.وكبر وخلص تعليمة المتوسط .وبدأ يبحث عن عمل بعيدا عن الفلاحة والشغل فى الغيط مع والدة وجيرانة .ولكنة فشل .فذهب إلى معلمة النجار إياة .فلمس فية حاجتة إلى المال وطموحة وتطلعاتة التى اكبر من قدراتة.فنصحة بترك القرية والذهاب إلى المدينة المجاورة والذهاب إلى مسجد الشيخ المستكاوى (رضى الله عنة).وان ينتظرة هناك بعد صلاة العصر.وبالفعل حضر وصلوا العصر .وبعد الصلاة قفلوا باب الجامع وبدأ الإجتماع المغلق وبدأوا بالترحيب بألاخ وجدى العترة بعد ان قدمة لهم النجار.وحكى لهم عن ظروفة وما يعانية مع اسرتة من فقر شديد.فقالوا لة لا تقلق ياخ عترة.كلة محلول إن شاء اللة .وخلى تكالك على الله وعلينا. بس ما تسالش عن حاجة علشان إحنا بنعمل حاجات يمكن تكون غريبة شوية على المبتدأين امثالك ولكن لما تعرفها وتتعود عليها حتنافسنا فيها.بس زى ما قلنا لك لا تسأل ولا تعترض. وانت حتتنغنغ فى رزق ربنا بيبعتة للمخلصين المدافعين عن دينة. فقال لهم انا من ايديكم دى لأيديكم دى.وقرأوا الفاتحة .وخرجوا ,وأخذة احد زملاءة معة ينام عندة حتى يدبروا لة اوضة فى بيت بعد كدة.وبالفعل تانى يوم كانوا جايبين لة اوضة ونزلوة شغل عند مطعم كشرى بتاع واحد منهم .وظن ان الدنيا إتفتحت لة .وبعد شهر قالوا لة مش عايز تتجوز وتكمل نص دينك وتعصم نفسك من الفتنة .فرد عليهم هو انا طايل هو فين .قالوا لة عندنا الحل بس انت وافق.فوافق فقالوا لة جهز نفسك على الفرح فقال لهم لازم اقول لوالدى علشان ما يزعلش منى وعلشان اخوتى الكبار لسة ما تجوزوش ووالدى حيفكر انى معاى فلوس ومش راضى اساعدة وبصيت لروحى .فقالوا سيب الموضوع دة على النجارحيروح معاك لأبوك ويفهمة على كل حاجة.وبالفعل تم كل شىء واحضروا لة .دستة من السيدات والبنات العذارى ليختار منهم .فاحتار فى إختيارة .وقال لهم انا محتار.فقالوا لة ان الأئمة قالوا ان فى الخطبة يجوز ان تنظر للوجه والكفين .قال لهم ماهو انا عملت كدة.وإحترت.فنط واحد منهم عامل نفسة قارى شوية فقال .يا اخوانى.فى بعض الأئمة قال انة يجوز للخاطب ان يشلح المرأة التى يريد ان يتزوجها إلى فوق الركبة على الا تصل للسرة.وان يرى من وجهها ورقبتها ما فوق نهديها .وانا شايف ان اخونا وجدى العترة فى حاجة ماسة لكدة.وهذا من باب الضرورات تبيح المحظورات.فقالوا جميعا كلامك مظبوط يا شيخ فتح الله عليك .وبالفعل بدأ اخونا العترة فى إعادة كشف الهيئة من جديد.إلى ان عثر على ضالتة المنشودة من بين العرض القانونى الذى قام بة والفحص الدقيق الذى اجراة.
وتم الإختيار وتمت مراسم الزواج على الطريقة الدفوية مع توزيع اطباق الكشرى والآرز ابو لبن على المدعوين .وعاش اخونا وجدى العترة وزوجتة السيدة محبوبة الروش.وبدأوا فى رسم خريطة حياتهم الجديدة .وايضا كانوا محافظين على حضور الجلسات العامة والخاصة للشيخ النجاربمسجد الشيخ المستكاوى.ومرت سنوات وسنوات وخلفوا صبيان وبنات.واالأخ وجدى يعمل فى مطعم الكشرى راضيا قانعاحتى اصبح دينامو المحل .وفى ليلة مظلمة جاءة الشيخ النجار قبل صلاة الفجر بساعة .وطرق بابة .وبعد ان فتح لة وادخلة غرفة الأطفال.بعد ان ايقظهم وارسلهم إلى امهم فى الغرفة الاخرى.قال لة ايو يا شيخ .إية اللى حصل .قال لة .خير إن شاء اللة ما تتخضش انا جاى لك فى خيرلك ولنا إن شاء اللة .انا جاى لك فى امر هام اولة ان ترد ما عليك للأخوة.وثانيها طاعة امر الشيخ الكبير فى السفر لارض الرسالة لتجاهد مع اخوانك هناك .فرد العترة .انا مش فاهم حاجة .فقال لة احنا مش قلنا قبل كدة ما تسألش ..وعلى كل حال .ارض الرسالة هى السعودية المباركة .والجهاد هو العمل .على ان ترسل نصف مرتبك على الشيخ الكبير لتساهم مع الأخوة فى نشر الدعوة.والنصف الآخر لك ولاولادك.وجهز نفسك للسفر فى خلال ايام وإحنا مرتبين لك كل حاجة وبكرة إن شاء اللة تروح تطلع البسبور وتجبهولى بعد صلاة العصر.واسيبك دلوقتى تخبر اولادك.ولا تنسى مفيش عندنا رفض لأوامر ألشيخ الكبير.
وبالفعل راح اخونا وجدى العترة لزوجتة واخبرها .فزمزقت وتمتمت بكلمات غير مفهومة.المهم وصلوا إلى تنفيذ امر السفر.
وبدأ اخونا العترة فى إخبار صاحب المحل وإستئذانة فى تغيبة بعض الوقت عن العمل ومن ثم البحث عن بديل لة بسبب السفر.وبدأ
فى إستخراج اوراق البسبور .ومر اليوم الاول دون مشاكل .ولكن ما حدث فى اليوم الثانى كانت المصيبة والطامة الكبرى على دماغة.
بعد رجوعة من مكتب الجوازات وحصولة على البسبور.روح ياكل لقمة لآنة لسة مفطرش ويغير هدومة علشان يروح يودى البسبور للشيخ النجار. فما ان دخل شقتة دون ان يطرق الباب وبصوت مرتفع نادى.انت فين يا محبوبة أنت فين يا بنت الروش. وفتح غرفة نومة فوجدها نائمة وبجوارها صاحب محل الكشرى بيرضع من ثديها.....؟؟؟؟؟ فاتجنن ونزل فيهم ضرب وشتيمة وصراخ ونجحت محبوبة الروش .وصاحب محل الكشرى فى الإفلات من بين يدية والهروب من المنزل كلة .وتعالت صيحاتة إلى ان حضر كل الجيران وجيران الجيران.وبدأوا فى تحليل الموقف وكل واحد منهم يدلى بدلوة ويقول لة على نصيحة شكل .إلى ان استقر وجدى العترة على ان يرفع عليها وعلى معلمة صاحب محل الكشرى قضية زنا.وخرج مسرعا مجنونا على محكمة الاحوال الشخصية بالمدينة ,واصطحب معة احد الجيران ,وقدم بلاغ لوكيل النيابة مباشرة دون المرور على المركز.وتحددت جلسة سريعة .وفى يوم الجلسة احتشد اهل المدينة واهل قريتة واقاربة داخل القاعة وخارجها. وجاء موعد الجلسة.وكانت الآحداث الأتية..
فى تمام الساعة العاشرة صباحا .زعق حاجب المحكمة فى الحضور قائلا محكمة:::
الكل وقف زى الالف. ثم دخل القاضى ومعة وكيل النيابة وسكرتير الجلسة
وجلسوا وجلس الناس على الكراسى المتهالكة ووقف الكثير من الحضور فى طرقات القاعة.
وبدا القاضى ينادى على المدعى .وجدى العترة . افندم
المتهممة .محبوبة الروش .افندم
محمود مبروك(صاحب محل الكشرى) افندم
فتحت الجلسة
ايوة يا وجدى إية الموضوع.
الموضوع يا حضرة القاضى هو كذا وكذا .وحكى عل قصتة من الآلف إلى الياء.
القاضى .ايوة يا محبوبة اية رايك فى الكلام دة.
محبوبة الروش.. يا سعادة البية انا معترفة بكل حاجة وما بنكرش حاجة .ولكن عندى حاجة انتم ناسينها .
القاضى .وما هى يا محبوبة؟؟
محبوبة .. ياسعادة البية إحنا ناس مسلمين ومؤمنين .صح ولا لأة؟؟؟
القاضى ..نعم يابنتى بس اية الموضوع ؟؟
محبوبة..ايوة يا بية انا جاية لك فى الكلام اهو. دلوقتى جوزى وجدى العترة. مسافر بعد ايام بسيطة .واحنا لوحدينا هنا فى البلد دى .واولادى صغيرة .ومحتاجين ل حد يجى يبص علينا ويغطينا فى البرد . ففكرت فى مين فى مين فلقيت ما فيش احسن من الحاج محمود مبروك .صاحب المحل راجل لة افضال علينا وساعدنا فى اول حياتنا وشغل جوزى عندة .وخيرة علينا . فناديت علية وقلت لة تبقى تيجى تبص علينا يا خويا .فقال ما ينفعش ياست محبوبة جوزك مسافر وما يصحش ...فقلت لة عندى حل . فقال إية هو ؟؟؟ فقلت لة .ارضعك خمس رضعات .وبكدة تبقى إبنى من الرضاعة واخو عيالى . وتبقى محرم لنا يا خوى. فقال هو فى حاجة كدة قلت لة ايوة
. وهنا تدخل القاضى .اية ياست الى بتقولية دة.اكيد انت مش فاهمة الموضوع ...
فقالت الست محبوبة الروش. يا سعادة البية انا فاهمة كل حاجة وسيبنى اكمل لك الموضوع .
القاضى .طيب يا ستى كملى .
محبوبة الروش . يا ناس .هو مش كلنا مسلمين .طيب ما سيدنا البخارى فى كتابة بيقول انة كان فى واحدة اسمها بنت سهيل كانت زوجة واحد اسمة ابو حذيفة كان عندهم عبد اسمة سالم وكان كبير حتى انة كان بيطلع الحرب معاهم .وبعدين ابوحذيفة دة كان بيغار على سهلة منة .فراحت للنبى علية الصلاة والسلام وحكت لة على الموضوع .فقال لها رضعية .تحرمى علية .وتنتهى غيرة ابوحذيفة.وبعدين عملت كدة والموضوع إنتهى ومعدش ابوحذيفة بيغار عليها منة ولا حاجة...
وموضوع تانى ما هما بيقولوا كمان ان السيدة عائشة .كانت بتخلى ستنا اسماء اختها. ترضع لها اللى عايزة تدخلة عليها ,وتبقى خالتة من الرضاعة.
فانا كنت باعمل كدة مع الحاج محمود مبروك .ولا مش هى دة سنة سيدنا البخارى برضة ولا اية...؟؟؟؟
القاضى .. ياست محبوبة عندك دليل على كلامك دة ...؟؟؟
محبوبة ايوة يابية ..امال اية.,,,وبعدين هو انتم مش فاكرين من كام سنة لما المذيعة المشهورة دى اسمها إية .لما جابت لنا الدكتور العلامة الفهامة اللى فى قورتة شامةو علامة .وقال لنا اننا ممكن نرضع السفرجى والسواق والبواب علشان يخشوا علينا على طول....وبعدين يا سيدنا القاضى انا معايا مستنداتى اهية.واخرجت لهم من جيبها الآتى(و حَدَّثَنَا إِسْحَقُ بْنُ إِبْرَاهِيمَ الْحَنْظَلِيُّ وَمُحَمَّدُ بْنُ أَبِي عُمَرَ جَمِيعًا عَنْ الثَّقَفِيِّ قَالَ ابْنُ أَبِي عُمَرَ حَدَّثَنَا عَبْدُ الْوَهَّابِ الثَّقَفِيُّ عَنْ أَيُّوبَ عَنْ ابْنِ أَبِي مُلَيْكَةَ عَنْ الْقَاسِمِ عَنْ عَائِشَةَ أَنَّ سَالِمًا مَوْلَى أَبِي حُذَيْفَةَ كَانَ مَعَ أَبِي حُذَيْفَةَ وَأَهْلِهِ فِي بَيْتِهِمْ فَأَتَتْ تَعْنِي ابْنَةَ سُهَيْلٍ النَّبِيَّ صَلَّى اللَّهُ عَلَيْهِ وَسَلَّمَ فَقَالَتْ إِنَّ سَالِمًا قَدْ بَلَغَ مَا يَبْلُغُ الرِّجَالُ وَعَقَلَ مَا عَقَلُوا وَإِنَّهُ يَدْخُلُ عَلَيْنَا وَإِنِّي أَظُنُّ أَنَّ فِي نَفْسِ أَبِي حُذَيْفَةَ مِنْ ذَلِكَ شَيْئًا فَقَالَ لَهَا النَّبِيُّ صَلَّى اللَّهُ عَلَيْهِ وَسَلَّمَ أَرْضِعِيهِ تَحْرُمِي عَلَيْهِ وَيَذْهَبْ الَّذِي فِي نَفْسِ أَبِي حُذَيْفَةَ فَرَجَعَتْ فَقَالَتْ إِنِّي قَدْ أَرْضَعْتُهُ فَذَهَبَ الَّذِي فِي نَفْسِ أَبِي حُذَيْفَةَ)
وفى رواية اخرى(حَدَّثَنَا عَمْرٌو النَّاقِدُ وَابْنُ أَبِي عُمَرَ قَالَا حَدَّثَنَا سُفْيَانُ بْنُ عُيَيْنَةَ عَنْ عَبْدِ الرَّحْمَنِ بْنِ الْقَاسِمِ عَنْ أَبِيهِ عَنْ عَائِشَةَ قَالَتْ جَاءَتْ سَهْلَةُ بِنْتُ سُهَيْلٍ إِلَى النَّبِيِّ صَلَّى اللَّهُ عَلَيْهِ وَسَلَّمَ فَقَالَتْ يَا رَسُولَ اللَّهِ إِنِّي أَرَى فِي وَجْهِ أَبِي حُذَيْفَةَ مِنْ دُخُولِ سَالِمٍ وَهُوَ حَلِيفُهُ فَقَالَ النَّبِيُّ صَلَّى اللَّهُ عَلَيْهِ وَسَلَّمَ أَرْضِعِيهِ قَالَتْ وَكَيْفَ أُرْضِعُهُ وَهُوَ رَجُلٌ كَبِيرٌ فَتَبَسَّمَ رَسُولُ اللَّهِ صَلَّى اللَّهُ عَلَيْهِ وَسَلَّمَ وَقَالَ قَدْ عَلِمْتُ أَنَّهُ رَجُلٌ كَبِيرٌ زَادَ عَمْرٌو فِي حَدِيثِهِ وَكَانَ قَدْ شَهِدَ بَدْرًا وَفِي رِوَايَةِ ابْنِ أَبِي عُمَرَ فَضَحِكَ رَسُولُ اللَّهِ صَلَّى اللَّهُ عَلَيْهِ وَسَلَّمَ)
وفى رواية اخرى
(و حَدَّثَنَا إِسْحَقُ بْنُ إِبْرَاهِيمَ وَمُحَمَّدُ بْنُ رَافِعٍ وَاللَّفْظُ لِابْنِ رَافِعٍ قَالَ حَدَّثَنَا عَبْدُ الرَّزَّاقِ أَخْبَرَنَا ابْنُ جُرَيْجٍ أَخْبَرَنَا ابْنُ أَبِي مُلَيْكَةَ أَنَّ الْقَاسِمَ بْنَ مُحَمَّدِ بْنِ أَبِي بَكْرٍ أَخْبَرَهُ أَنَّ عَائِشَةَ أَخْبَرَتْهُ أَنَّ سَهْلَةَ بِنْتَ سُهَيْلِ بْنِ عَمْرٍو جَاءَتْ النَّبِيَّ صَلَّى اللَّهُ عَلَيْهِ وَسَلَّمَ فَقَالَتْ يَا رَسُولَ اللَّهِ إِنَّ سَالِمًا لِسَالِمٍ مَوْلَى أَبِي حُذَيْفَةَ مَعَنَا فِي بَيْتِنَا وَقَدْ بَلَغَ مَا يَبْلُغُ الرِّجَالُ وَعَلِمَ مَا يَعْلَمُ الرِّجَالُ قَالَ أَرْضِعِيهِ تَحْرُمِي عَلَيْهِ قَالَ فَمَكَثْتُ سَنَةً أَوْ قَرِيبًا مِنْهَا لَا أُحَدِّثُ بِهِ وَهِبْتُهُ ثُمَّ لَقِيتُ الْقَاسِمَ فَقُلْتُ لَهُ لَقَدْ حَدَّثْتَنِي حَدِيثًا مَا حَدَّثْتُهُ بَعْدُ قَالَ فَمَا هُوَ فَأَخْبَرْتُهُ قَالَ فَحَدِّثْهُ عَنِّي أَنَّ عَائِشَةَ أَخْبَرَتْنِيهِ)
وفى رواية أخرى
(و حَدَّثَنَا مُحَمَّدُ بْنُ الْمُثَنَّى حَدَّثَنَا مُحَمَّدُ بْنُ جَعْفَرٍ حَدَّثَنَا شُعْبَةُ عَنْ حُمَيْدِ بْنِ نَافِعٍ عَنْ زَيْنَبَ بِنْتِ أُمِّ سَلَمَةَ قَالَتْ قَالَتْ أُمُّ سَلَمَةَ لِعَائِشَةَ إِنَّهُ يَدْخُلُ عَلَيْكِ الْغُلَامُ الْأَيْفَعُ الَّذِي مَا أُحِبُّ أَنْ يَدْخُلَ عَلَيَّ قَالَ فَقَالَتْ عَائِشَةُ أَمَا لَكِ فِي رَسُولِ اللَّهِ صَلَّى اللَّهُ عَلَيْهِ وَسَلَّمَ أُسْوَةٌ قَالَتْ إِنَّ امْرَأَةَ أَبِي حُذَيْفَةَ قَالَتْ يَا رَسُولَ اللَّهِ إِنَّ سَالِمًا يَدْخُلُ عَلَيَّ وَهُوَ رَجُلٌ وَفِي نَفْسِ أَبِي حُذَيْفَةَ مِنْهُ شَيْءٌ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَرْضِعِيهِ حَتَّى يَدْخُلَ عَلَيْكِ)
وفى رواية اخرى(عَنْ سُفْيَانَ عَنْ عَبْدِ الرَّحْمَنِ بْنِ الْقَاسِمِ عَنْ الْقَاسِمِ عَنْ عَائِشَةَ جَاءَتْ سَهْلَةُ بِنْتُ سُهَيْلٍ فَقَالَتْ يَا رَسُولَ اللَّهِ صَلَّى اللَّهُ عَلَيْهِ وَسَلَّمَ إِنِّي أَرَى فِي وَجْهِ أَبِي حُذَيْفَةَ شَيْئًا مِنْ دُخُولِ سَالِمٍ عَلَيَّ فَقَالَ أَرْضِعِيهِ فَقَالَتْ كَيْفَ أُرْضِعُهُ وَهُوَ رَجُلٌ كَبِيرٌ فَضَحِكَ رَسُولُ اللَّهِ صَلَّى اللَّهُ عَلَيْهِ وَسَلَّمَ قَالَ أَلَسْتُ أَعْلَمُ أَنَّهُ رَجُلٌ كَبِيرٌ ثُمَّ جَاءَتْ فَقَالَتْ مَا رَأَيْتُ فِي وَجْهِ أَبِي حُذَيْفَةَ شَيْئًا أَكْرَهُهُ)
وفى رواية اخرى(حَدَّثَنَا عَبْدُ الرَّزَّاقِ قَالَ أَخْبَرَنَا ابْنُ جُرَيْجٍ قَالَ أَخْبَرَنَا ابْنُ شِهَابٍ أَخْبَرَنِي عُرْوَةُ بْنُ الزُّبَيْرِ عَنْ عَائِشَةَ أَنَّ أَبَا حُذَيْفَةَ تَبَنَّى سَالِمًا وَهُوَ مَوْلًى لِامْرَأَةٍ مِنْ الْأَنْصَارِ كَمَا تَبَنَّى النَّبِيُّ صَلَّى اللَّهُ عَلَيْهِ وَسَلَّمَ زَيْدًا وَكَانَ مَنْ تَبَنَّى رَجُلًا فِي الْجَاهِلِيَّةِ دَعَاهُ النَّاسُ ابْنَهُ وَوَرِثَ مِنْ مِيرَاثِهِ حَتَّى أَنْزَلَ اللَّهُ عَزَّ وَجَلَّ ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ فَرُدُّوا إِلَى آبَائِهِمْ فَمَنْ لَمْ يُعْلَمْ لَهُ أَبٌ فَمَوْلًى وَأَخٌ فِي الدِّينِ فَجَاءَتْ سَهْلَةُ فَقَالَتْ يَا رَسُولَ اللَّهِ كُنَّا نَرَى سَالِمًا وَلَدًا يَأْوِي مَعِي وَمَعَ أَبِي حُذَيْفَةَ وَيَرَانِي فُضُلًا وَقَدْ أَنْزَلَ اللَّهُ عَزَّ وَجَلَّ فِيهِمْ مَا قَدْ عَلِمْتَ فَقَالَ أَرْضِعِيهِ خَمْسَ رَضَعَاتٍ فَكَانَ بِمَنْزِلَةِ وَلَدِهِ مِنْ الرَّضَاعَةِ)
وفى رواية أخرى(حَدَّثَنَا عَبْدُ الرَّزَّاقِ حَدَّثَنَا مَعْمَرٌ عَنِ الزُّهْرِيِّ عَنْ عُرْوَةَ عَنْ عَائِشَةَ قَالَتْ جَاءَتْ سَهْلَةُ بِنْتُ سُهَيْلٍ إِلَى النَّبِيِّ صَلَّى اللَّهُ عَلَيْهِ وَسَلَّمَ فَقَالَتْ إِنَّ سَالِمًا كَانَ يُدْعَى لِأَبِي حُذَيْفَةَ وَإِنَّ اللَّهَ عَزَّ وَجَلَّ قَدْ أَنْزَلَ كِتَابَهُ ادْعُوهُمْ لِآبَائِهِمْ فَكَانَ يَدْخُلُ عَلَيَّ وَأَنَا فُضُلٌ وَنَحْنُ فِي مَنْزِلٍ ضَيِّقٍ فَقَالَ أَرْضِعِي سَالِمًا تَحْرُمِي عَلَيْهِ)
وفى رواية اخرى (حَدَّثَنَا مُحَمَّدُ بْنُ بَكْرٍ الْبُرْسَانِيُّ قَالَ أَخْبَرَنَا عُبَيْدُ اللَّهِ بْنُ أَبِي زِيَادٍ عَنِ الْقَاسِمِ بْنِ مُحَمَّدٍ عَنْ عَائِشَةَ أَتَتْ سَهْلَةُ ابْنَةُ سُهَيْلِ بْنِ عَمْرٍو فَقَالَتْ يَا رَسُولَ اللَّهِ إِنَّ سَالِمًا كَانَ يَدْخُلُ عَلَيَّ وَأَنَا وَاضِعَةٌ ثَوْبِي ثُمَّ إِنَّهُ يَدْخُلُ عَلَيَّ الْآنَ بَعْدَمَا شَبَّ وَكَبِرَ فَأَجِدُ فِي نَفْسِي مِنْ ذَلِكَ قَالَ فَأَرْضِعِيهِ فَإِنَّ ذَلِكَ يَذْهَبُ بِالَّذِي تَجِدِينَ فِي نَفْسِكِ)
وفى رواية اخرى (حَدَّثَنَا عُثْمَانُ بْنُ عُمَرَ قَالَ أَخْبَرَنَا مَالِكٌ عَنِ الزُّهْرِيِّ عَنْ عُرْوَةَ عَنْ عَائِشَةَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ أَمَرَ امْرَأَةَ أَبِي حُذَيْفَةَ فَأَرْضَعَتْ سَالِمًا خَمْسَ رَضَعَاتٍ فَكَانَ يَدْخُلُ عَلَيْهَا بِتِلْكَ الرَّضَاعَةِ)
.....اقول كمان ولا كفاية يا سعادة البية...
القاضى ... هو لسة فى حاجة تانى معاكى
محبوبة نعم يا باشا ...حاجة بسيطة من عند سيدنا إبن حنبل بيقول انة كان فيةايات قرآن عن الرجم ورضاعة الكبار .مكتوبة فى ورقة تحت سرير ستنا عائشة .وبعدين دخلت معزة وكلتهم وعلشان كدة مش موجودين فى المصحف .وكلامة اهو يا بية(حَدَّثَنَا يَعْقُوبُ قَالَ حَدَّثَنَا أَبِي عَنِ ابْنِ إِسْحَاقَ قَالَ حَدَّثَنِي عَبْدُ اللَّهِ بْنُ أَبِي بَكْرِ بْنِ مُحَمَّدِ بْنِ عَمْرِو بْنِ حَزْمٍ عَنْ عَمْرَةَ بِنْتِ عَبْدِ الرَّحْمَنِ عَنْ عَائِشَةَ زَوْجِ النَّبِيِّ صَلَّى اللَّهُ عَلَيْهِ وَسَلَّمَ قَالَتْ لَقَدْ أُنْزِلَتْ آيَةُ الرَّجْمِ وَرَضَعَاتُ الْكَبِيرِ عَشْرًا فَكَانَتْ فِي وَرَقَةٍ تَحْتَ سَرِيرٍ فِي بَيْتِي فَلَمَّا اشْتَكَى رَسُولُ اللَّهِ صَلَّى اللَّهُ عَلَيْهِ وَسَلَّمَ تَشَاغَلْنَا بِأَمْرِهِ وَدَخَلَتْ دُوَيْبَةٌ لَنَا فَأَكَلَتْهَا)
القاضى ...كفاية كدة يا محبوبة .يخرب بيتك.جبت دة كلة من اين .
محبوبة ...امال يا بية دا انا مذاكرة وحافضة سنة سيدنا البخارى .ومسلم وسيدنا إبن حنبل كمان..هل انا كدة غلطانة يا سعادة البية القاضى .لما بانفذ سنة اسيادنا العلما.
القاضى .....كلامك مظبوط يا محبوبة .
ايوة .يا وجدى يا عترة لسة مصر على إتهامك الباطل ياجاهل ؟؟ ولا عرفت دلوقتى انها طلعت صح وانها اكتر منك إيمانا .
ونادى القاضى على محبوبة الروش .وقال لها تعالى جنبى هنا .ثم وشوشها وقال لها ....الحاج محمود بيعرف ينفذ سنة سيدنا البخارى صح ولا مش بيعرف ؟؟؟ إذا عزت حد يشرح لكم بالتفصيل إتصلى بى.واعطاها كارت فية تليفونة الخاص. ثم انعدل ورجع لورا وخبط بالشكوش اللى معاة .وقال سكوت .
وبدأ يتلو الحكم...
بسم اللة الرحمن الرحيم
بعد الإطلاع على الدستور فى مادتة الثانية.والقوانين المفسرة لها.قررنا نحن .........قاضى محكمة......وفى حضور كل من السادة.........
بالحكم الآتى فى القضية رقم (1) المنعقدة جلستها العلنية بقاعة كبار المرضعين .بتاريخ..........
الحكم الآتى 1-
رفض الدعوة المقدمة من السيد وجدى العترة .وإلزامة بالمصاريف واتعاب المحاماة والقهوة والشاى.
2-عدم قبول اى طعن فى الحكم .من السيد العترة.وإن اصر على تقديم طعن فى الحكم .يستتاب ثلاثة ايام بعد صلاة العشاء وعلى رؤس الأشهاد.وإن اصر على رأية .يحول إلى دائرة إنكار ما هو معلوم من الدين بالضرورة .ويحاكم بقانون حد الردة ويقتل ضربا بالبلغ تعذيرا.
3-من حق السيدة محبوبة الروش . ان تكمل ما بدأتة من الرضاعة مع السيد .محمود مبروك.على اى مذهب تشاء وباى عدد من الرضعات المشبعات ارادت .فمنهم من قال خمسة ومنهم من قال عشرة ومنهم من قال واحدة وكما نعلم ان فى إختلافهم رحمة عظمى.
4-يعمم هذا القرار وينشر فى الجريدة الرسمية للعمل بة فى دولتنا المصونة العفيفة الطاهرة.
5-نوصى بجعل هذا الحكم من اساسيات الحكم فى برنامجنا السياسى الدائم.
6- العمل على توفير مرضعة لكل خريج بدلا من توفير وظيفة فهذا اسهل.
.7- على السيد وجدى العترة الإعتذار لزوجتة السيدة محبوبة الروش امام الناس وان ياخذها معة إلى بيتة.
8-على النصارى القاطنين معنا تنفيذ القرار طبقا للمادة الثانية من الدستور .وإذا مش كان عاجبهم يعزلوا من بلدنا المصونة دار الأمن ويذهبوا إلى دار الحرب.
.
وإلى هنا إنتهت احداث القضية وجاءت محبوبة الروش إلى وجدى العترة وهى تغنى وتقول::
رجب ..هات صاحبك عندى
رجب ..هات صاحبك جنبى
....وعلت صيحات الحضور ما بين مؤيد للحكم ومعترض علية ومنهم والدة العترة الكبير واخوتة العتر الصغار ,وقالوا لة لو رجعت لها تانى لآ انت اببننا ولا نعرفك,
وخرج اخونا وجدى العترة وهو يخبط دماغة فى الحيط ويقول .
اروح فين ياولا(يا ولاد)... اجى منين ياولا
اروح فين يا ولا... اجى منين ياولا...
طيب دى محبوبة .حبوبة وعشرية وحتخلى كل الناس اولادها وأخواتها
طيب اعمل إية يا ناس دلونى.
وبعدين ظهر لة واحد كان مرة زمان قالة ياوجدى يا عترة. مش قلت لك ما تمشيش مع الناس دول. ولا وراء كتبهم .وخليك مع ربنا سبحانة وتعالى وحدة.وامشى وراء كلامة بس .ما سمعتش كلامى اشرب بقى يا عترة .
ومشى العترة وكانة تاية وشارب وشارد وحيتجنن ماهو يا حبة عينى بين نارين .يسكت على المسخرة دى .ولا يقتلوة بحد الردة.
وبعدين وهو ماشى ومعدى على قهوة المعلم نوح البستانى.سمع الراديو بيقرأ قرآن الساعة الثامنة مساء وكان القارىء الشيخ محمد صديق المنشاوى وبيقرأقول اللة تعالى (أَفَغَيْرَ اللَّهِ أَبْتَغِي حَكَمًا وَهُوَ الَّذِي أَنْزَلَ إِلَيْكُمُ الْكِتَابَ مُفَصَّلًا وَالَّذِينَ آتَيْنَاهُمُ الْكِتَابَ يَعْلَمُونَ أَنَّهُ مُنَزَّلٌ مِنْ رَبِّكَ بِالْحَقِّ فَلَا تَكُونَنَّ مِنَ الْمُمْتَرِينَ (114) وسمع العترة الاية الكريمة ومشى يتمتم بكلام بس شكلة مفيهمهاش.
وتانى يوم لقينا الجرانين والمجلات مليانة بالخبر .والإعلانات تغيرت وبقت .مطلوب مرضعة .....مطلوب اخ لعيالى .....
والحكومة صرحت بتوفير المرضعات بدلا من الوظايف ..وهكذا
وغاب عن الآنظار الأخ وجدى العترة .ولا زالت محبوبة الروش تغنى وتنادى على رجب........
وإلى لقاء اخر مع جلسة اخرى من قاعة محكمة الإخوان البخارية...

#عثمان_محمد_على (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات