عبدالكريم هداد
(Abdulkarim Hadad)
الحوار المتمدن-العدد: 5229 - 2016 / 7 / 20 - 12:25
المحور:
الادب والفن
((شعر شعبي عراقي))
مامِشْ عيد بلَوْنْ العِيدْ
وثوبي
بيا فَرحْ أصْبَغْ
گِلّي اللونْ.. ؟
گِلّي المِشتَهَه الْبِالْروحْ
شَاجيبْ إلْهَا.. حِلمْ مَثْلومْ..؟
هذَا العيدْ لَمْلَمْني بِواچِي هْوايْ
واطفال العراقْ النَامَوا مْفَحْمينْ
شْعِندَكْ وِشْبَعَدْ.. شِتْريدْ ياربي.. ؟
أشُو خبزَة يابسَة وبيهَا الطَعَمْ زقومْ
شَكُو غير الجَحيم الدنيا بيها تعوم
گِلّي هَمْ يِكَفيني الحِزِنْ..؟
چَمْ يومْ؟
رايدْ للحِزِنْ..عْوازَه
حِزْنِي حِسْ بْواچي أمْ العِراقيينْ..
فَرهَدْهَا حَرامِي المُوتْ
فِكْ يَاَخة ولَكْ مِنّي..!
وطَنْ مَجْنونْ
ومامِشْ عيد يِلَوْنْ الثوبْ
وگلبِي
بيا فَرحْ أصْبَغْ
گِلّي شْلونْ.. ؟
6-7-2016
#عبدالكريم_هداد (هاشتاغ)
Abdulkarim_Hadad#
كيف تدعم-ين الحوار المتمدن واليسار والعلمانية
على الانترنت؟