حدوته مصريه اردنيه حصلت معي

جهاد علاونه

الحوار المتمدن-العدد: 5224 - 2016 / 7 / 15 - 16:35
المحور: كتابات ساخرة
    

مره رحت اشتري فراخ, كنت جاي من الشغل وتعبان جدا ولابس ملابس كلها رمل واسمنت (كونتريت), وفت على محل ببيع فراخ.
كان البائع مصري, وانا من صغري بحكي لهجه مصريه 100%, عشان طول عمري كنت شغال مع المصريين في الطوب والنجاره والخشب والحديد المسلح.
قلتله: سامو عليكوا, فبص لي بصه كذا وقلي: باللهجه المصريه السريعه المختصره ( عكس احمد ميسي تاكو) وتعني: وعليكم السلام ورحمة الله وبركاته.
وخذنا وادينا في الكلام فافتكر اني مصري
وسألته: وبكام الفراخ النهار ده؟
قلي: بدنار وعشرين قرش, ويقصد بكلمة بدنار يعني( دينار), قلتله كذا وهزيت دماغي: يا سلام!! ده تلاقيه يا بوي النهار ده وما تلاقيهوش بكره.
بعد كذا قلي بتشتغل إيه؟
قلتله: أنا راجل غلبان يا بيه وعلى باب الله وبشتغل أي حاجه بأي حته, فسألني: وبقالك كم هنا في البلد دي الوسخه؟.
قلتله:لا حول ولا قوة الا بالله ده انا يا دوب اتسطحت القطر وادليت المحروسه وبعد كذا جيت السويس وركبت في العباره ( فرح), قلي يعني شغلانتك بالبلد ده إيه؟

قلتله: ما انا قلتلك أي حاجه ..آخر مره رفعت قلاب رمل 6 مترعلى الدور ال3
قلي: بكم؟
قلتله: ب5 إدنار...يعني دينار
قلي: يا راجل يا ضلالي!!!
قلتله: الله الله احنا حنلبخ بالكلام ولا إيه العباره..ما اتفهومنا؟ ما تروق معانا يا عمي السيد وخليك محضر خير.
قلي: يا مفتري: ده يترفع ب20 دينار!! وسكت وبعد كذا قلي: يا حُمار.
قلتله: والله ما اعرف..انا يا دوب ادليت السويس وجيت هنا على طول, ما حدش فهمني حاجه.

قلي: بص..خذ بالك من الاردنيين دول كلهم ولاد متناكه ...وده خمس إدنار وده عشره وده خمسين وده شلن وده بريزه, قلتله: يعني إرش(قرش) ساغ؟ قلي: قرش ساغ ده إيه؟ ده تديه لأمك يا دُهل.

قلتله: وليه الغلط في الناس كذا دول الاردنيين كلهم ولاد 60 محترمه.دا الراجل اللي رفعت عنده القلاب بتاع الناصيه اللي هناك راجل محترم وطيب جدا وعلى نياته وكان يجيبلي شاي معمر بالخمسينه, زي ما تقول قاعد على قهوه مصريه وكان مش ناقص غير يجيبلي كمان شيشه.
قلي: بالذات ده ابن 60 متناكه وكلب.
قلتله: الله الله ما اتصبح يا عمي الحج وخلي لسانك حلو.
قلي إنت من أي محافظه في مصر؟ قلتله: أنا من الصعيد الجواني, قلي: شُفت عاد إنك راجل قفل, وما بتفهمش حاجه..والأردنيين ولاد الكلب يضحكوا على ذقنك.
قلتله: يضحكوا عليّ ده إيه: ده أنا أفهمها وهي طايره, قلي: يا حمار لو كنت تفهمها وهي طايره كان ما إتضحكش عليك الراجل العِره اللي هناك بتاع الناصيه وترفعله غلاب رمل 6 متر على الدور التالت ب5 إدنار يا قفل.
قلتله: وبعدين مع اليوم اللي مش فايت ده..يا رب هو أنا اتصبحت النهار ده في وش مين!!, فبص لي بصه وقلي: إمش اتجر يله من هنا وخذ الفراخ وروح يلله شوفلك أي شغلانه في أي حته جتك القرف في شكلك المنيل, قلتله: وعلى إيه: بكره نعرف كل حاجه والفلوس تجري في إيدينا والإشيا تبقى معدن وكله حيبقى 100% بالصلاة على النبي, قلي: بقلك إيه: ما توجعش دماغي عشان أنا عندي شغل اكتير النهار ده.
خذت الفراخ , وروحت على بيتنا وكان بيتنا قريب منه جدا وأخذت حمام وغيرت ملابس الشغل ولبست ملابس اللي تدل على إني أردني فعلا ورجعت ليه ومعايه عمي بتاع الناصيه اللي غلط فيه: قلتله: مرحبا يا خالي, وكلمة خالي تدل على أنني أردني لأنها لهجة أردنية كح,
الراجل المصري المسكين اتصدم واتلبك وكان مش عارف يقول حاجه ووطى راسه وكان عاوز يبوس الجزمه..قلتله: قوم يا راجل..المسامح كريم..والأردنيين شرفاء وبلد مضياف, واحنا لو اغلط علينا برضه بنسامح والناس كلها خير وبركه والله يسامحك دنيا وآخره بس خذ بالك مره تانيه على شان مش كل الناس زيي اعصابه بارده.. وانا بيتي هنا وان كنت حتعوز اي حاجه انده للعيال
وفضلت ابعثله شاي وقهوه وميه بارده سنتين لما روح مصر
وصار كل ما يشوفني يضحك ويقلي: الأردنيين ولاد 60 محترمه, وفي مره سألني: بس إنت الزاي بتحكي مصري 100%, قلتله: يا راجل إنت عبيط ولا بتستعبط,ده أنا مصري ولحم كتافي كله من الكشري والعسل الاسود المتنيل ب60 نيله وانا ياما كلت فطير مشلتت, وزرت السيده زينب وخلعت الجزم وافضلت أبوس في الشبك وشلت الحجاره لما إتقطم وسطي, ضحك وقلي: لالالا أنا دلوكيت حرجع وصدق إنك مصري..يا عمي حل عنا دحنا عاوزين ناكل عيش والأردنيين كلهم ولا 60000 محترمه.

#جهاد_علاونه (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات