كيميا التخلف

أيمن غالى

الحوار المتمدن-العدد: 5198 - 2016 / 6 / 19 - 02:19
المحور: كتابات ساخرة
    

و إحنا فى بداية السنة الأولى من مرحلتنا الجامعية؛ كان عندنا فصل عملى فى الكيميا " سيكشن Section ", و كان عندنا عدة تجارب فى كيفية التعرف على وجود العناصر فى المركبات و منها عنصر إسمه " البروم Brome ", و شرح لنا مُدرسنا على طريقة الكشف عنه و قال لنا:
■ أول ما تحط كذا على كذا و تعمل كذا حا يتصاعد غاز لونه أحمر, هو ده غاز البروم, و أول ما تحِس إنه ظهر تروح على طول دالق الأنبوبة فى الحوض و تفتح عليها الحنفية علشان نتخلص منه بسرعة علشان ده غاز بيعمل حاجات وحشة
□ بيعمل إيه يعنى ؟
■ بيسبب عقم للذكور
و طبعا كلنا كنا مرعوبين من حكاية البروم ده؛ لأن كل واحد فينا كانت عجباه خِلقِتُه و سِحنِتُه و شايف إنه ضرورى يِبهج العالم و البشرية و يطُّشُهُم بسلالته النادرة, و شوية و صرخ مشرف المعمل فى واحد من الطلبة كان بيتمشَّى فى المعمل و ف إيده أنبوبة بيتصاعد منها غاز البروم
■ أنت يابنى .. أنت يابنى يا بتاع تحديد النسل .. أدلق الأنبوبة فى الحوض .. أدلق الأنبوبة فى الحوض .. حا تِقطع خَلَفْنَا ..

و زى ما فيه أبخرة لعناصر و ممكن مركبات تسبب كتير من الأمراض؛ عندنا إللى بيسبب التخلف الفكرى و التردى الحضارى و الإنسانى ..
و الحل إننا ندلق الأفكار دى فى أقرب حوض و نفتح عليها الجنفية علشان تروح لمكانها الطبيعى فى أقرب بلاعة ..

#أيمن_غالى (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات