اغانى مسرحيه قناه السويس

عبدالله على نظير

الحوار المتمدن-العدد: 5167 - 2016 / 5 / 19 - 15:33
المحور: الادب والفن
    

السخره
.....

بلدى يا بلدى السخره خدت ولدى ياعزيز عينى يا فلزه من كبدى
قصاد عينى بحبال جروك وواخدينك على السخره
يا حرقه قلبى ويا أبوك ومين عالم بأيه يجرى
طريقك يا ابنى مش معلوم ولا باين ولا مرسوم
مكنتش راقبه إن اليوم مفرق شملنا بكره
لكن يحرم عليا النوم لخلى قصتك زكرى
يغنوها الولاد بعدى
بلدى يا بلدى السخره خدت ولدى ياعزيز عينى يا فلزه من كبدى
بقلبى يا عزيز رقباك فى قلب الصحرا فايتينك
وزادك إنت واللى معاك عرق مالح على جبينك
وكرباج الخواجه وراك ورمله مصر فى يمينك
فى سكه وكلها أشواك وجوع ومرض محاوطينك
فى قلب الغرغره حساك وروحك طالعه وف عينك
تشوفها وهى بتعدى
بلدى يا بلدى السخره خدت ولدى ياعزيز عينى يا فلزه من كبدى
بضوافركم بحتو قناه مابين البحر والتانى
وكل ما حد يلقى قضاه يسلم دوره للتانى
جتتكم ع الهرم تعلاه ولكن زكركم فانى
ويتغندر عليكوا إياه وعامل روحه قال بانى
لكن والله ده اللى بناه وكان فى الاصل حلوانى
ايدين مصريه من بلدى
بلدى يا بلدى السخره خدت ولدى ياعزيز عينى يا فلزه من كبدى


كلمات/عبدالله نظير















ياعم دليسب
.............

التعلب فات فات فات وف ديله اخد امتيازات
التعلب فات فات فات ومسبلناش غير مديونات
التعلب فات فات فات مع سعيد باشا بالذات
التعلب فات فات فات على اسماعيل لما سعيد مات


يا عم دليسبس إرحمنا والله هرمنا يوم ما مضولنا معاك إتفقات

سيدنا الخيدوى مسلمنا ونمنا وقمنا لقينا ديونا من الامتيازات

مديون ولسه بيتفشخر وبيتمنظر جاى بيبعتر ويا الخواجات

مليون ونص جنيه بدرها أوبعترها على زورها فى الافتتاحات

أما إحنا فخسرنا ولادنا برغبه سيدنا واتهدنا بأتخن شنبات

حفر القناه كان بأديهم وانت كاويهم ولافيش ليهم منها نفحات

كان عقدنا معاهم شركه وصبح تركه بعد العركه فى تلات سنوات

من بعدها الباب العالى قال وانا مالى ياللا يا غالى إلغى العقودات

إضطر يداين هو بحكم القوه بره وجوه ويبيع سندات

حق الاداره فرنساوى وانجليزاوى واحمد وحنا مع قناوى اتشل ومات

ضاع حقنا فيها مقابل يفضل قابل وقام اتنازل عن بعض حجات

والانجيلزى استأذنا لجل ديونا يبقى مكنا واحنا انسحابات

يا مسيو دليسبس أفندى عند بعندى ملكوش عندى اى امتيازات

التعلب فات فات فات وف ديله اخد امتيازات
التعلب فات فات فات ومسبلناش غير مديونات
التعلب فات فات فات مع سعيد باشا بالذات
التعلب فات فات فات على اسماعيل لما سعيد مات


كلمات /عبدالله نظير

طلعت حرب
.......
طلعت حرب شامخ بالشعب المجيد وصوت الامه صارخ ب محمد فريد

أعلنه رفض غالب من كل الجوانب ولا فيش للاجانب إمتيازجديد

كان دليسبس فيرناند خد حق إمتياز علشان بس يضمن لفرنسا إبتزاز

يعنى حرب معلن فى صوره إنتهاز والمصرى وحقوقه إجرى العب بعيد

لكن حرب باشا ومحمد فريد اعلنه رفض غالب من كل الجوانب
ومفيش للاجانب امتياز جديد

جاى يطلب يمدد حق الامتياز بعد ما كان محدد قرن من النفاذ

طب حق اللى حفره واللى جابه جاز ملكوش حق فيها يا شويه عبيد

لكن حرب باشا ومحمد فريد اعلنه رفض غالب من كل الجوانب
ومفيش للاجانب امتياز جديد

جاى ببنود عقيمه يشاركنى بجنابه ولافيش اى قيمه تضمن ليك حسابه

والربح اما يشبع ويشبع صحابه يبقى يبص لينا لو كان فيه مزيد

لكن حرب باشا ومحمد فريد اعلنه رفض غالب من كل الجوانب
ومفيش للاجانب امتياز جديد

بلادى بلادى بلادى لكى حبى وفؤادى




كلمات/عبدالله نظير










قومى يا مصر ولفى الطرحه
.................
قومى يا مصر ولفى الطرحه واتوضى من الميه المالحه
ولمينا وراكى وصفين من الداخله اما نوصل سينا
ما احنا اللى حفرنا وبأدينا شقينا على ضفافك فرحه
قومى يا مصر ولفى الطرحه

من البحر الاحمر للأبيض أجددنا بروحهم حفروها
وراح منهم ميت ألف وأزيد علشان بالمالح يملوها
واتحدو العالم ومطامعه ولارضيواولا رضخوا ومنعوا
دليسبس وأعوانه وتبعه مطامعهم للعالم واضحه

قومى يا مصر ولفى الطرحه

معروف المصرى بجبروته والعهد لايمكن ينساه
عاش عمره بينزف من قوته ومن دمه عشان يبنى قناه
والعالم غير فى مساره وعدل فى خرايطه وأفكاره
من بعد ولادك ما أختاره وأتعاهده بالنيه السامحه

قومى يا مصر ولفى الطرحه

أجددنا وصونا نحافظ ع العهد اللى خدوه قبلينا
والحب يكون هو الحافز لولدنا وأجيال بعدينا
وتعيشى يا مصر وتتباهى وتاريخك راح يفضل زاهى
وأمرى وانا أجيلك والله وألبى من أول لمحه

قومى يا مصر ولفى الطرحه

على نهج الاجداد بنعمر وبنصنع حلم الاجيال
واهو ابنك بيعيد ويكرر وحفرلك من تانى قنال
وأتحدى العالم وعملها وف سنه مش اكتر كملها
والصوره رسمها وجملها وعرضها على العالم واضحه

قومى يا مصر ولفى الطرحه

...............

كلمات /عبد الله نظير

#عبدالله_على_نظير (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات