الكلام الزين في البرادعي وحمدين - مربعات بالعامية المصرية

راجي مهدي

الحوار المتمدن-العدد: 5141 - 2016 / 4 / 23 - 08:38
المحور: الادب والفن
    

عدمتي صوتك الأسمر فاتكلموا الأنجاس
واتمركزوا ف كل شبر يعووا ويزيفوا
مصر ماعادش فيها اي صوت للناس
النخبة امريكي بالدولار يظهروا ويختفوا

حمدين علي الكودية بيهزي بعهر رزين
رص الكلام صنعة واسألوا السناوي
شوية مع الإخوان وشوية قوميين
زي الدولار مايسوق يبقي الوسخ غاوي

بمناسبة القومية سجل أنا مصري
فرعوني من طيبة و جدي سقنن رع
من يوم ما جه مينا فينا الخلود يسري
مصر اللي من يومها بتبني وبتزرع

و اتلونوا اتلونوا فالوش منهم ضرب
وش العميل بقي يدي علي اراجوز
قبضوا من امريكا و من كلاب العرب
بيتأجروا باليوم او زي الديوث مايعوز

شغلها بالأخضر تضمنها سنين قُدام
دي نخبة منجوسة ف العُهر مالها مثيل
اللي ساتره الحُكم هاتكشفه الأيام
و اللي باع الدم بكرة يبقي قتيل

نخبة تهوي الزنا و بلدنا تُفاحة
نهشوها الضباع لحد قلب القلب
يا عيون باكية يا أمة نواحَة
لو السعار انتشر لازم يموت الكلب

مصر خايفة السعار من سنة 70
شِلل كلاب تمرح ما منعهم حد
علي كل مذهب فوق القمم راكبين
سحلوا بلدنا م العظام للجلد

وردوا علينا مخبرين ياما
م اليسار لليمين للوسط ماتعدش
وشوش بليدة بتنضح دمامة
بس الهوا عبري شالوم ماتتخضش

جالنا البرادعي اصلع ومتلمع
يجي ينطق لغتنا يكرف عليه الاصل
الاصل عبراني امريكي متقنع
شبه الجراب لما يداري النصل

برادعي مين يا عم ده يعرف ايه عنا
العم سام بعته عشان يكش الملك
مسرح عرايس فيه الكل يخدعنا
المعارضة الامريكاني شغالة بالزمبلك

ليبرالجي يلعن ابوه يعرف ايه ف العدل
العدل ف الدنيا ان الفقير ينداس ؟
شرعن لهم دبح العراق ابن الكلاب الندل
بوب ولا بوبي ف الآخر اسمه مداس

كل عميل لاخوه العميل بيتنحرر
شكل البرادعي ويا اخوانه
امريكا هي البنك هي اللي بتقرر
واللي يخالفها ياخد علي ودانه

ف جاي يعمل زعيم وهو مجرد صبي
و يقول الكلام اياه حرية وخلافُه
ولامم شوية مسوخ مابين اجير او غبي
مصورينه نبي شايل وطنه علي اكتافه

و هو العميل له وطن غير الشيكل والدولار
الوطن كلمة مذمومة و ملعونة ف العولمة
بيخصخصوا الثروة و يعولموا الإفقار
و ينعتوك بالتخلف عن الدول المتقدمة

يجي مذيع مدعي يعوج علينا لسانه
الوالدة قومية والوالد يسار ماركسي
ويقول انا ماركسي ادور ف عنوانه
يطلع ساويرس رئيسه بس يوسف نسي

ولا الصحفي المنافق كلب كل نظام
صعيدي المنشأ والتربية ف لاظوغلي
مصطفي المصطفي لجل يكون خدام
فاتح علي الأجهزة و زي ما تملي

يا بكري عيب اختشي احترم اصلك
الصعايدة رجال وانت زي النسا
اجروك اليهود تضحك علي اهلك
تركع لكل خسيس ف الصباح والمسا

يا مصر شدي السيف شدي علي رقابهم
لو لسه عايزة نهار اتحرري من الزيف
صوتك المتحاصر برصاصهم و بكلابهم
مش راح يجيب بُكرة الا بحد السيف

#راجي_مهدي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات