عيدَك هالإجَه يالعامِل المغوار

ميسون نعيم الرومي

الحوار المتمدن-العدد: 5135 - 2016 / 4 / 17 - 14:22
المحور: الادب والفن
    

اهديها الى العامل في عيده الذي سيصادف في 1 / أيار / 2016

عـيـدَك هـالإجـَه يـالـعـامـِـل الـمـغـوار
ميسون نعيم الرومي

عـيـدَك هـالإجـَه يـالـعـامـل الـمـغـوار
*(چـاكـوچـَـك بـرَد) واهـدوك ذل اوعـار

صاحـَوا بـالـمـزاد *(الـشـَـرَف والـنـامـوس)
نـَـكسـّـنـَـه العـِگـل لـزْغـار وَي اكـبـار

بـاگـَـوا خـبـزتـَـك واطـفـال هـَـدهـَه الـعـوز
نـِـشـْـرَوا (لـوزِتـَـك) وامـْـثـَـلـَّـم الـمـِـنـْـشار

بـاعـَـوا ديـرتـَـك والـثـَمـَـن هـالـمـَـقـْبـوض
تـِـرْضَه لـلـنـَـذل ! يـتــْمـَـتــَّع الـبـيـعـار؟

امـَّـك بـالـزبـل تـنـْبـِـش تـريـد *(اغـمـوس)
چـَـرْغـَـدْهـَه الـشـَـرَف يـبـچي يـصيـح الـعـار

اخـْـتـَـك بـالـتـراب اتـهـيـل فـوگ الـراس
خـَـيـَّـك مـِـنـْـذِبـح *(بـسـبـيـكـَـر) اويـه الجـار

طـِـمـْـغـَوا بـالگـصص بـاگـوك بـسـم الـديـن
*(حـسـيـن) ابـْـثـَـوْرِتـَه عَ الـظـلـم لـَـمـَّـن ثـار

*(كـامـل مـالـكي واعـْـبـادي) مـتــَّـفـقـيـن
*(مـَعـْصوم ) الـصِحـَه ! واذيـول هـُمـَّـه اكـثـار

اصْحـَـه يـابـَـطـَـل .. تـاريـخ يـحـْلـِف بـيـك
عـَـلـّـگ رايـتـَـك وَي رايـة الـثـوّار

رَجـّـع هـيـبـتـَـك والـشـَـعـَـب هـالـيـنـخـاك
نـَـظـَّـف ديـرِتـَـك مـن مـرْتـشـي الـمـِـنـْهـار


شـَـكــّـِل مـَحـْكـَمـَه بـالـعـَـدِل تـحـكـُم حـَق
*(هـَـيـْـئـَه لـلـفـَـسـاد) اطـْردْهـَه بـَـرَّه الـدار

نـوّاب الچـِـذب خـدْعـونـَه كـومـَه اسـنـيـن
فـاسـِـد يـنـْحـِـبـس واشـراف إلـنـَه انـصار

بـيـهـم مـرْتـَـشـي هـَم سـارق اومـَطـْـلـوب
يـِـبـَـيـّـض صَفـْحـِـتـَه وابـْجـيـبـَه چـَم مـلـيـار

(انـْـتـِهـازي) حـاذِرَه وايـبـَـدّل الألـوان
طـَـبـَّـق بـالـمـَـثـَل (حـاش الگـرصتـَه الـنـار)

شـَعـْـب اوهـَـجـِـجـَـوا بـيـن الـدول يـاحـيـف
بـيـنـَـه الـّي غـِرَگ واتـْـلـَگــّـفـَـتـَه ابـحار

فـَـرْغـوه الـوَطـَـن بـاگـَـوهـَه لـلـثـَـرْوات
فـگـْـروه الـبـَـلـَـد .. يـانـَـكـْسـَـة الـديـنـار

(سـَـلـّومي) الـنـَـذِل .. سـَـفـْطات بـاگ افـلـوس
واهـْـلـَه بـالـرمـادي اتـعـيـش بـيـن احجار

إيـد ابـإيـد كـلـْـنـَـه انـْـصيـح بـالساحات
تـَـسـْـقـط لـلأبـَـد ... يـَـحـْكـومـَة الأشـرار

ايـعـيـش الـشـَـعـَـب عـاش العـِـراق الحـر
يـا إنـت العـراق الـحـِـرِز والــنـــوّار
-----------------------------------------------------
:- إشارة الى تخريب الصناعة في العراق وتفصيح وبيع المعامل للدول المجاورة*(چـاكـوچـَـك بـرَد)
:- إشارة الى بيع البنات العراقيات الحرات (الأزيديات) في سوق النخاسة*(الـشـَـرَف والـنـامـوس)
وصمة عار ستلاحق المالكي وحزب الدعوّه على مر العصور
:- الطعام*(اغـمـوس)
*(بـسـبـيـكـَـر):- اشارة الى بيع الجنود في معسكر سبايكرالى داعش من قبل حكومة المالكي
والتي ذبحتهم في ابشع مجزرة في التاريخ المعاصر
*(كـامـل مـالـكي واعـْـبـادي):- رئيس وزراء العراق السابق والحالي(اللذان لازالا ينتميان الى حزب الدعوه)
*(مـَعـْصوم ):- رئيس جمهورية العراق
*(هـَـيـْـئـَه لـلـفـَـسـاد):- هيئة النزاهة السيئة الصيت والملطخة ذمتها بالفساد
--------------------------------------------
17 / نيسان
ســـــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات