اليوم عيد - النسوان -

علي طالب الملا

الحوار المتمدن-العدد: 5097 - 2016 / 3 / 8 - 00:54
المحور: حقوق المراة ومساواتها الكاملة في كافة المجالات
    

يوم المرأه العالمي ، النسوان " اليوم " عيدهم .. عيد مبارك ورحمة الله وبركاتة . نفرح بيهن وندللهن . جابن وربن وصنعن " شعوب " شفت بحياتي " نسوان گومه " بس الربتني وحده ... والشعلت صفحة اهلي وحده .. باقي " النسوان .. اما اخت كريمة لو زميله " تشرف " لو صديقة " بنت أجاويد " .. الربتني " امي " شبعت حروب وحصار وشافت " تاوبيت " الحرب من تنرصف بباب " البيت " بس چانت وي الحليب " تكاسره " نشويات وزلاليات وبروتينات " حب الوطن " تزعل بجنون من " نتراخه " بخدمة " الناس " شفت "جدريات " زمن الخير وبطانيات " الخطار" جاهزه .. شفت بعيني شلون " تنحب " من يتمرض العراق .. وتهلهل من تثور " چيلات " النصر حتى لو چانت " لعبة " دعابل .. من يفوز العراق .. وتوزع " واه ليه " عيدك " مبارك يايمة .. رغم الاغتراب والبعد وقساوة الفراق .. روحك بين " ضلوعي "
شكول عليك اكول انساك وروحي وياك
شكول عليك اظل زعلان مر فركاك
مثل فزت طفل روحي تفز لو سمعت بطرواك
ومثل وردة وشحيحة ماي مزنت مطر تتنخاك
.. هاي لأمي ...
اما " وردة الجوري " البگتها من أهلها وهي بعز " الشباب " سوت مني عالم " والت دزني " عالم مجنون لمدينه احلام وگمت أشع فرح وتفائل ، عصرت "قلبي " لمن طلعت كل شي حلو .. صنعت لي ثلاث " رجال " يحجون لغات .. يرسمون " وطن " بلا خوف ولا توجس .. من 15 سنة وانا غير انسان وغير فكر وغير شكل ..
يبقى لساني " يلهج " صبح ومسى وغبشه بهذه الكلمات
"يا حبيبي بس إلك وحدك كلتها.. وإنت من شعري وعذابي تحسستها"
صرت متيقن بسببها بان الدنيا " حلوه " أجمل ما بيها " النسوان "
‫-;-#‏ي_مسلم‬-;-

#علي_طالب_الملا (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات