شهيد الخلفاوي

ميلاد سليمان

الحوار المتمدن-العدد: 5096 - 2016 / 3 / 7 - 23:38
المحور: كتابات ساخرة
    

- بقولك... عاوزين نشوف فيلم سوا..
= طيب تحب نروح سينما إمتى!؟
- لا مهو منزلش سينما... دا فيلم بلجيكي.
= طيب أوك.. اما اقابلك تبقى تنقلهولي على الفلاشة
- بقولك سوااا... يعني سوااا.. مش كل واحد بيشوفه في حته.
= انت قصدك إني اجيلك البيت!!؟
- عادي هو فيها حاجة دي!؟
= لا انت عارف اني معنديش مانع... هنكون لوحدنا ولا معانا حد من صحابك؟
- لوحدنا طبعًا... مش بحب الزحمة خالص.
= ولا انا بحب الزحمة.. بس خايفة.. ما تخلينا اصحاب وبس!!؟
- وهو انا طلبت حاجة غير اننا اصحاب؟!.
= يعني هنفضل بهدومنا مهما حصل!؟
- أكيد طبعًا
= طيب ...اوعدني
- هنبقى نعمل من على الهدوم.... عادي.. مفيش مانع
= افندم... متخوفنيش منك..
- وانتي هتخافي مني ليه!؟
= هخاف أأه... انت عارف اني بحبك وهسيب لك نفسي... بجد بلاش.
- اطمني... I promise ... حبنا هيحمينا من الانزلاق للسفالة *حلوة الانزلاق دي*
= مشاعرى تجاهك مالهاش حدود... بس مش حابة ناخد الخطوة دي دلوقتي..
- هو الخطوة دي ليها توقيت... هي لحظة وبنحسها.. ليه نمنعها
= طيب ممكن نتقابل الاول في كافيه عشان اتشجع ومتوترش... بلاش نروح الشقة على طول
- كل دا ولسه ماخدتش عليا.. يعني هناخد على بعض قدام الناس!!
= ممكن متزعقش.. المفروض تطمني... بلاش تزعق لي
- شكلك مش حابة تيجي اصلا...
= انا قلت لك معنديش مانع اروح معاك.. انت عارف كويس ان حبنا مش سكس بس!!؟
- طبعا... حب روح لروح وكدااااا
= انت عارف اني عاوزاك زي ما انت عاوزني... ومحتاج اكون في حضنك.. بس ليه فكرت في الموضوع دا في الوقت داا؟
- من غير ليه... بينا مفيش ليه... بنحس بس... واللي نحسه نعمله.
= انا حاسة بيك قوي... بس خايفة وانا معاك متتبسطش ...واسيب انطباع سيء عندك..
- متخافيش... كل حاجة هتتم بدوء.. وبراحة...
= انت عارف دي اول مرة هعمل كداا مع حد!؟... انا لسه بنت... ممكن نخلينا سوفت بس!؟
- سوفت بس ليه!؟... مولانا الخلفاوي موجود.. له كل المجد.
= قصدك ايه...!؟
- متاخديش في بالك... ااقصد عندنا بدل الخورم خورمين.. والتالت بلوجوب.. متقلقيش.
= بجد أنت أول واحد هتعرى قدامه ...ويشوف جسمي.
- اول مرة ولا المرة ال 50 ... مش هيفرق معايا.. المهم على معادنا.
= قشطا على معادنا....
*في اليوم الموعود*
- ألوووووو... عمال اتصل بيكي بقالي ساعة.. انا في المترو آهو.. فينك إنتي.. اتاخرتي ليه كدا؟!.
= أنا آسفة... مش هعرف آجي.... أمي مرضيتش تخليني انزل..
*يلقي بنفسه اسفل عجلات المترو بعد ان يشخر بصوت جهوري ادى لنزيف من أنفه وأذنيه*

#ميلاد_سليمان (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات