قصة احلام ام الشاي وعلاوي العسكري.

وليد عبدالله حسن

الحوار المتمدن-العدد: 5095 - 2016 / 3 / 6 - 09:00
المحور: الادب والفن
    

خلصت اجازته وذهب لكي يلتحق بوحدته العسكرية ينتظر سيارة القاطع تاتي له في ساحة بغداد الجديدة ، لقد جاء مبكرا قبل الموعد بثلاث ساعات خوفا من الازدحام.
-جلس يشرب الشاي .
قال الى بائعة الشاي - بدون شكر بلازحمة لان بيه سكر
- صبت المراءة له استكان شاي عراقي ثخين، وابتسمت وقالت:ـ جا خويه كلنا بينه سكر من القهر والظيم والفقر والحرب هو واحد شنهو ايصير.
(وهي تعطيه الشاي نظرت الى وجهه وتسمّرت وبيدها استكان الشاي وبشهقه عراقية هي تنظر بمتعن وتقطعت انفاسها وصرخت باعلى صوتها
: يمه من هو هذا- علاوي علاوي علاوي صدك جذب علاوي انته يبووووووووووه يمه يمه
(التفت لها وهو يمد يده لكي يسمك صحن الشاي)
- قال منهو انتي مامعقوله٠-;-٠-;-٠-;- شهق وهو يرفع راسه للسماء ياربي هاي احلام خرب صدام مامعقوله عبالي متي بقذيفة بتفجير ،مو معقولة، دخليك يالعباس ابو فاضل ، معقولة انتي حلومه ( قام من مكانه لكي يحتظنها ، لكنه تراجع لان المكان ممتلئ بالمتسوقين (بقى واقف يتامل في السماء وترجع ذاكرته كانه فلم قديم بسرعة بسرعة ذكريات حرب وحب وتفكير بالاجازات المرضية والهروب من الجيش وايام رغم قسوتها الا انها جميلة)
(سقطت دموعهم وامتزجت مع الشاي الذي سقط من بين ايديهم ، وكأن الدموع تتكلم بدون اي ينطقوا بكلمة واحدة ،حفرت الدموع الحارة على وجوههم خنادق حرب قديمة وذكريات موجعه وامنيات لم تتحقق،وانتظار دمر كل احلامهم، وكأنهم رجعوا الى زمن المراهقة والشباب والاحلام وكراج النهضة واللقاءت السرية ،وهدايا الحب والحرب)
-قالت:- علاوي عبالي انت متت بحرب ايران هو انته لو واحد يشبهك.
قال:- انا والعباس نفسي،علاوي الجندي العراقي صنف مشاة قناص رقمي ١-;-٩-;-٦-;-٠-;- م ق ن ١-;-٢-;- وهسه اذكرج بشي كنت اسمعه الج لمن اريد التحق بالجبهه٠-;-٠-;-٠-;-٠-;-
-غنى الاغنية التي تحبها (احلام ام الجاي) وتعشق صوته العراقي الجميل ٠-;-( غفى رسمك بعيني من الصبا لليوم (واحلامج احلامي) بصحوتي وبالنوم، حركت العمر بدروبك وضيعت العمر بدروبك ٠-;-( نسى المقطع وعمل موسيقى) دن دن دننننن اها ماضنيت لاماضيت عشك عشك ليلة ويوم٠-;-
قال لها - لمن رجعت من ايران دوريت عليج بكل درابين العشق لمن خويت-
دوريت عليج بكل مكان وسئلت عنج هواي بس ماحصلت اي جواب حتى يأست من كل الحياة - مامصدك انا اليوم بحلم لو بحقيقة.
(قدمت له شاي جديد مهيل بعطر اللقاء والحب والتعجب والحلم ،اخذ علاوي الشاي ولمس اصابع احلام التي اسودت من حرارة الشمس ومن لون الشاي الاسود والتراب وضياع كل شي ،وشعر انه في جنة عرضها ساحات الحرب والضياع والسجون والاسر والقلق والخوف من كل شي عدى الموت الذي لم يصبح مخيفا ابدا))
- لمس ايدها وقال:- ماعندي اي شي اقوله لاني ماعندي اي ذكريات ولاكلمات الها علاقة بالحياة او الحب، الحب عندي بس كلمة وحده هو احبج احلام كلتها الج وبعد ماتكررت.
غمضت احلام عيونها وقالت -علاوي اتذكرت صورتك وانت شاب ولمن كنت تغني الي اغاني سعدي الحلي و فؤاد سالم وقحطان العطار وحسين نعمه ياحريمة ياحرمية انباكت الجلمات من بين الشفايف٠-;-٠-;-٠-;-٠-;-٠-;-٠-;-
وجنت تحب حسين البصري واغنية (علميني اشلون انسى انسى الصحكة والهمسه حبك بكلبي لهسه علميني اشلون انسى)
( بدأت احلام تصب الشاي للزبائن ولاول مرة بحياتها ماتهتم للناس ماذا يقال عنها ؟ وهي مستمرة تحكي مع علاوي بشكل مثير وسريع وكان الزمن يسرق منهم اللحظات ،وهي تحكي قصة حبها الاول والاخير في كراج النهضة، وهي تودع ارتال من الجنود يوميا ،واكثرهم يلتحقون بجبهات الحرب ولم يرجع منهم الا القليل متعبين ومحملين بالحزن والوداع وانتظار يوم يوم اخر لحياة لم تصمد طويلا امام الالات الحرب المدمرة.
اذكرت قصتها مع الجندي علاوي الوسيم ابو عيون الصفر والفم العذب والنكت الحلوه والاغاني العراقية كانت تحتفظ بهدينه لها وهي سلسة عسكرية مكتوب عليها اسمه ورقمه العسكري، وكل حلمها ان تتزوج وتعيش حياة طيبة مع من تحب، لكن القدر دائما كان ضدهم.
غطت فمها في شيلتها السوداء المتعبة وهي تضحك وتهمس في اذت علاوي
- تذكر علاوي لمن بستني وانا اودعك للباص ،كان اخر وداع النه، بوستك لحد هسه احس ب بيها، تشتعل الحرارة بكل روحي لمن اذكرها٠-;-٠-;-٠-;- انتظرتك كلش هواي حتى الانتظار شرد مني ، ولمن شفت صاحبك سعد الاسمر سئلته عنك، وهو اول ماسمع اسمك بجى ونزلت دموعه بسرعة كلت اله:- لا لا لا مات مات علاوي، قال ماعرف بس هو بقى بأرض الحرام مانعرف مات لو أسير ، وصدكني مابطلت ابجي و احلم بيك لحد هذا اليوم .
- حلومه انا كنت أسير رقم ٨-;-٨-;-٨-;- في معسرات الحرب في ايران ، بس والله مانسيتك ،عمري كله كنت احلم بضحكتج وبسوالفج الحلوه ولو مو حلمي بيج كنت انتحرت وخلصت من هاي الحياة الوفره.
قال لها - ازوجتي احلام؟
قالت يخجل ووجع:- اي ازوجت وعندي ولد واحد واسمه علاوي وزوجي رجال جبير وتمرض ومات وراء زواجي بسنة.
- وانت علاوي ما ازوجت
- لا بعدني ادور بنت الحلال هههههههههه. من هو ينطي لشايب وفقير وماعندي بيت ، -٠-;- قالت له :-انا اقبل بيك بدون اي شي، ضحكت حلومه ضحكتها الجميلة الي يحبها علاوي .
-صدك بعدك حلو وتنكت وعيونك الصفر الحلوه تشع بالشباب، انا هواي فرحانه لمن شفتك بعدك عدل ، اشكرك ياربي حققت حلمي ان اشوف علاوي مرة ثانية
-وانا هذا احلى يوم بحياتي احله ساعات احس بيها، احس ما خسرت اي شي لمن شفتج مرة ثانية ياربي اشكد فرحت اليوم.
-كل يوم احلم بيج نشرب الشاي بيتنه جوه نخله تمر ملانيه ومحمله بالخير، لا انتي بالشارع و لا انا بملابس العسكرية .
. قالت - صحيح اشو بعدك عسكري
قال -اي اطوعت بالحشد الشعبي لازم ابقى ادافع عن وطني وعنج وعن كل عراقي،وين اروح حولمه تره انا عمري كله عسكري، وماعرف اي شغله ثانية و بقيت ادور شغل ماكو وكبرت وماعندي لافلس ولاعانه بس راتب تقاعدي مايكفي جكاير وجاي.
-قالت احلام ياربي هذا اشلون حظ مسخم.
-قال:- بس انتي بعدج تبيعين جاي ماتغير شي.
- اي بعدني ابيع جاي وانت بعدك عسكري عود ليش؟
-قال:- هاي اخر مرة اصير عسكري٠-;-٠-;- ( قام من مكانه) اجت السيارة مال الجماعة راح اروح حلومه لازم تعرفين انا اموت عليج، وهل المره لمن ارجع نزوج شوفي حلومه عهد عليه ارجع هل المره ونزوج،ونسوي احلى عرس ،واحلى حفلة وتلبس ملابس العرس ونعزم كل الناس ، ونركص واعيش باقي عمري وياج ,
- تعرف علاوي هاي نفس الكلمات الي اخر مرة شفتك بيها بحرب ايران هم كلت اليه لمن ارجع راح نزوج ونعيش احلى حياة.
-مع السلامة احلام…. أحبج
-مع السلامة علاوي.... راح انتظرك

#وليد_عبدالله_حسن (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات