ال سعود والحريه الحلال والحرام

جان نصار

الحوار المتمدن-العدد: 5039 - 2016 / 1 / 9 - 18:10
المحور: كتابات ساخرة
    

الواحد بطل فاهم كيف انو الحريه فيها نوع حلال وفيها نوع حرام .هاي مش افكاري ولا اختراعاتي ولا فلسفتي ولا فذلكاتي او ادعاءاتي بس هيك طلع مع حكام ال سعود.
فالمطالبه بحرية الشعب السوري تعتبر حلال شرعا وتشريعا ومطلبا يجب استحقاقه والمطالبه به والتدخل لتحقيقه بكافة البعبصات عفوا التداخلات من قبل السعوديه واذنابها حتى لو كلف ذلك ارواح الاف السورين وتدمير البلد . المطلب والمطلوب والمطالبه والطلب هو رحيل الاسد بكافة الوسائل ان رغب او ما رغب.
اكيد المطالبه برحيل دكتاتوري واستبدادي زي الاسد هو واجب دوله متل السعوديه بتشرشر منها الحريه والعداله الاجتماعيه شرشره وبتوزع على العالم من هيك اصناف من منتوجات حقوق الانسان وتوابعها. وهاي مش تدخل بسياسات بلد داخليه بل هو حق مشروع من قبيل انصر اخاك ظالما او مظلوما.
ولازم كمان التدخل بسياسة الدوله المجاروره اليمن برضو لنفس الغرض وهو توزيع عليهم الحريه والديمقراطيه والعداله الاجتماعيه لانها بحاجه الى اصلاح وتهذيب وتأديب ومين غير مملكة السعوديه احلى حبيب بروق الجو اليمني وبرطبو احلى ترطيب.
بالمقابل السعوديه بتعدم شي 49مواطن بتاني يوم من السنه وبتمنع الحريات وكل مشتقات حقوق الانسان على مواطنيها واذا حد احتج او انتقد او ندد او شجب سياسة السعودين بتصير المسائله سياسات داخليه. ولهون وبس وولا حدا يفتح تمه.
تركيا بتقول للعالم انو شركائهم السعودين حرين بسياسات بلدهم الداخليه والاردن نفس الكلام. البحرين والسودان والصومال والكويت وكل العالم العربي السني هاج وماج على ايران الشيعيه على اثر احتجاجها على اعدام رجل الدين السعودي الشيعي نمر النمر وصارت سياسة السعوديه الداخليه خط احمر ما حدا يعترض عليه.
الجماعه هون بذكروني بقصيدة الشاعر ابراهيم شوقي اللي قال فيها:
احرام على بلابله الدوح حلال للطير من كل جنس.
المطالبه بحرية السورين واليمنين وغيرهم من الشعوب اللي بدها اياهم السعوديه هي حريات حلال ومسموحه شرعا.اما في بلادهم فهي حريات حرام وتتعارض مع الشرع وممثلين الله على الارض ال سعود .هيك كل رجال الدين والائمه السعودين وحتى الازهر وكل مرجعيه اسلاميه سنيه بتقول واللي عندو غير هادا الحكي هات يفسخلنا بنياعوه ويتحفنا.
لاء واطيز خبر هو صفقة السلاح السعوديه اللي اشتروها من كندا بهالايام بس ب13 مليار دولار لارساء الحريه في بلادهم ومشان البنيه التحتيه وازدهار التنميه.غير صفقة السلاح اللي من امريكا ب65 مليار دولار لنفس الغرض وهاي مبالغ السنه بس وبدناش نكتب عن صفقات السلاح اللي في السنوات الخمس الماضيه احسن ما نتهم اننا منتدخل بسياسات السعوديه الداخليه.
على فكر السعوديه بس مثل.. كل حكام الدول العربيه والاسلاميه اذا حد انتقد ادائهم هات ربنا يخلصو منهم بموشح السياسات الداخليه.بلعنوا ابو فاطس شعوبهم وبمتصوا ثروات بلادهم وبهمشوا مواطنيهم وبقمعوا حرياته و وبالاخير بطسونا شعار السياسات الداخليه للبلدخط احمر.
الشعوب هي اللي بتدفع الثمن من القتل والدمار والجوع.
بلدة مضايا السوريه وغيرها من البلدات بموتوا من الجوع في ظل الحرب والحصار في القرن الواحد والعشرين .مين اللي بتحمل المسؤوليه؟
كل اولاد القحبه الزعماء العرب والذين لا استثني احد منهم يتحملوا معاناة الشعب السوري والشعب اليمني المحاصر والجائع ..من النظام السوري وكل مناصريه والسعوديه وامريكا وكل مناصريهم ايران وروسيا والغرب وكل هيئة اللمم اللي موجوده ديكور وللزينه.
تشكيل جيش من 34 دوله اسلاميه لمحاربة ايران ومن لف لفيفهم من الشيعه ,وفلسطين صرلها 70 سنه بتستنى فرق موسيقيه من الدول الاسلاميه مشان يعزفوا على نزف جراحها وبرضو مش فاضين يبعتولهم اياهم.
ناس بتوكل جاج وناس بتوكل كماج وناس بتوقع بالسياج.
ولا يهمكم يا اهل مضايا وغيرها من البلدات اللي مش ملاقين اكل توكلوا انتوا او اخوتكم في اليمن او لاجئي سوريا وفقراء العرب. اهل الخليج واثرياء العرب راح يرسلولكم مناسف اردنيه من الرز واللحم بالطيارات تتشبع بطونكم ,وبصحتك يا وطن.
http://www.alquds.co.uk/?p=425479
ملاحظه:هذا المقال برعاية دجاج كنتاكي ومطاعم مكونالدز للهمبورغر والذين سيقدمون للشعوب العربيه الجائعه وجبات مجانيه على حساب المملكه السعوديه التي قررت بدل من صرف الميليارات على شراء الاسلحه والتسليح, اطعام فقراء العرب والمسلمين.
والله لا يضيع اجر المحسنين. ادعوا لاخوتكم الحكام السعودين.
اعجبني تصريح وزير خارجية كندا لما قالولو كيف بتبيع دولتكم للسعوديه اسلحه وهي فيها كل هاي الاعدامات .اجاب والله اذا كل دوله فيها اعدمات بدناش نبيعهم سلاح لكان لشو بدنا نننتج سلاح احنا وامريكا وغيرنا من الدول.امريكا كمان ففيها اعدامات.
الجماعه معاهم حق اذا بطل في هبول ومجانين وارهابين يقتلوا بعضهم واخوتهم الجماعه بفلسوا واحنا هاي ما منرضاها عليهم .ولا يهمكم يا اخوتنا في الانسانيه انتوا ضلكم انتجوا السلاح واحنا العربان راح نضل نشتري ونخلص على بعض وبعدين منتفضالكم.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات