الشاعر طارق الكرعاوي وديوان الغربة

عباس الحسيني
شاعر ومترجم وكاتب معرفي
(Abbas Alhusainy)

الحوار المتمدن-العدد: 1370 - 2005 / 11 / 6 - 10:44
المحور: الادب والفن
    

ديوان شعري
الغربة وعيون العراق
للشاعر العراقي
طارق صاحب الكرعاوي
باحث في الأدب الشعبي العربي
ألإهداء

الى كل الغرباء الذين
ســــيعودون إلى الوطن
غيوما محملة بالمطر
و أغنيات الغربة

مقدمة
بقلم الشاعر: عباس الحسيني


ينفرد الأدب الشعبي في العراق بجملة ميزات، منها أن الشاعر والأديب الشعبي لا يولد إلا وهو محمل ومتحد بجملة خصائص بيئية وتراثية، تمثل الهم الأكبر في نتاجات وإسهامات المبدعين من الادباء العراقيين، وإن صنف البعض ملامح وآثار الظهور الشعري ضمن إستقراءات أكاديمية ونقدية اجتهادية، لا تخلو من الحيف والمغالطة غير المحسوبين أحيانا ، ومنها الترتيب الذي يجعل من الشاعر الأسطوري شعبيــا ، كمثال الشاعر الأسطوري الخالد الحاج زاير، حيث تذهب أشعاره إلى تكون منهاجا للسيرة والتوارد الشعبي والمثل الاجتماعي المتداول بين الناس أيضا ، كما قوله :

أرد اسأل أهل البخت والياخذون الفــــال
كل يوم اكو لن بفل حزني ولا هو فــــــال

حيث ضمنها احد شعراء المناخ الثمانيني، وهو الشاعر سعد جاسم كمقدمة و مدخل لأشعاره النثرية المحدثة.
وهناك من يجد ملامح الارتقاء من المحلي إلى العالمي، كما في أشعار المتفرد مظفر النواب ، ففي هذا السياق يأتي المسار البيئي متطامنا مع القضايا الإنسانية الكبرى في ذات الطرح الشعري، كهموم الأرض والحب ونزاع الإنسان، مع وذوبان آليات الأسطورة العاملة في الأداء الشعري، وهو ما نجده في قصائد الشاعر والمحقق طارق صاحب الكرعاوي، الذي يصنف كواحد من أهم خمسة شعراء من المتأثرين بالمدرسة النوابية ، وضمن مدرسة الشاعر الكبير مظفر النواب، حيث الإحساس بالطبيعة والإيمان بقدرة الإنسان على التغيير والتحول وخصوبة المرأة والثورة ، وقوة الإرادة في التفكير والشعور معا ، هذا إلى جانب الإحساس بآلة الزمن الهادرة ، كما في ذهاب الشاعر طارق الكرعاوي :

الدنيه ، يا نورة ، قطارْ . .
وآنـــه و إنـتي إثنين ،
ضيـّــعنه المدارْ .

هذا الاحتدام الشعري هو الشريك الأروع للروح العراقية التي عبرت ضمن محتواها الثقافي البيئي بأجمل وأدق ما يمكن أن يكون عليه التعبير، فالمدارس والجامعات لا تصنع الشعر ، بل تدرسه وتتدبره ، غير أن الذين عاشوا ويعيشون المعترك الحياتي، ابتكروا لقضاياهم فضاءا أرحب وهو فضاء الشعر المتسق مع بلاغية البناء ورهافة الاختيار، ، ورسوخ الهوية ، والى ذلك نجد هذا التوافق المتفرد في أشعار المبدع طارق الكرعاوي ، كما في ابتكاره التالي :





إنطيتك جنح..ضلـّـيت بجناحْ
وامـــس من كَََََرب يومك..كََََتلك اتصيرْ
ولك يللة نبدل أرواح برواحْ
وامــس كََََطـرت عمري إعليك تكَََََََََطيرْ
أنه اشــــبكَََََََََََََ بلهفه ، و شـبكََََك إرماحْ
يا صياد متعادي ، أويــــه اليطيرْ

إن اللغة تفرز معان شتى حكمة الطيران بجنح واحد، النزوح إلى تبديل الأرواح، والعناق برماح التي لا تواسي الجسد الإنساني ورؤية قبح النية من كراهية الصياد للحرية المتمثلة بالطير ، هذه المعان وغيرها ، تأت ضمن باقة قصائد وإن مثلت جزءا من رهافة الصنعة ودقة الاشتغال في الهم الشعبي ، إلا أنها تمثل شعرا حقيقيا في زمن التهافت والتقهقر، أشد على يد الشاعر طارق الكرعاوي وأتطلع إلى مزيد من هذا الإرث اللاهف والمتجدد على خارطة الشعر الشعبي العراقي الصميمي ، كقوة وثبات عاطفة الروح العراقية .















(1)

غربـــة

عندما تســـئلك الغربة


أمـّين أبدي أمين أســـولف... وين ترديني أمـُرْ....
عُـمر من بغداد يِـِبدي....اوينتهي هـِنانة صِـفرْ....
وين ترديني يَــغربة.... الشـــامـِت إلســـانه زَفِرْ...
وين ترديني إبســفينة... إنعابت إبفاس الخِـضـرْ...
عمر و الِِشـيب أعله بابه...أمين أجيبلك عـمرْ...
أمين ترديني أســولِـف... عن حبيب اوعن غريبْ...
إيداوي بجـروحة إبغربته ... اومالِــكهْ إبحظنك طبيبْ...
صَبريني و آنة طيرْ...اوحطو إعللحنطة ذيبْ....
أنة صَح من أرضي أصلي... بــس فلا أملك شـِـبرْ...
عُـمر و الشــيب أعله بابه... أمين أجيبـَلـّـك عُـمرْ...
أمين أبديلّــك يغربهْ... إنتي عـِــدّي و آنـَه عِــدْ....
طـِـحت كلعباس و حدي....أو عزو اعلية اللـّـحد....
أحســد ألي بعد عنكــم... بـس ولو ما ينحسد....
أنة ميتكم يغاتي...بــس حـــــسافه بلأ قبـرْ....
عُمر و الشــيب إعلة بابه... إمين أجيبلك عمرْ....
أمين و جســوري تهاوت ... هذا صوب وذاك صوبْ...
كـلت الفـالأتْ كلهه... أو ما بُـقه بـديـرتـنة طـوبْ ...
جاعن الحرات وسـفة ... وقع جرغد طاح ثوبْ...
عيـب اسـولفك يغربة... اجواعه و بليلة قدر ...
عمر و الشــيب إعلة بابه... أمين أجيبلك عمر ...
شـرد أخبرنك يغربة...ابـدمعت امي وأ نــه طالـع...
بكه جســر الصالحيه...والنخل من همه راكع...
عيــب علمنصور يبكي... انحطــت بعيــنه اصابع...
ذاك بلحســرات عايــش... هذا ما عند صـدر...
بــعد راوينــي يغــربة... صرنة كـن ولف و ليفـه...
أنــتي كل اســمك غربتي...كن شــعاع اولقـه طيفة...
طـاح من ضيه اعله راســي...رد ولأني الشــيب ســـيفه...
عل عمر لـو نشــد ولفــي...عصــرة النومي انعصر...
عمر و الشـــيب اعلة بابة... أمين أجيبلك عمر...


طــارق صـاحـب
ألكـــــرعــاوي
عمان 1995







(2)
عـــرا ق الأمــيـر

إلى صديقي الغريب عراق الأمير


يا صديقي مو عجيبة .. ولا غريبة المايصير
يجيك يوم هنا يصير..او مو عجيبة اولا غريبه
يضيع قلبك وسط و ديان الضباب
تســافر و ترجع تحير..لا تــــحير
العشق من بغداد يبدي...و يحط بعراق الامير
لا تحير اشجع الشــــجعان طاحو... وســط ساحات الغرام
والكبر اصبح صغير... لا تحير...
الفارس الي احصانه ابيض...
بســهم من عين الحبيب... تراجع و أصبح اسير...
حلم حبك يا صديقي ..هنانة بعراق الامير...
المدينة تقول وحشة...و القمر اختار قلبك...
نســه شــكله المستدير... لا تحير
الحجاره البلمعابد، والكتابه العل معابد...
كتبت الحبك كثير... لا تحير..
الجبل ما دنك لوادي ... ولا ابد طير المهاجر...
كصو جناحه او بعد بطل يطير...لا تحير...
تحير هسه و بعد بكره، قد يكوان انته تحير...
هذا حقك يا صديقي ... العشق من بغداد يبدي...
و يحط بعراق الامير...

طــارق صــاحـب الكرعــاوي
عمان 1997































(3)

مكَاديـر
لقد اســعفني القلم
فلولاه قتلتني غربتي


غـريب انكـتبت عـليك المكََََادير...عليمن واقف اتـاني العصـافير..
لاتــكدر تـــشم ريــش الحمامات...ولاجنحك يشــيلك متـر و طيــر..
لا وقتــك يســاعد تحبـــس الاه...ولا حضك كعـد ويه الخنـازير..
داريت الزغـار و صـارو كبـار...عمت عين الوكت شــو بعـدك زغيـر..
تــكول النــاس طبع الوكـت دوا ر... بـس وياي يتعـثر فـلا يديـر..
يهـل دنياك زحمه بوســط غربان...عليمن واكف اتاني العصافير..
مشــطت الجروح بحافر الدان...او من وكتك كســر ما صحله تجبير..
وا كلت الطيور و شــربك احزان... او من جلدك امــس شــالت منـاكير..
فزعت النوارس عشـــك غركـان...ما رد لك الشـــاطي بســـامير..
يلعـفـت الكلب كضاهه تصبير...عليمن واقـف اتاني العصـافير..
عســـاك بحركت الفاكدله محبوب... يلعـســـيت حنطة و زا د ك شــعير..
وعســاك اباب خيبر تطلب ذنوب... ودروبك صخـر ما توصل الجير..
وعســاك بكــاس مدمن وحـدك اتـذوب...و تنوح بهلك عافـوك يا شير..
يلعا فـوك اخوتك يوسف ابيـر...عليمن واكـف اتـاني العصافيـر..

طــارق صــاحب
الكرعاوي






(4)
دمع اليـِِـضحِكون


رســـاله ام من الســماوة
الى غريب في......النروج
بيجيني ابدمع وانته.. ابجي ضحكات..
وغسل كحلـك ابدمع اليضحكون..
افرشلي السهر و انته احلم و بات..
اليه الليل..و انته اويلي يصبحون..
حرت ابكيـك مدري ابكي على المات..
اصيرألك دمع بس جيب العيون..
يخي عونه اليموت وعنده عمات..
يبكي الناس بس مو لجله يبكون..
ربيتك العوزي اعيوني ملحات..
ابد ما يوم ساويت اليربون..
غريب انته و حكايه الغربة كلفات..
ماعدهم(نجف)غربه اليدفنون..
غريب انته وألك بليل شـــوغات..
افز مرعوبة عد بابي يدكون..



غريب انته والي ويه الجســــر حسـبات..
افوج بدمعي وحبابي يغطون..
ربيتك العوزي اتعوض الفات..
يحيد صباي يمحكي اليسكتون..
لاني ابدمعي قربت المسافات..
ولا اني بنذري ســـاويت الينذرون..
طــارق الكــرعاوي

























(5)
مســـودن

ليلة في اوراق
المجانين...
النـاس الما تعرف تحب.. تكول.. الحبك مســـودن..
وانه مســـــودن.. ابحكي النــاس.. ارجه الراحنا ايعودن..
و ســـامر طيفـك..اويل ليـل.. بلكي اجرحوك..ايهـودن..
اداويهن..وناغيهن.. ونه ابأحاه..و الله ابذكرك ايزودن..
ليالي الســـــادن..ابفركاك..ريت اعله المفرك..و الله ايســــودن..
يناس.. الما تعرف اتحب..مــو.. كل العشـــق..ســــموه المســـودن..
تراهو الجود.. للماجود.. بــس..كلماتكم..ماضنهن..ايجودن..

طــــارق الكـــرعاوي











(6)
نصب غربه

(الى صديقي الفنان عبد الجبار الجنابي)
عندما يقف الشــاعر علي على الباب
الفنان ليطلب......
هم شــايف نصب..يتحرك أمن احجار..
وهم شـــايف نهـر.. عاجز يغسل ..عار..
نصب غربه..عذابي..وانته بي تحتار..
حط..بعلى النصب..شــلال يمطر دم..
وجبــال ا تـعارك..من تــودع ثـــار..
والينبوع..يزحف..علجبل..لمن يحس.. بلخوف..
وا لتـفاح..يرفـض ينـذبح.. بـفطـار..
(يا جبار) حط وســط النصب..شــاه.. او ولاهه الذيب..
وا لعـدل بتـنـازل.. مـن وراهـه.. زغــار..
حـط تابوت..شــايل صورة.. اجمل شــاب..
وا لكتـال..يطـلب..فـديت.. الـفـجار..
وحبـيـبـه..وضافـر..شـكـكت بخـدود..
مرعوبه و تدمدم..نار تاكل نار..
((يا جبار)) لا تنسه المناير.. من هوت للكاع..
و ا لخـانـو (( محـمـد )) صـارو الثـوار..



(( يا جبار )) ما ضلت.. ريــش.. تـرسم..هـوه العـشار..
و لا ضلت سفـن.. و ترافـك البـحار..


نصب حريه.. باقي.. يودع الاحرار..
او دمع (( فايق حســن )) يتحسـر.. اعله الصار..
من شاف.. النصب.. يتحرك.. من حجار..
او من شاف الوطن.. رابط مصيره ((حــمار ))
طـــارق الكـــرعاوي


























(7)
غربة خضير
كثيرون يســــئلون
كيف تركت الجياع

ماضل خير..بس..((خضير )) و تالي ((خضير ))عاف الديره..
شـــــال جـروح.. و عـاف جروحـه...
صـــار بعـيد.. اتــذكر..روحلـه..
يابلوت نســــيان ((خضير )) اتفر بيه.. الدنيه..
ابمرجوحه.. بــاع العنده.. و الما عنده..
غركان و يترجه.. اللوحه..
ناس اطير.. ناس اتسير.. ناس اعله المامش..
مذبوحه.. بس لا .. تعتقـلون..
(( خضير )) و تفجرون.. الدمعه ابنوحه..
انســدت كل .. ســجون العالم..
بس..للنشمي.. اتضل.. مفتوحه..
طــــارق الكـــــرعـاوي







(8)
كنه إبـجزره


كنه ابجزره..او ما مشل ل شــاطي..ولا عبره..
وكنه ابضلمه..او ما مــش..لا فانوس و كمره..
و كان اليتهجه..ابد يرتنه.. بـس بعيون..الغاصب
.و كينه ازغار..و كان حبيب..اكبر من..الجوع ابكبره..
بحرف..ابسطره..بكوخ..بحجره..انجوع..او نصره..
وكلملتك عــــــاشت ((يمضفر))تصعد غيم..و تنزل مطر..
كنه ابجذره..و كان الشـــــــاعر..يحمي همومه..
ويكتب نشره.. يلمه يطشره.. ايهدمه عمره..
وابدآ ما مد..ايده السمره..
هذا الشاعر..مثل الشجره..
تذبل وركه.. وتخضر عشره..
ابعيش ابفكره..ايموت ابذكره..
نصه بغبره..ونصه الفوك.. الربه ايشكره..
هنيالك يلعشت..ابجذره..


لا مخلوك ايمن.. اعليك..
ولا حاكم.. يبليك ابفكره..
كنه بجزره..
































(9)


عيــون العـراق

نضره الى العالم
من ثقب الباب.....
واحـد سـهر.. واحد صبـح..
واحد قرءة.. واحـد نجح..
واحد كتـب.. احلى شـعر..
بـس ما فلح.. بـس ما فلح..
واحد مغـني.. بلا وطـن..
و من الغنى صوته ابح..
واحد حيه..و بلا نفس..
رد انجرح.. رد انجرح..
و الغيض من صدره.. طفــح..
ها يصاحب.. تعتقد يا هو الي.. من عدنه صح..
واحــد عشــــك.. زهره و نده..
مر موعده.. او ذاب او واحــد..
و ذاب وحده..
وتربه ليله.. الغبشــته..
وكبال عينه.. ابحصرته..
الشــوف انذبح ها يصاحب..


تعتقد يا هو الي من..عنده اصح..
الكتب لعيون العراق.. احله شـــعر..
لا ســاوم بكلماته..ما لحضه زحف..
يـا هـو الـي مـن عــدنـه اصـح..
اليقتل احلام الطفوله..
وصرخ بالام المريض.. ادواك شــح..
يا ريت ماطر الصبح..
ما باع ليله الليل.. بلســــوك و ربح..
يا ريت.. ما مر الدمع..فوك الصدر..
بزرار كوثر..للغريب.. امنن فتح..
لا كعدن الحرات..فوك..
اوســخ رصيف..ابمرت الشامت..
يبو الغيرة.. او مزح..












(10)
أدين البين

الى من اختار الغربه..
على الموت...

وحدك غربت..لا صوت..
لا واحد ندهلك.. ويـن..
وحدك و الهموم.. ثكال..
عايش لس.. منك زين..
وحدك وبلم مشروخ..
عاند ما يششل.. اثنين..
وحدك عانديت.. البين..
وحــدك.. واكحيت الثــين..
ســـفان و شــواطي..هموم..
يا رايـك صفـه.. بـرايـن..
مو ريح التطرك.. هاي ادين.. البين..
لاتنضر..صبعن مســـراك..
همين و حــدك..هـمـيـن..
وحدك و الســــراب.. احلام..
متـوهـم ا لـك..صـوبـيـن..
ضـل ابغـربـتـك..عـالج..


انحط.. و في.. دين ابديى
ضلـك بلحروف ادوس

يوميه تكســـر قلمين
ضلـك علوراق اتـنـم
وتفـز برعب.. حلمين..
واحد بلا من.. مكيود..
و ذيابه تكلهم.. هين..
اواحد بلدمع..غركان..
تفز.. لا كربلاه..و لحســين..
طــــارق الكـــرعـاوي













(11)

الحـقيـقـة

الى اللذين يبحثون عن
الحقيقة
مشت عافت.. وراهه الليل..
وجـفـوف بسواد..غيابهه تصـفك..
تحفت عل جفـن.. دمعـات من العين..
صـار شــوك.. فـوك خـدودهـه..
تــشــكـك.. مـشـــت للــراهب..
اترجاك..يبنادم..كال انتي..ابشــرك..
جا أنه المغرب..و اذا انتي ابغرب..
تتبره.. مني النـــاس.. اذن.. ماكو اتــفاق..
او أنه المشــك..انحلت..من العطـــش..
تـتــرجــه..شـــربـت مـــاي..
بـــس..طــوس العطــــش..
وعــله الـوجـه.. ترشـــك..
مشـــــت لهـل.. الصــدك..
رادت.. خلاص النـــاس..
لكـــــت بهـل..الصـــدك..


ما واحـــد..اليصــــدك..
اجــت للثوري..تترجاه..
يلقائد.. لكته ابنص..
عزلته..ايصيح.. كون اتطــك..
بعد المن..اروح..
شــلون يبنادم..ســاعة النار..بيه..
و ســـاعه أنه.. امرك..
هـد حيـلي.. الحــزن مـليت..
ما ضليت اديــن.. و عله صـدور.. اتــدك..
مـــشت.. تالي المدينه.. ابشــارع الصِِِِِِِِِِِِِديقّ..
غــادرهه الصـِِِِديقّ..او ضـــل نفـــس..يختك..
انــحـلت.. طـاحـت.. تـــرارت..
مـاتــت..أمن الاخــوف..
بــس كـتـاب.. يمــهه..او ريـح التــورك..
كـل وركـه.. ابـالم مكتـوبه..
من الخـوف..تره الميته..
الحقـيقـة..او عيـب تطـبك..
طــــارق الكـــرعـاوي










(12)
مـذكـرات هـارب
عمان 1/1/2001

مـن هربت.. ابروحي مره..
او كلت ابدل اسمي.. (( طـارق )) ..
غســــلت ثوبي.. العراقي..
عـلكيـتـه اعله.. المشــانق..
طــه يته من الدماء..
ضـــل غـبــار.. من البـنـادق..
الشــــمس من نزلت.. عليه.. احترك نص..و نص غارق..
كلت اطير.. ابعد حدود.. بلكت الكه.. انسان صادق..
لن صديق.. اشـــد خلـوق..
لو تـشـــوفـه.. اتكــول خارق..
صــار حيته.. اعله النظال..اعله العراق..
او عله الماتو.. بلخنادق..
كتله.. و اليحمل هذني.. كالي.. ايسمونه ســارق..
كالي.. قصــيده اخاف..كتله حته.. الســكت فاســق..
ما دريته.. ابغـدر بيه..اقل من كلمت.. منافــق..
عافني بارض.. الحرام.. راح فزع.. هذا عاشــق..
كالـهم..هدم صنـمكم..فضح سركـم..بلمـناطق..
صاحلي بصوته..العراق..
الصورة من..نفـــس التـطابق..
انته صاحب..هـلقــرار..لو تفـارق..لو تعانق..
ســلمت.. لصعب قرار..بليل مابي.. نور شـــارق..
صحــت.. ســـحقآ للـطـغـات..و ســـلمتهم بيد.. خالق..
طـــارق الكـــرعـاوي






























(13)

العــبـايـه
... الى امي الثانيه( رحمها الله )

يا امي الربيت.. و ياج قد بيت..
حرت شــبديلج.. او انتي البدايه..
لون انزف.. دمع.. ما اضن و فيت..
غفلني القدر.. و ختار النهايه..
صرتيلي وطن..و بحضنج غفيت..
روحج بلعبايه..
يريت أنه كبل.. ما متي يا ريت..
يا بيت الوفه.. و طيب الولايه..
اصيح ابصوت..عيشي و أنه.. الميت..
و كلم عيســى.. ليج ايجيب.. أيه..
يا أيه الله.. البيهه صليت..
تســـابيح و فجر..نور ســمايه
عفتيني وحيد..ايام ناديت..
غريب و ناس.. ما تعرف دوايه..
تهت وحدي.. ابجزيره..و يامه حنيت..





لا واحد فكدني..وشــال رايه..
انتي امشـــيتي عني.. و انه رديت..
و شــوحشــه النــهـر..من عاف مايه..

طــــارق الكــــرعـاوي

























(15)

مأســـاة حــب
الى من فضلت الخليج
على المحيط....
أســئلي الأيام.. لو ردتي الرحيل..
هل قساوة قدر..ام حب مســتحيل..
.....
فكري بنوع النهايه.. قبل اســدال الستار..
اليوم موعد مســرحيتك.. بطل مل الأ نتظار..
اليوم و الجمهور صامت.. ينقتل وضح النهار..
اليوم مأســات القتيل.. اليوم دنياته تميل..
اليوم كل احلامه تجهض..وانتي تختاري البـــديـل..
~ ~ ~ ~
كنتي بعيونه خيال.. يملي ضحكه الدنيه بيك..
و كنتي وكنتي موقد للغرام.. يبرد و يدفه عليك..
صــار شــاعر للجمال.. احترقت اوراقه بديك..
كان يتأمل ملاك.. و انتي بدروبه هلاك..
ما عرف قاضي قضيته.. ايمزق بوجهه الدليل..
~ ~ ~ ~
انتي ما عندك مشــاعر.. بشــر مشــحون بجراح..
صوريتي الحب قضيه..بحكم ما يقبل ســـماح..
صبح كاهن ديره حبك..فجئه كل ايمانه راح..
راح ذاك الكان طيب.. كان الك اعضم حبيِِِِِِِِّب..
ايملك عل دنيه.. لو رادت تميل..
~ ~ ~ ~
أســـئلي الأيام..لو ردتي الرحيل..
طـــارق الكــــرعاوي



















(16)

أيام في دفتر الغربة


اليوم اضن دارت الدنيه.. دوريت و ما ليكيتك..
اليوم حسيت بغربتي.. اليوم و الله اشـــتهيتك..
انته تمثال الجمال.. هدمت عمري و بينيتك..
اليوم وحدي اســـحل ابنعشــي.. اليوم ردت اتشــوف ريتك..
اليوم ملك الموت حاير..روحي مزروعه اعله بيتك..
اليوم اضن اليوم الأول.. انته عايش و أنه ميتك..
~ ~ ~ ~ ~ ~
يوم امر من يوم.. يتحله بزماني..
يوم امر من يوم.. صرت انسان ثاني..
يوم البــــس بلهموم.. و يوم تلبسني لذاني..
اجه الموت ابيوم الأول.. و اليعزي الثاني اجاني..






يا غريب ابسوك غربه.. حاير اتبيع الاماني..
يا غريب ارحم ابحالك..كافي مو بسك تعاني..
يا غريب ابســـوك غربه..اتعده نعشــك من ثواني..
يوم انته احزن عليه..و انه احزن يوم ثاني..
~ ~ ~ ~ ~ ~
يوم ثالث ما يخالف..زحمه متغرب يوالف..
راد يتقمص روايه..اذكر المحبوبه حالف..
ذكر بلعباس حالف.. ابد ما ينســه الســـوالف..
هناك يم شـــوطي دجله.. النخل مات او هو واكف..
عرف دربه المســــتحيل..يحاجي روح او هو خايف..
هـمه ما عدهـم عـراق..التـمر وين اويه القــطـايـف..
همـــه عدهـم دنيـا حـره..وحنـه عدنـه هنـاك خايـف..
اي يدنيه او ما يخالف..باجـر ايصيـرن ســــوالــــف..
~ ~ ~ ~ ~ ~
حـلـفـيتـك بلعـزيز اتكـلي لــو..ردت الـرحيـــل..
بيه مـن مالت الدنـيـه..ما درت انـتـه تـمـيل..
الضهر حســــيت ابـظلام..وشـــوفك اصبح مســـــتحيل..
الضهر و النـــاس اتـفـرج..نفـذت بـفـقـر قـتـيـل..
ســــافرت وحـدك ابجرحي..مزقـت أخـر دلـيــل..
رحت يلمشــكــوله ذمـتـك..علت بلماضـن يعـيل..
يلعفتني احســــب شــــماته..وانته تلكَََََََََََََـالك بديل..
~ ~ ~ ~ ~ ~
اليوم اجني ذكرياتك.. ضيف ليل و ذكرني..
الا بســــات الثوب الابيض..بكن يمي و ســـهرني..
وحده ليل الجندويل..بثلج ما همنه و نغني..
وحده بفروع البيادر.. شـــكثر غازلنه التمني..
ابمدرج الروماني مره.. من اخذت القلم مني..






















وكتبت (( طارق منى))..لســـه ورقاتك هذني..
هنه ضلن ذكريات.. و انته ضليت التجني..
~ ~ ~ ~ ~ ~
طــــارق الكَََََََرعاوي












(17)

قطار العمر
الســـــماوة شـــتاء 1984

الدنيه (( يا نورة )) قطار..
وانه و انتي.. اثنين.. ضيعنه المدار..
الدنيه يحليوه.. نســــتنه.. سـاعة.. و ليالي.. و نهار..
لعبة الوحشـــه..ابزغرنه..وحنه..ذولاك الزغار..
اللعبو عله الســــكه..مره..وحلمو ايعلون..دار..
تالي دار الدار..بيهم.. و الي ما يردونه.. صار..
وكَََــفـو.. ابنص المحطه..وســار (( يا نورة )).. القطار..
طارق الكََرعاوي




(18)


يا وهمتي ...

هم احبك..عدم حبك.. و شـــصعب هذا..العدم..
ندم حبك..غلطه حبك..ماكََو غلطه.. بل ندم..
حصره.. و مناغات.. ليل..حصره..و مناغات ليل..شـــاعر.. ورقه..وقلم..
ابكاســـي.. اجو ذكروني.. بيك.. و ياجســــارته..الجلم
الم هم..اوهام..هم هم.. همك وهمي وهم..
هم همومك.. يا وهمتي..مبعثر..ولموني لم..
لم الملم لمه همومه.. من جحفته للجدم..
ســـندباد.. و موج عالي..ريح ما احد ســـلم..
عله الشـــاطي..هناك جثه..بلا علامه..بلا مشــم..
دم نوارس..وســط اديهـه..ما يطهرهه القســم..
هذا حبك.. يا حبيبي..ســفر.. و دموع..و الم..

والاهم.. من هذا..لوردت الاهم..ابقى احبك.. حتى لو حبك عدم.....
طارق الكَرعاوي


(20)


المهـاجر


دولباك الوكت مره.. والتقيت.. الحظه عاثر..
ودولباك الوكت..ميه.. و صرت من طبعي.. الكابر..
و التقيتك.. تالي عمري.. ملكَََََََت الفرحه.. المهاجر..
شـــال روحه.. ابعالي جفه..و ذبهه ببحوارك..يكاســـر..
حرميت اســـمك.. عـليه.. و صـرت وي ليـلـك اســـاهـــر..
يلي طبعـك..ملكَََََََََََََـه امام..اشـــــعلمك.. كســـر الخـواطـر..
روح مـا اعـتـب..عليـك..ولا اكََََََََََََََََََََََََََـلـك.. أنه صابـر..
أنـه بــــس اعـتـب..عـلـيه..جرحي مبـرد.. للخـناجـر..
روح اســـحَََََََََََََك..تالي عمري..مزق ابوجهي.. الـدفاتـر..
الدنيه مرهونه..بجمالك..وانته بيــهه..احســـــن مقامر..
اكـشــف اوراقــك..علينه..كافي تلعب بلمشــــاعر..
ليـلــت .. لـيــل .. اللـيـالـي .. الل
يل .. ليلــك .. وانته ســـاحر..
روح ذرني ابذكرياتك..صدفه مره..الََََََََََََكـيت شــاعر..
كـــســـــر قلمه.. ومشـــه النارك..تراك توقيعه.. المهاجر..

أريزونا 2002

(21)

قـلم الرصاص


امـــــس وديتلك..زفة عصافير..
شــــجاك تفرح الشمات..بلطاح..
وامــس من مال وكتـك..ردتك اتطير..
اطيتك جنح..ضليت بجناح..
وامـــس من كَََََرب يومك..كََََتلك اتصير..
ولك يللة نبدل..ارواح برواح..
وامــس كََََطـرت عمري..اعليك تكَََََََََطير..
أنه اشــــبكَََََََََََََ بلهفه و شـبكََََك..ارماح..
يا صياد متعادي..ويه اليطير..
موطبع الســـمك..ينكَََََََََََـلب تمســــاح..
تهدم هســـه عشـــك.. باكر اتحير..
ونه عمري كََََََََََََََََََََََظيتة.. صياح بصياح..



ومـــس وديتلك مني تصاوير..
اخبرك عن شــعر..ما شاف الافراح..
اليوم ســمعت عنك..بعدك زغير..
وعاندهم خذيته..الروحي فلاح..
و ثاري بلا شــلب.. احصر بســامير..
وســاير رحي بيك..وكاح بو كاح..
وثاري ابهكي عالم..كََََلشـــي اليصير..
يتهمونك يشـــاعر..شـــايل سلاح..
لئن قلمك رصاص..وســـرك ابير..
ولفكرك ابد..ما صار مفتاح..
خليهم وره فروخ الخنازير..
تره العاشــق يســمي.. الضلمة مصباح..
طارق الكََََرعاوي
1998 عمان









(22)

أيام في دفاتر الغربة

بيوم من ايام غربة ، التقينة
انا وانته ، وإنسه من هو المقابل
عيب هذا الوطن كاعد
عيب لم روخك عويرتك
مو زمان التنجه بيه من ال
انه وإنته وإنته وآنه ، خلي نغزيله هدمنه
خلي نفتل روحنا إبصوف المغازل
خلي نصعد خيط بين احلى اصابع
بلكي نصنع كور كامل
اليوم تنسى آنه غريمك ، اليوم أنسه إنته غريمي
خلي ننسه آنه قتيلك
خلي نمزح ، خلي نتجاهل القاتل
خلي نضرب عرض قانون السماء
خلي نضحك ، خل نسولف ، خل نجامل
خلي نكتب عالوضع تقرير شامل
انته من طاح الوطن صرت الزناجل
انته من صاح الوطن صرت
القنابل
وانته من صار الظلم ياكل الفقرة
صحت انه أتبرع آكل
وانته من رادوا وظيفة شاعر إيخون العراق
صحت آنه بلا مقابل
صحت عندي الاسم كامل
ثاري غلطة مطبعية ، الشاغر بلا نقطة شاعر
وانته هم زين واحيت ، شاعر بليه مشاعر
خوش شاعر ينفع إيغني إعله جاهل
ينفع إمثل القيادة ، بذرى معركة الدجيل ، بذكرى الإعمار بحلبجة ، إبذكرى صار الشعب ياكل بالمزابل
اكتب اتغنى يشاعر
بلد نفطي ، إيقوده عفطي
وشكثرهن هالمحافل
من أجل هذا العراق ، ومن أجل طفل العراق
هلي ننسى آنه قتيلك ، خلي نتناسى ، انته سافل

خلي نضحك ، خل نجامل

أريزونا
30 – 6 -2005
(23)
أغنية الموت
مهداة إلى ملائكة بغداد الجديدة .

أغانينا نواعي وكيفنا نواحْ
وعله أوتار الحزن اهله ، يعزفونْ
جزه هودج عرسهم ، إجه الذبـّـاحْ
وتحت سيف إبن تيمية ، يركصونْ
مغنينا سياسي ، وطوره تمساحْ
والفرقة التقوده ، بدمع يبجونْ
على أطفال الطرف ، حمودي وأفراحْ
شعدّدهُم يَـشاعر هُم كثيرونْ
هوستهم لهسه ، أوذان مصباحْ
أو ورى الجندي يهوسون ، ويصفكونْ
يطابوق الطرف ، منك طفل راحْ
يدهنون إبتفكهم ، وين يـردون
يدهنون إبتفكهم ، وين يردون
يدهنون إبتفكهم ، وين يردون ( هوسه )

ولك راح
إلك دلال المرحب ، وإلك راحْ
وإلك تنور للجائع ، وإلك راحْ
الصبر يابو الحسن حمل ، وإلك راحْ
يشكيلك عذاب أهل التقيـّـه ....

الصبر يابو الحسن حمل، وإلك راحْ
طر خيط الفجر ، هُـمّه يهوسونْ
يهنيالك شهيد، إتموت مرتاحْ
إنطيهم جِـفَنْ ،لمن يسلبون
مغنينا خَرسْ ، ما شايل إســلاحْ
عليمن خافوا ، إلسانك يكطعـونْ
وشمناك إبكلبنا ، الوشم ما راحْ
لهساع ، إمنساميكم ، يخافون
هاي إنته ولجلهم شايل إجراح
يمرون إعلى قبرك ، ما يسلمون


أريزونا
30 – 7 – 2005

#عباس_الحسيني (هاشتاغ)       Abbas_Alhusainy#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات