صفوت فوزى
الحوار المتمدن-العدد: 4996 - 2015 / 11 / 25 - 08:50
المحور:
الادب والفن
يا مه جوزيني ... حاضر يا ولدى
ولإمتى تقولى حاضر وأصبر يا كبدى
قالولى إتعلم يامه خدت سبع شهادات
وتقدمت لوظيفة خطفوها البهوات
قالولى العقل زينة قلت إعقل يا واد
غذيت عقلى يامه .. لفيت كل البلاد
وأوراقى وكتبى ويا شهادة الميلاد
قالولى إشرب ميتها وسير مع العباد
قالولى إتعلم صنعة وإرمى وراك الشهادة
وسافر يللا برة .. قلت العمل عبادة
وذليلة اللقمة يامه وشحيح ف الايد الزاد
واللى باجيبهم ياخدهم بدوى من الأسياد
يامه جوزينى قبل السنين ماتروح
والعمر ييجى ويجرى وتنكسر الروح
الايد قصيرة ياإبنى نكرتنى الدكاكين
ماخدنا منها يا إبنى غير عطش السنين
حقك على يامه .. وإنتى ذنبك ايه
ماراح العمر يامه شبابى فين ألاقيه
ذنبى عند المرابى والتاجر أبن الايه
-------------------
#صفوت_فوزى (هاشتاغ)
كيف تدعم-ين الحوار المتمدن واليسار والعلمانية
على الانترنت؟