طالب الجليلي
(Talib Al Jalely)
الحوار المتمدن-العدد: 4971 - 2015 / 10 / 31 - 02:11
المحور:
الادب والفن
اشسويت بيه،،
أمس واليوم
كابلت رسمك
وانته برعم
طاح كلبي
بين اديَه
اشسويت بيّه..
انت كل الحسن هسا
لكن امس !!
حسيت عمري ذاك الوكت
كلش نحس
ماعرفتك ولا شفتك
بعدك حلو..
اوهم كبل..
أدري،
جنت تضوي
أحلا امن الشمس
بالحلم ..
هسّا..
اوبعد باجِر..
يللي حسنك مامش
أبد منّه..
أحلا من شهكة فجر
ضوّى روحي
اللي مرمرها الوكت
صارت سما
ابتموز تمطر ..!
اشسويت بيه
يلي غصن رمانه طولك
والخصر .. يا ألله شوصف
ردت اوصفك
كلت مهره ..
والنهد .. فنجان
ماضايك الكهوه
مو بشر إنته والحمزه
أحلى من
أحلى حوريه
وك تالي العمر
كِلّي اشجابك عليّه،،؟!
اشسويت بيه...!!!
29 ت1 2015
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟