رساله للكمر ..!

طالب الجليلي
(Talib Al Jalely)

الحوار المتمدن-العدد: 4944 - 2015 / 10 / 3 - 22:56
المحور: الادب والفن
    

يا كمر ..!

بس كلي مو
دوهنتني يلغايب
يا كمر
مره تزرع ابكلبي
تل من ورد
مثل العشك
أحمر ...
مره تزرع ابروحي
ديرة قهر
عذبتني اوهم انشدك
ابلهفة المهضوم..
وينك ..؟!
جا هوه هذا الوفا؟!
يلّي دكّيتك
ابكلبي
وشم
اوسمّيتك كمر !!

3 تشرين1 2015
--------
طشّيت كل عمري
بدروبك نذر
تمّيت مثل الحدايه
محتار
انتظر..
بلجن ولو بالطيف
يمعابى
اعلا بالك
أمر..!!
طاوعت كلبي اوكمت
كلساع
ادور اوألكيلك عذر!!
وارجع وكولن حوبِتي
ابكلبي الهواك
اوما غدر !!
كلبي اللي بعروكه انشتل
حبك
اوصار اله
قسمه اوقَدَر..
واسنين المضن وياك
يمعابى صفن
لحظات اوحلم
مثل وردة البردي
تطّاير اويا الريح
من يغافلها الفجر..!!

3ت1 2015


ردت اوصفك..
ردت اكتبلك سطر!
لكن الجلمه استحت!
مثل زهرة الصبار ..
تغشي العيون
ابحسنها
بس !!
ما تنثر عطر!!

3 ت1 2015

#طالب_الجليلي (هاشتاغ)       Talib_Al_Jalely#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات