|
السعوديه:2.5 مليون سوري والا حاج
جان نصار
الحوار المتمدن-العدد: 4923 - 2015 / 9 / 12 - 17:08
المحور:
كتابات ساخرة
مش عارف يا جماعه على ما يظهر انو الامور اختلطت علي وبطلت اجمع وها هم السعودين بقولولنا انهم استقبلوا 2.5 مليون سوري يعني الازمه محلولي وهاي طوابير الهجره الى الغرب ما هي الا مسلسل جديد من المؤامرات اللي نازلي علينا زخ زي المطرمن الدول الامبرياليه والرأسماليه والكافره والعلمانيه الله لا يوطرزلهم شو دساسين وبلا اخلاق وانسانيه ودين .على شوية ملاين من المهجرين واللاجئين والمسخمين اخوتنا السورين والعراقين ومعاهم حبة افغانين على كمشة افريقين مصروعين وكأنهم حققوا النصر المبين وبقولك غزونا المسلمين.صحيح ان الغرب عنصرين وفاشين . اللي انا بعرفوا وبعرفوه كل شعوبنا العربيه انو بجوز هاي السنه السعودين استقبلو ا حجاج يمكن اكتر من 2 مليون بس سورين اظن انهم مبالغين.اي نعم يمكن استقبلوا 5 مليون سوري وعشره مليون عراقي بس على التويتر والفيسبوك والهاشتغات. لكن السعودين معذورين فاليوم بدهم يستقبلوا الخرفان والجديان والبقر والعجول بالملاين احنا على عيد الاضحى جاين واشباع البطون والتصدق على الفقراء والمساكين الها كتر حسنات عند رب العالمين اهم من السورين والعراقين ومش عارف مين غيرهم مين. السعودين موقفهم اخوي اسلامي وانساني وبقولوا وبكل شفافيه مش معقول اننا كنا احد اهم الاسباب اللى ولعناها بسوريا والعراق وغيرها من البلاد بدعمنا للارهاب وتصديرنا للثوره اننا نستقبل المهاجرين واللاجئين السورين وكأننا بنقتل القتيل ومنمشى بجنازته هذا من جهه ومن جهه تاني من البدايه والسعودين صريحين اكو دعم مالي وغير هيك ما الكو الا الله. السعودين الله يكون بعونهم شو بدهم يلحقوا تيلحقو ويلهم سوريا والعراق ولبنان وفلسطين هاي هم فتحوا جبهه وحرب على اخوتنا اليمنين مشان يأدبوا الايرانين.لانو المثل عنا بقول: اللى ما يقدر على الحمار بتشاطر على البردعه. اللى محير انو اليمنين شعب مسالم وفقير وصاحب عزة نفس ومرؤه وفي عندهم خلافات داخليه كان ممكن ولازال ممكن حلها بطرق سلميه يعني ضروري هالتحالف العربي وجر مصر ودول الخليج مشان تدمروا ما بقي غير مدمر باليمن وقتل وتشريد الالاف اذا مش الملاين. اكيد مش راح اقولكم وينكم من فلسطين اللي شبعتونا من سنين قرف ومزاودات وبيناتنا احنا الفلسطينين مستاهل .اذا بين بعضنا مختلفين وعلى الاختلاف نفسه منختلف. يا ريتكم يا بني سعود وسلمان وطرشان وعميان وخرسان تنتبهوا وتاخدوا باللكم من الحجاج مش كل سنه من الاهمال والتسيب وقلة التنظيم يموتوا بالمئات وتتنصلوا من المسؤوليه وتتهموا الحجاج بالتدافع والهرج والمرج. (الله يرحم اللذين توفوا ويصبر اهاليهم وان يعودوا البقيه بسلام الى اوطانهم) كتير من الشعوب والكتاب والرأي العام والصحافه والاعلام ومواقع التواصل الاجتماعي شنت هجوم ونقد وشجب وادانه وغضب واحتجاج على دول الخليج المسلمه الغنيه بالبترودولار لانها لم تفتح الابواب لقبول المهاجرين السورين وغيرهم من المسلمين وانا مش عارف ليش هالهزعه قايمه .وانا متضامن مع دول الخليج والجماعه ما قصروا بالفلوس والدعم المعنوي والتشجيع من على الفضائيات وعقد الكثير من المؤتمرات. فالكويت مثلا رفضت السورين لان مستوى المعيشه هويا اعلى من مستوى معيشة السورين ومنعا لاحراجهم وحافظا على مشاعرهم قلتلهم اوروبا احسنلكم وبعدين مشان تتعالجوا من امراضكم النفسيه والعصبيه الغرب مهيئ نفسيا لمعالجة نفسياتكم بعيدا عن نفسيات اهالي الخليج...الكويت لم تدخر جهودا وعقدت 3 مؤتمرات للدول المانحه للتبرع لاخوانا السورين بالاضافه الى كمان 3 مؤتمرات للهيئات الغير حكوميه وجمعوا 7 ملياردولار منها مليارونص من الكويت لوحدها والدليل انو هاي الفلوس راحت للاجئين السورين في مخيم الزعتري الخمس نجوم ومعظم اللاجئين ساكنين بفلل وشقق ديلوكس وزهقانين وملين من الجوع وسعر السوريات يباعوا بالدولار. من 500 دلار وفوق وطبعا للنكاح الشرعي لاسبوع او اكثر حسب الرغبه والطلب. كما وان الكويت قامت باحتفالات هلا فبراير دعما للسورين بحضور نخبه من فنانين العرب اليسا ونانسي وعمردياب والماجد والراشد والواعد والساعد والعاضد . قطر سمعان مش هون واحنا واقمر جيران بس الدعم للنصره وجيش الاسلام والارهابين غيرهم شغال وتشجيع الرياضه وكرة القدم والاستعدادت لبطولة العالم بكرة القدم عام 2022 على قدم وساق. الامارات مش شايفين الفضا قتل لهم 45 جندي في معركة تحرير اليمن من الفرس والمجوس. الداعيه كبير علماء المسلمين القرضاوي بعد ما صرف كل امواله على اللاجئين السورين وفتح ابواب قصره مثل بابا الفاتيكان لعائله سوريه واحده طرقنا واتحفنا بفتوى طازجه تبيح للمسلمين في الغرب استقبال اخوانهم المسلمين ولو من غير محرم المهم الابتعاد عن الشيطان النسناس الذي يوسوس في عقول الناس وان الضرورات تبيح المحذورات اجى وحان وقتها .وهو اي القرضاوي ليل مع نهار يصلي لالله ليزيح الكرب عن الامه الاسلاميه وينصرها على من يعاديها. يعني منقدر نقول انو الامن مستتب وكل شي عال العال وموجات الهجره للغرب هاي لصالحنا وصالح الامه.المهم ان لا يتنصر هؤلاء وان لا يرتدوا عن الاسلام والا فقتلهم حلال ويجوز شرعا وراح يجيكم يوم زي دق الثوم. ملاحظه هامه جدا للمهاجرين:الرجاء التعلم السباحه جيدا وفتحت دورات لذلك في جامعة الدول العربيه مجانا. 2.المطلوب من النساء الغريقات ان يكونوا محجبات ولباسهم شرعي .3.عدم اصطحاب الاطفال ما دون ال 18 وتركهم لمصيرهم حتى لا تتكرر المأسي. 4.على المهجرين واللاجئين الالتحاق بدورات لتعلم اللغات اليونانيه والالمانيه والهنغاريه والانكليزيه توفير للوقت والجهد والمصاريف. 5.على كل من يرغب بالهجره ان يكون لائق صحيا وخالي من الامراض وان تترككوا ابائكم وامهاتكم فالله يتولاهم برحمته وهمي وحظهم. 6.على الجميع التعلم على الحاسوب واستعمال الانترنت ووسائل التواصل الاجتماعي والتويتر والانستغرام والغوغل. كل من يجد نفسه لائق لهذه المواصفات وغيرها من الموصفات مثل تحمل الضغط والعيش باندماج بالمجتمعات الجديده ان يبحث عن قارب مطاطي متين مش صناعة الصين. احلى نكته وطرفه سمعتها من بعض الشيوخ الافاضل والاعلامين والقنوات الفضائيه: بتقول ان الغرب الكافر راح يستفيد من الطاقات الشبابيه اللي خسرتهم اوطانهم وراح يكون هناك نقص لهاي الطاقات. يا جماعه على شو هاي الزعبره والجعجعه والطخطخه والعنتريات والهوبرات والمزودات والكذب والدجل. شبابنا المتعلمين والمثقفن وطالبي الحريات والعداله بالسجون. المتعلمين والبعدين عن السياسه عاطلين عن العمل نتيجة البطاله. المتدينين والمغيبين ومحجبي العقول ارهابين مع التنظيمات الارهابيه بكافة مسمياتها. الفقراء والمهمشين يا على باب الله بالمقاهي او حشاشين ومدمني مخدرات ومتحرشين ومجرمين ومغتصبين. ومجموعات شبابيه بتجندوا للوطن مشان يكونوا وقود للسعوديه ويرحوا شهداء او محاربة اعداء الوطن والارهابين.. اما الصيع والاغنياء من شباب الخليخ فهؤلاء يقضون اوقاتهم بالغرب بدون هجره بعطلاتهم الصيفيه وسياراتهم الفاخره في شوارع لندن وباريس ونيويورك وغيرها . وكاسك يا وطن شو بعد عنا شباب وطاقات يا ترى؟؟؟؟
#جان_نصار (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
مقال اب كوميدي 5
-
المتشائل اميل حبيبي ذكريات وطرائف مضت
-
هيفاء وهبي وجدلية الصراع الفلسطيني فلسطيني
-
نقد القاسم افنان امتنان وامتحان وليس امتهان
-
هاي حقوق انسان يا سيدي الفهمان
-
زوجتي والقط
-
احنا طراطير ومش فاهمين اللي بيصير
-
مثقفي الحوار وحلول القضيه الفلسطينيه
-
عطلة الملك السعودي لفرنسا غير
-
كل 14 تموز اتمنى ان اكون فرنسي
-
داعش عندنا يا مرحبا يا مرحبا
-
انا ومزاجي الكتابي وزمن الكئابي
-
عبد الدايم نايم في رمضان صايم
-
للسعودين والقحطاني مبروك واجمل التهاني
-
الاكس فاكتور وبرامج رمضان ومحبوب العرب
-
ردات الفعل الانفعاليه على مقاطعة اسرائيل
-
عندي اربعين هل من معين
-
اليسار راحت البلاد والعباد ونفس العناد
-
ذبحتونا....ارحمونا...مرمرطتونا
-
فلسطين والفيفا....موني توكس
المزيد.....
-
بعد حكم الإعدام.. حكم جديد ببراءة مغني الراب الإيراني توماج
...
-
Admhec “القبول بالجامعات” معدلات القبول الموحد في الجامعات ا
...
-
انطلاق الدورة الـ77 لمهرجان -لوكارنو- السينمائي الدولي في سو
...
-
البحر الأحمر السينمائي يعلن عن فتح الانتساب لدورته الرابعة 2
...
-
-أوروبا-: رؤية سينمائية تنتقد وحدة أوروبية مفترضة
-
نجم شهير يتعرض لموجة غضب كبيرة بسبب انسحابه فجأة من فيلم عن
...
-
تونس: الحكم بالسجن أربع سنوات على مغني الراب -كادوريم- وحرما
...
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
المزيد.....
-
فوقوا بقى .. الخرافات بالهبل والعبيط
/ سامى لبيب
-
وَيُسَمُّوْنَهَا «كورُونا»، وَيُسَمُّوْنَهُ «كورُونا» (3-4)
...
/ غياث المرزوق
-
التقنية والحداثة من منظور مدرسة فرانكفو رت
/ محمد فشفاشي
-
سَلَامُ ليَـــــالِيك
/ مزوار محمد سعيد
-
سور الأزبكية : مقامة أدبية
/ ماجد هاشم كيلاني
-
مقامات الكيلاني
/ ماجد هاشم كيلاني
-
االمجد للأرانب : إشارات الإغراء بالثقافة العربية والإرهاب
/ سامي عبدالعال
-
تخاريف
/ أيمن زهري
-
البنطلون لأ
/ خالد ابوعليو
-
مشاركة المرأة العراقية في سوق العمل
/ نبيل جعفر عبد الرضا و مروة عبد الرحيم
المزيد.....
|