صفوت فوزى
الحوار المتمدن-العدد: 4897 - 2015 / 8 / 15 - 20:11
المحور:
الادب والفن
وشايفة دنيتى أنثى
وهدفى أكون
فاعلة ومش مفعول بيها
وست الكون
ومش ناوية أقص ضفايرى وجدورى
وأشيل النون
●-;- ●-;- ●-;-
ماهوش ذنبى ولا عارى
أكون أنثى
عفية عارفة سكتها
ف زمن خنثى
مابين رجليه شايل عاره
وأولاده وشوش القرد
ساعة الجد يتداروا
إيديهم تبقى مغلولة
وتبقى الخطوة مشلولة
ومدبوحة الحروف خرسا
●-;- ●-;- ●-;-
ايزيس أنا عشتار
وخصب الكون من صنعى
والحنطة والأزهار
ونهر النيل من دمعى
لفيت ، لملمت أشلاءك
وحضنى كان البيت
يضم أعضاءك
ووقت الشدة كنت البر والمرسى
ولما الجهل صار دولة
بقت تهمتى ..
أنثى .
---------------
#صفوت_فوزى (هاشتاغ)
كيف تدعم-ين الحوار المتمدن واليسار والعلمانية
على الانترنت؟